International News: လူထောင်ပေါင်းများစွာ နေရာရွှေ့ပြောင်းခဲ့ရတဲ့ ကယ်လီဖိုးနီးယားတောမီး

သစ်တောနဲ့ မြေဧကပေါင်း ၆၅၀၀၀ ကျော်ကို မီးလောင်ကျွမ်းထားပါတယ်။

play

 

အမေရိကန်နိုင်ငံ ကယ်လီဖိုးနီးယားပြည်နယ်တောင်ပိုင်း ဗန်တူရာကောင်တီနယ်မြေမှာ ဖြစ်ပွားခဲ့တဲ့ တောမီးလောင်ကြွမ်းမှုကြောင့် လူထောင်ပေါင်းများစွာကို နေရာရွှေ့ပြောင်းပေးခဲ့ရပြီး နေအိမ်အလုံး နှစ်သိန်းခွဲကျော် လျှပ်စစ်ဓာတ်အားပြတ်တောက်မှု ဖြစ်ပွားခဲ့တယ်လို့ သိရပါတယ်။

အဆိုပါ မီးလောင်မှုကို မီးသတ်သမား တစ်ထောင့်ရှစ်ရာကျော်နဲ့ မီးငြှိမ်းသတ်ဖို့ ကြိုးစားနေတယ်လို့ ဆိုပါတယ်။ လက်ရှိအချိန်မှာတော့ ကယ်လီဖိုးနီးယားပြည်နယ်အစိုးရတာဝန်ရှိသူတွေက အရေးပေါ်အခြေအနေ ကြေညာထားပြီး ကျောင်းတွေကိုလည်း ပိတ်ထားရတယ်လို့ သိရပါတယ်။

ဘဲလ်အဲမြို့မှာစတင်ဖြစ်ပွားခဲ့မီးလောင်မှုကို မီးသတ်သမားတွေက ထိန်းသိန်းနိုင်ဖို့ ကြိုးစားခဲ့ပေမယ့် လေပြင်းတွေတိုက်နေတာကြောင့် မီးကိုမထိန်းချုပ်နိုင်သေးဘဲ အမှတ် ၃၃ အဝေးပြေးလမ်းမကြီးကိုကျော်ဖြတ်ပြီး မီးကူးစက်လောင်ကျွမ်းနေတာကြောင့် အိုဂျေတောင်ကြားကို မီးမကူးစက်အောင် ဦးစားပေး ဆောင်ရွက်နေတယ်လို့ အာဏာပိုင်တွေက ပြောပါတယ်။

play

 

နောက်ဆုံးရရှိတဲ့ သတင်းတွေအရ မီးတောက်တွေက အနောက်ဘက်ကို ကူးစက်လောင်ကျွမ်းနေပြီး လမ်းကြောင်းတလျောက်မှာရှိတဲ့ သစ်တောနဲ့ မြေဧကပေါင်း ၆၅၀၀၀ ကျော်ကို ၀ါးမြိုလောင်ကျွမ်းထားတယ်လို့ ဆိုပါတယ်။

လက်ရှိအချိန်အထိ နေအိမ်ထောင်ပေါင်းများစွာက မီးလောင်ကျွမ်းမယ့်အန္တရာယ်နဲ့ ရင်ဆိုင်နေရပြီး မီးသတ်သမားတချို့လည်းဒဏ်ရာ အနာတရရရှိမှုတွေ ဖြစ်ပွားနေကာ နေအီမ်၊ ဆေးရုံနဲ့ ဆူပါမားကတ်တွေအပါအ၀င် အဆောက်အဦးအနည်းဆုံး ၁၅၀ ခန့် မီးလောင်ကျွမ်းထားတယ်လို့ သိရပါတယ်။

Source & Photos : US Today,Reuters

Postby

 

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