AD
AD
AD

ပါရာဂွေးနိုင်ငံ စန်တာတီရက်ဆာ ကျေးရွာငယ်လေးမှာ မိသားစုက သေဆုံးသွားပြီလို့ သတ်မှတ်ခဲ့တဲ့ အမျိုးသားတစ်ဦးဟာ သုံးရက်ကြာ ပျောက်နေခဲ့ပြီးနောက် နေအိမ်ကိုပြန်ရောက်လာခဲ့တဲ့ ကမောက်ကမ ဖြစ်ရပ်တစ်ခု ဖြစ်ခဲ့ပါတယ်။

ထိုအမျိုးသားဟာ နေအိမ်ကနေထွက်သွားပြီး သုံးရက်ကြာ ပျောက်ဆုံးနေခဲ့ရာ ၎င်းရဲ့အလောင်းလို့ ယူဆရတဲ့ အလောင်းကိုတွေ့ရှိပြီးနောက် မိသားစုက သေဆုံးခဲ့ပြီလို့ သတ်မှတ်ခဲ့ပါတယ်။

play


ဂျူအန်ရာမွန် အယ်ဖွန်ဆိုပီနာရို အမည်ရှိ အသက် ၂၀ အရွယ် အမျိုးသားဟာ ပြီးခဲ့တဲ့ ကြာသပတေးနေ့ (ဇွန်လ ၁၄ ရက်) မှာ ဘရာဇီးနိုင်ငံနဲ့ နယ်စပ်အနီးရှိ မိသားစုနေအိမ်ကနေ ထွက်ခွာသွားခဲ့တာ ဖြစ်ပါတယ်။ ထို့နောက် နေအိမ်ကိုပြန်ရောက်မလာဘဲ ပျောက်ဆုံးနေခဲ့ပါတယ်။

ဂျူအန်ရာမွန်ရဲ့ နေအိမ်တည်ရှိရာ ဘရာဇီးနဲ့နယ်စပ်ဒေသဟာ မူးယစ်ဂိုဏ်းများကြား နယ်မြေလုတိုက်ခိုက်မှုတွေ ဖြစ်ပွားလေ့ရှိတယ်လို့ ဆိုပါတယ်။ ဂျူအန်ရာမွန် အိမ်ကိုပြန်ရောက်မလာခြင်းဟာ ပြဿနာတစ်ခုခု ကြုံခဲ့ရတာကြောင့် ဖြစ်မယ်လို့ မိသားစုက ယူဆခဲ့ကြပါတယ်။

တနင်္ဂနွေနေ့ (ဇွန်လ ၁၇ ရက်) မှာတော့ ရဲတပ်ဖွဲ့က မည်သူမှန်းမသိနိုင်အောင် မီးလောင်ကျွမ်းခံထားရတဲ့ ရုပ်အလောင်းတစ်ခုကို ရှာဖွေတွေ့ရှိခဲ့ကြပါတယ်။ မိသားစုနဲ့ ရဲတပ်ဖွဲ့က ထိုအလောင်းဟာ ဂျူအန်ရာမွန် ဖြစ်တယ်လို့ ကောက်ချက်ချခဲ့ကြပါတယ်။

ထို့နောက်မှာတော့ ဂျူအန်ရာမွန်က နေအိမ်ကိုပြန်ရောက်လာခဲ့ရာ ၎င်းလို့ယူဆထားကြတဲ့ အလောင်းကို အခေါင်းထဲထည့်ထားပြီး ပူဆွေးသောကရောက်နေတဲ့ မိသားစုကိုတွေ့ခဲ့ရပြီး အံ့အားသင့်ခဲ့တယ်လို့ ဆိုပါတယ်။

ဂျူအန်ရာမွန်က ထိခိုက်ဒဏ်ရာပင်မရဘဲ ဘေးကင်းစွာ အိမ်ပြန်ရောက်လာခဲ့ပြီးနောက် မည်သူမှန်းမခွဲခြားနိုင်သေးတဲ့ အလောင်းကို ရေခဲတိုက်သို့ ပြန်ပို့ဆောင်ခဲ့ရပါတယ်။ ဂျူအန်ရာမွန်ဟာ သုံးရက်ကြာ ပျောက်ဆုံးနေခဲ့စဉ် မည်သည့်နေရာရောက်ပြီး မည်သည့်ကိစ္စ လုပ်ဆောင်နေခဲ့ကြောင်း မသိရသေးဘူးလို့ဆိုပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
People's Pick

AD