AD
AD
AD

ကနေဒါနိုင်ငံ Quebec ပြည်နယ် တောင်ပိုင်းဒေသတွေမှာ အပူလှိုင်းကျရောက်မှုကြောင့် လူ ၃၃ ဦး သေဆုံးခဲ့ကြောင်း အာဏာပိုင်တွေက ပြောပါတယ်။ ပူပြင်းတဲ့ ရာသီဥတုဟာ ပြီးခဲ့တဲ့ သောကြောနေ့ (ဇွန်လ ၂၉ ရက်) မှာ စတင်ခဲ့ပြီး အပူချိန် ၃၅ ဒီဂရီဆဲလ်စီးယပ်သို့ ရောက်ရှိခဲ့ပါတယ်။

play
(Photo: AFP)


ယခု သီတင်းပတ်အတွင်း အပူဒဏ်ကြောင့် သေဆုံးမှု နေ့စဉ် မြင့်တက်နေပြီး အများစုဟာ အသက် ၅၀ မှ ၈၀ နှစ်ကြား အရွယ်တွေဖြစ်တယ်လို့ ဆိုပါတယ်။ Quebec မှာ အပူလှိုင်းကျရောက်မှုဟာ ဆယ်စုနှစ်များအတွင်း အဆိုးရွာဆုံးဖြစ်ကြောင်းလည်း သိရပါတယ်။

အာဏာပိုင်တွေက ပြည်သူတွေကို ရေများများသောက်ပြီး အရိပ်ထဲမှာသာ နေထိုင်ကြရန် တိုက်တွန်းထားပါတယ်။ "ကျွန်မတို့ လုပ်နိုင်သမျှ အားလုံးကို လုပ်ဆောင်နေပါတယ်" လို့ မွန်ထရယ်မြို့ မြို့တော်ဝန် Valerie Plante က ပြောပါတယ်။

play
မွန်ထရယ်မြို့ မြို့တော်ဝန် Valerie Plante (Photo: Montreal Gazette)


အဆိုပါမြို့မှာ ရေကူးကန်တွေနဲ့ လေအေးပေးစက်တပ်ဆင်ထားတဲ့ နေရာတွေကို အများပြည်သူအတွက် ဖွင့်ပေးထားကြောင်းလည်း သိရပါတယ်။ အပူဒဏ်ကို ထိခိုက်ခံစားရလွယ်တဲ့ မြို့ခံ ၁၅,၀၀၀ ကို အိမ်တိုင်ရာရောက် ကျန်းမာရေးစစ်ဆေးမှုတွေ ဆောင်ရွက်နေကြောင်း မွန်ထရယ်မြို့တော်ဝန်က ဆိုပါတယ်။

မွန်ထရယ်မြို့မှာ အပူဒဏ်ကြောင့် လူ ၁၈ ဦး သေဆုံးခဲ့ပြီး အနီးပတ်ဝန်းကျင် ဒေသတွေမှာ ၁၅ ဦး သေဆုံးခဲ့ပါတယ်။ မွန်ထရယ်မြို့မှာ Quebec မှာ လူဦးရေအထူထပ်ဆုံးမြို့ ဖြစ်ကြောင်းလည်း သိရပါတယ်။

play
မွန်ထရယ်မြို့ မြင်ကွင်းတစ်ခု (Photo: The Canadian Press)


"ကျွန်မတို့အဖွဲ့က မွန်ထရယ်မြို့ခံတွေရဲ့ နေအိမ်တွေအရောက် တံခါးခေါက်ပြီး အပူဒဏ်ကြောင့် နေမကောင်းဖြစ်သူရှိ မရှိ လိုက်လံကြည့်ရှုစောင့်ရှောက်နေပါတယ်" လို့ မြို့တော်ဝန်ကဆိုပါတယ်။ အပူဒဏ်ကြောင့် ငယ်ရွယ်လွန်းသော ကလေးတွေနဲ့ အသက်အရွယ်ကြီးလွန်းသူတွေမှာ သေဆုံးနိုင်တဲ့အထိ ဖြစ်နိုင်ကြောင်း ကျန်းမာရေးဌာနက ပြောထားပါတယ်။

မွန်ထရယ်မြို့မှာ အပူဒဏ်ကြောင့် သေဆုံးခဲ့သူတွေဟာ အသက် ၆၅ နှစ်အထက်ဖြစ်ပြီး လေအေးပေးစက်မရှိတဲ့ နေရာမှာ နေထိုင်ကြကာ ယခင်ကတည်းက ကျန်းမာရေးမကောင်းသူတွေ ဖြစ်ကြတယ်လို့ ကျန်းမာရေးဌာနက ဆိုပါတယ်။

play
(Photo: KOBI-TV NBC5)


မွန်ထရယ်မြို့ရဲ့ ပျမ်းမျှအပူချိန်ဟာ ပုံမှန်အားဖြင့် ၂၅ ဒီဂရီဆဲလ်စီးယပ်သာ ဖြစ်လေ့ရှိပေမဲ့ ယခုနှစ် လက်ရှိအချိန်မှာ အပူလှိုင်းကြောင့် ထိုအပူချိန်အထက်ကို မြင့်တက်နေပါတယ်။ အပူချိန်ဟာ ယနေ့ (ဇူလိုင် ၆ ရက်) လျော့ကျနိုင်မယ်လို့ မျှော်လင့်ရပြီး ၂၄ ဒီဂရီဆဲလ်စီးယပ်သို့ ရောက်ရှိနိုင်မယ်လို့ တာဝန်ရှိသူတွေက ခန့်မှန်းထားပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD