AD
AD
AD

ဂျမနီနိုင်ငံမှ အမျိုးသား သူနာပြုဟောင်းတစ်ဦးက ၎င်း အလုပ်လုပ်ခဲ့တဲ့ ဆေးရုံ ၂ ရုံမှာ လူ ၁၀၀ ထက်မနည်းကို သတ်ခဲ့ကြောင်း ဆေးဘက်ဆိုင်ရာ စစ်ဆေးမှုတွေက ညွန်ပြနေတယ်လို့ စုံစမ်းစစ်ဆေးရေးမှူးတွေက ပြောပါတယ်။

ဂျာမနီမှ ဆက်တိုက် လူသတ်သမား သူနာပြုဟောင်း


သူနာပြုဟောင်း နီးလ်ဟိုး (Niels Hoegl) ဟာ ယခင်ကတည်းက လူသတ်မှု ၂ ခုဖြင့် ထောင်ဒဏ်တစ်သက် ချမှတ်ခံထားရသူလည်း ဖြစ်ပါတယ်။ နီးလ်က ၎င်း ပြုစုစောင့်ရှောက်ခဲ့ရတဲ့ လူနာနှစ်ဦးကို သေစေနိုင်လောက်တဲ့ နှလုံးဆေးပမာဏပေးခဲ့ကြောင်း စစ်ဆေးပေါ်ပေါက်ခဲ့ပါတယ်။

လူနာတွေကို သတိပြန်လည်လာအောင် ပြုစုကုသနိုင်ကြောင်း လုပ်ဖော်ကိုင်ဖက်တွေရဲ့ အထင်အကြီးမှု ခံယူလိုမှုဖြင့် ထိုသို့ လုပ်ဆောင်ခဲ့ပေမဲ့ လူနာတွေ သေဆုံးခဲ့တယ်လို့ ဆိုပါတယ်။ သူနာပြုဟောင်း နီးလ်ကို နောက်ထပ် စွဲချက်တင်မှုအား လာမယ့်နှစ်မှာ ပြုလုပ်သွားမယ်လို့ မျှော်လင့်ရပါတယ်။

play


စုံစမ်းစစ်ဆေးမှုတွေအရ နီးလ်က ဂျာမနီမြောက်ပိုင်းရှိ Oldenburg မှာ လူနာ ၃၈ ဦးနဲ့ Delmenhorst မှာ လူနာ ၆၂ ဦးတို့ကို ၁၉၉၉ ခုနှစ်နဲ့ ၂၀၀၅ ခုနှစ်အတွင်း သတ်ခဲ့ခြင်းဖြစ်ကြောင်း သိရပါတယ်။

နီးလ်ဟာ လူနာအရေအတွက် ယခုထက်ပိုပြီး သတ်ခဲ့ဖွယ်ရှိပေမဲ့ အခြား သေဆုံးသူတွေကို မီးသင်္ဂြိုဟ်ခဲ့ပြီး ဖြစ်တယ်လို့လည်း စုံစမ်းစစ်ဆေးသူတွေက ပြောပါတယ်။

ယခုအမှုနဲ့ ပတ်သက်ပြီး ပြစ်မှုထင်ရှားပါက နီးလ်ဟာ ဒုတိယကမ္ဘာစစ်နောက်ပိုင်း ဂျာမနီမှာ အဆိုးဆုံး ဆက်တိုက် လူသတ်သမားတစ်ဦးလည်း ဖြစ်လာမယ်လို့ ဆိုပါတယ်။


သူနာပြုဟောင်း နီးလ်က လူ ၃၀ အထိကို သတ်ခဲ့ကြောင်း ၂၀၁၅ ခုနှစ်က တရားရုံးမှာ ထွက်ဆိုခဲ့ပြီးနောက် ၎င်းနဲ့ပတ်သက်ပြီး စုံစမ်းစစ်ဆေးမှုတွေ ကျယ်ကျယ်ပြန့်ပြန့် လုပ်ဆောင်လာခဲ့တာလည်း ဖြစ်ပါတယ်။

