ထိုင်ဝမ်မှာ သွားဆရာဝန် အမျိုးသားတစ်ဦးကို မိခင်ဖြစ်သူအား ၎င်းကို ကျွေးမွေးပြုစုစောင့်ရှောက်ရမှုနဲ့ သွားဆရာဝန်ဖြစ်စေရန် အကုန်အကျခံရခဲ့ရမှုတို့အတွက် အမေရိကန်ဒေါ်လာ ​၁ သန်းနီးပါး ပေးဆောင်စေရန် တရားရုံးချုပ်က အမိန့်ချမှတ်လိုက်တယ်လို့ ဆိုပါတယ်။

play


မိခင်ဖြစ်သူက ၎င်းရဲ့သား အသက် ၂၀ အရွယ် ၁၉၉၇ ခုနှစ်မှာ သဘောတူစာချုပ် ချုပ်ဆိုထားခဲ့တယ်လို့ ပြောပါတယ်။ အဆိုပါစာချုပ်မှာ သားဖြစ်သူဟာ သွားဆရာဝန်ဖြစ်ပြီးနောက်ပိုင်း ၎င်းရဲ့ လစဉ်ဝင်ငွေမှ ၆၀ ရာခိုင်နှုန်းကို မိခင်ကို ပေးအပ်ရမယ်လို့ပါရှိကြောင်း သိရပါတယ်။

သားဖြစ်သူက သူမကို နှစ်အတန်ကြာ စာချုပ်ပါအတိုင်း ငွေပေးအပ်ခြင်းမရှိခဲ့ရာက မိခင်က တရားရုံးမှာ တရားစွဲဆိုခဲ့တာ ဖြစ်ပါတယ်။ သားဖြစ်သူ သွားဆရာဝန်ကတော့ ကလေးတစ်ဦးကို မိခင်က ကျွေးမွေးပြုစုစောင့်ရှောက်ရတဲ့အတွက် ငွေပြန်ပေးဖို့တောင်းဆိုမှုဟာ လွဲမှားနေကြောင်း တရားရုံးမှာ ကန့်ကွက်ပြောဆိုခဲ့ပါတယ်။

သို့သော် တရားရုံးက စာချုပ်ချုပ်ဆိုထားမှုဟာ ခိုင်လုံကြောင်းနဲ့ စာချုပ်ပါအတိုင်း ငွေပေးအပ်ရန် အမိန့်ချမှတ်ခဲ့တယ်လို့ ဆိုပါတယ်။ တရားရုံးအမိန့်အရ အဆိုပါ သွားဆရာဝန်ဟာ မိခင်ဖြစ်သူကို ယခင်က ပျက်ကွက်ခဲ့တဲ့ ကာလတွေအတွက် အတိုးနှုန်းပါတွက်ချက်ပြီး ပေးအပ်ရမှာလည်း ဖြစ်ပါတယ်။

မျိုးရိုးအမည် Luo လို့သာသိရတဲ့ မိခင်ဖြစ်သူ အမျိုးသမီးက ခင်ပွန်းနဲ့ကွာရှင်းပြီးနောက် သားနှစ်ယောက်လုံးကို ကျွေးမွေးပြုစုစောင့်ရှောက်ခဲ့ပါတယ်။

play


သားနှစ်ယောက်လုံး သွားဘက်ဆိုင်ရာကျောင်းတက်နိုင်ရန် ဒေါ်လာသိန်းနဲ့ချီ အကုန်အကျခံခဲ့ကြောင်း၊ သို့သော် သူမ အိုမင်းလာချိန်မှာ သားတွေက ပြုစုစောင့်ရှောက်လိုခြင်း မရှိကြမှာကို စိုးရိမ်လာခဲ့တယ်လို့ Luo က ပြောပါတယ်။

ထို့နောက် Luo က သားနှစ်ယောက်လုံးနဲ့ သဘောတူညီမှုရယူပြီး ၎င်းတို့ရဲ့ဝင်ငွေကနေ ကျောင်းစရိတ်နဲ့ ကျွေးမွေးပြုစုစောင့်ရှောက်ခဲ့မှုအတွက် ရာခိုင်နှုန်းဖြင့် ငွေပြန်ပေးရန် စာချုပ်ချုပ်ဆိုခဲ့ပါတယ်။ စာချုပ်အရ Luo ပြန်လည်ရရှိမယ့် ငွေပမာဏဟာ စုစုပေါင်း အမေရိကန်ဒေါ်လာ ၁.၇ သန်း ဖြစ်ပါတယ်။

သားအကြီးဖြစ်သူက မိခင် Luo နဲ့ သဘောတူညီမှုရခဲ့ပြီး စာချုပ်ကိစ္စ အဆင်ပြေခဲ့တယ်လို့ ဆိုပါတယ်။ သားအငယ်ဖြစ်သူကတော့ မိခင်နဲ့ စာချုပ်ချုပ်ဆိုခဲ့စဉ်က ၎င်းဟာ အလွန်ငယ်ရွယ်သူ ဖြစ်ခဲ့ကြောင်းနဲ့ စာချုပ်ချုပ်ဆိုထားမှုဟာ တရားမဝင်ကြောင်း စဉ်းစားသုံးသပ်သင့်တယ်လို့ တရားရုံးမှာ ငြင်းခုံခဲ့ပါတယ်။

ဒါ့အပြင် ဘွဲ့ရပြီးနောက် မိခင်ရဲ့ သွားဆေးခန်းမှာ နှစ်နဲ့ချီ အလုပ်လုပ်ခဲ့ပြီး မိခင်အတွက် တရားရုံးက ပေးဆောင်ရန် အမိန့်ချမှတ်ြလိုက်တဲ့ ငွေပမာဏထက်ပိုများတဲ့ ငွေပမာဏကို ရှာဖွေပေးခဲ့ကြောင်းလည်း ၎င်းက ပြောခဲ့ပါတယ်။

ယခုအမှုကိစ္စမှာ သွားဆရာဝန်နဲ့ ၎င်းရဲ့မိခင်တို့ ချုပ်ဆိုထားခဲ့တဲ့ စာချုပ်ဟာ တရားဝင်ကြောင်း၊ စာချုပ်ကိုလက်မှတ်ထိုးခဲ့စဉ် သွားဆရာဝန်ဟာ အသက်ပြည့်ပြီးသူဖြစ်ကာ အတင်းအကျပ် လက်မှတ်ထိုးရန်လည်း ဖိအားပေးခံရခြင်း မရှိခဲ့ကြောင်း ထိုင်ဝမ်တရားရုံးချုပ်မှ ပြောခွင့်ရအမျိုးသမီးက ဆိုပါတယ်။

ယခုအမှုဟာ မိဘနဲ့သားသမီးကြား စာချုပ်စာတမ်းကိစ္စ အငြင်းပွားမှုဖြစ်ပြီး ထိုင်ဝမ်မှာ ဖြစ်လေ့ဖြစ်ထမရှိတဲ့ ဖြစ်ရပ်လို့လည်း သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
Video