ခင်ပွန်းဖြစ်သူက သူမကို လိမ်လည်ထားသမျှ လေယာဉ်စီးနေရင်း သိလိုက်ရပြီးနောက် ဒေါသအိုးပေါက်ကွဲခဲ့တဲ့ အမျိုးသမီးတစ်ဦးက လေယာဉ်ကို အရေးပေါ် ဆင်းသက်ခိုင်းခဲ့တာကြောင့် ဆင်းပေးခဲ့ရပါတယ်။

play


ဒေါသပေါက်ကွဲပြီး လေယာဉ်ကို အရေးပေါ်ဆင်းခိုင်းတဲ့ အမျိုးသမီးဟာ အီရန်နိုင်ငံသူဖြစ်ပြီး တနင်္ဂနွေနေ့ (နိုဝင်ဘာ ၅ ရက်) က ဒိုဟာမြို့ကနေ အင်ဒိုနီးရှားနိုင်ငံ ဘာလီကို ပျံသန်းလာတဲ့ ကာတာလေကြောင်းလိုင်းမှ လေယာဉ်ပေါ်မှာ သူမရဲ့ ခင်ပွန်း၊ ကလေးတိုနဲ့အတူ စီးနင်းလိုက်ပါခဲ့တယ်လို့ အိန္ဒိယနိုင်ငံထုတ် Hindustan Times သတင်းစာမှာ နိုဝင်ဘာ ၆ ရက်က ဖော်ပြခဲ့ပါတယ်။


အဆိုပါ အမျိုးသမီးက လေယာဉ်ပေါ်မှာ ခင်ပွန်းသည် အိပ်ပျော်နေစဉ် လက်ကိုယူပြီး ခင်ပွန်းရဲ့ဖုန်းကို လက်ဗွေဖြင့် ဖွင့်ကြည့်ခဲ့ရာမှ သူမအပေါ် လိမ်လည်ထားသမျှ အကြောင်းစုံကို သိရှိခဲ့ရတယ်လို့ ဆိုပါတယ်။

အလိမ်ခံထားရသမျှ အကြောင်းစုံသိလိုက်ရပြီးနောက် အဆိုပါ အမျိုးသမီးက သူမရဲ့ခင်ပွန်းကို ရိုက်ပုတ်ကာ ဒေါသ ပေါက်ကွဲခဲ့ပါတော့တယ်။ လေယာဉ်အမှုထမ်းတွေက ဝင်ရောက်ဖျန်ဖြေခဲ့ပေမဲ့ ဒေါသတကြီး ဖြစ်နေတဲ့ အမျိုးသမီးကို မထိန်းနိုင်ခဲ့ကြပါဘူး။

play


လေယာဉ်ပေါ်မှာ ထိန်းမနိုင်ဖြစ်နေတဲ့ အခြေအနေကို သိရှိခဲ့ပြီးနောက် လေယာဉ်မှူးက အိန္ဒိယတောင်ပိုင်း ချင်နိုင်းမြို့မှာ လေယာဉ်ကို အရေးပေါ်ဆင်းသက်ခဲ့ရပါတယ်။

ထို့နောက် ဒေါသထွက်နေတဲ့ အမျိုးသမီး၊ သူမရဲ့ခင်ပွန်းနဲ့ ကလေးတို့ လေယာဉ်မှဆင်းသွားပြီးနောက် ဘာလီကို ဆက်လက်ထွက်ခွာနိုင်ခဲ့တယ်လို့ အမည်မဖော်လိုသူ လုံခြုံရေးအရာရှိတစ်ဦးက Hindustan Times သတင်းစာကို ပြောခဲ့ပါတယ်။

"သူတို့ မိသားစုက ချင်နိုင်းလေဆိပ်မှာ တစ်ရက်ကြာ နေခဲ့ပြီးတော့ Batik လေကြောင်းလိုင်း လေယာဉ်နဲ့ ကွာလာလမ်ပူကို ပို့လိုက်ပါတယ်၊ သူတို့ကို အရေးယူမှုတော့ မလုပ်ခဲ့ပါဘူး" လို့ အဆိုပါ အရာရှိက ဆိုပါတယ်။ ယခုဖြစ်ရပ်နဲ့ ပတ်သက်ပြီး ကာတာလေကြောင်းလိုင်းက မှတ်ချက်ပေးပြောကြားမှု မရှိသေးကြောင်း သိရပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
Video