၂၀၁၅ ခုနှစ် တရားရုံး စစ်ဆေးကြားနာမှုတွေအရ ၎င်းကို လူသတ်မှု ၂ ခုအတွက် အပြစ်ရှိကြော်ငး ဆုံးဖြတ်ခဲ့ပြီး ထောင်ဒဏ်တစ်သက် ချမှတ်ခဲ့ပါတယ်။

ထို့အပြင် လူသတ်မှု ၂ ခု ကျူးလွန်ရန်ကြံစည်မှုနဲ့ လူနာတွေကို ထိခိုက်နာကျင်စေမှုတို့အတွက်လည်း အပြစ်ရှိကြောင်း တရားရုံးက ဆုံးဖြတ်ထားခဲ့ပါတယ်။

play


နီးလ်ရဲ့ လူသတ်မှုနဲ့ ဆက်စပ်ပြီး သေဆုံးလူနာ ၁၃၀ ကို အလောင်းပြန်ဖော် စစ်ဆေးမှုတွေ ပြုလုပ်ခဲ့ကြောင်း သိရပါတယ်။ ထို့အတူ ဆေးရုံ ၂ ရုံမှာ သူနာပြုအဖြစ် လုပ်ကိုင်ခဲ့စဉ်က မှတ်တမ်းတွေကိုလည်း ပြန်လည်စစ်ဆေးခဲ့ကြပါတယ်။

နီးလ် အလုပ်လုပ်ခဲ့တဲ့ ဆေးရုံမှ အခြားသူနာပြုတစ်ဦးက အစောပိုင်းမှာ အခြေအနေ တည်ငြိမ်နေခဲ့တဲ့ လူနာတစ်ဦးဟာ ရုတ်တရက် ပုံမှန်မဟုတ်တဲ့ နှလုံးခုန်နှုန်း ဖြစ်လာခြင်းကို တွေ့ခဲ့ရာက နီးလ်ကို သံသယ စတင်ဖြစ်ခဲ့ကြတယ်လို့ ဆိုပါတယ်။

အဆိုပါ လူနာရဲ့ အခန်းအတွင်းမှာ နီးလ် ရှိနေခဲ့တာကို သတိပြုမိခဲ့ပြီး အမှိုက်ပုံးအတွင်းမှာလည်း နှလုံးဆေးပုလင်းအလွတ်ကို တွေ့ရှိခဲ့ရကြောင်း အဆိုပါ သူနာပြုက ထွက်ဆိုခဲ့တယ်လို့ Der Spiegel အပတ်စဉ်ထုတ် သတင်းမဂ္ဂဇင်းက ဖော်ပြခဲ့ပါတယ်။

၂၀၁၅ ခုနှစ်က တရားခွင်မှာ စစ်ဆေးကြားနာမှုအတွင်း အမှန်တစ်ကယ် ဝမ်းနည်မိကြောင်းနဲ့ ၎င်းရဲ့ ပြစ်မှုတွေဟာ အလိုအလျောက် စေ့ဆော်မှုကြောင့် ဖြစ်တယ်လို့ နီးလ်က ထွက်ဆိုခဲ့ပါတယ်။

သေစေနိုင်လောက်တဲ့ နှလုံးဆေးဝါးပမာဏ ပေးခဲ့မှုကြောင့် လူနာတစ်ဦး သေဆုံးသွားတိုင်း နောက်တစ်ကြိမ် ထိုသို့ မလုပ်တောင့်ဘူးလို့ ဆုံးဖြတ်ခဲ့ပေမဲ့ နောက်ပိုင်းမှာတော့ ၎င်းရဲ့ ဆုံးဖြတ်ချက်က တဖြည်းဖြည်း မှေးမှိန်သွားခဲ့တယ်လို့ နီးလ်က ထွက်ဆိုခဲ့ပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
AD
People's Pick
AD