AD
AD
AD

မက္ကစီကိုနိုင်ငံရှိ မီးရှူးမီးပန်း ဂိုဒေါင်တစ်ခုမှာ ပေါက်ကွဲမှုများ ဆက်တိုက်ဖြစ်ပွားခဲ့မှုကြောင့် လူ ၂၄ ဦးထက်မနည်း သေဆုံးခဲ့ပြီး အခြား လူ ၄၀ ခန့် ဒဏ်ရာရခဲ့ကြောင်း သိရပါတယ်။ Tultepec မြို့ရှိ အခင်းဖြစ်နေရာကို ရဲတပ်ဖွဲ့နဲ့ မီးသတ်သမားများ ရောက်ရှိလာချိန်မှာ အကြီးမားဆုံး ပေါက်ကွဲမှုများ ဖြစ်ပွားနေခဲ့တယ်လို့ ဆိုပါတယ်။

play
Photo: People's Daily


သေဆုံးဒဏ်ရာရသူတွေအနက် အရေးပေါ် ကယ်ဆယ်ရေးသမားတွေနဲ့ မီးသတ်သမားတွေလည်း ပါဝင်ခဲ့ပါတယ်။ ဆိုရှယ်မီဒီယာမှာ လွှင့်တင်ခဲ့တဲ့ ဗီဒီယိုအရ Tultepec မြို့ရှိ မီးရှူးမီးပန်း ဂိုဒေါင်တည်ရှိရာနေရာ အပေါ်ဘက်မှာ ကြီးမားတဲ့ မီးခိုးလုံးကြီးကို တွေ့ခဲ့ရပါတယ်။

မီးရှူးမီးပန်းဂိုဒေါင် ပေါက်ကွဲမီးလောင်မှု ဖြစ်ပွားခဲ့တဲ့ Tultepec မြို့ဟာ မက္ကစီကိုမြို့မှ မိုင် ၂၀ အကွာမှာတည်ရှိပြီး မက္ကစီကိုရဲ့ မီးရှူးမီးပန်းမြို့တော်အဖြစ်လည်း လူသိများကြပါတယ်။ အဆိုပါမြို့ရှိ San Pablito ဈေးဟာ မီးရှူးမီးပန်းများ ပေါက်ကွဲမှုနှစ်ကြိမ် ဖြစ်ပွားခဲ့မှုကြောင့် ဆိုးရွားစွာ ပျက်စီးခဲ့ဖူးပါတယ်။

play
Photo: CNN


၂၀၁၆ ခုနှစ်အတွင်း ဖြစ်ပွားခဲ့တဲ့ San Pablito ဈေးအတွင်း မီးရှူးမီးပန်းပေါက်ကွဲမှုတွေကြောင့် လူ ၄၀ ကျော် သေဆုံးခဲ့ကြောင်း သိရပါတယ်။

မီးရှူးမီးပန်း ပေါက်ကွဲမှုတွေ ဖြစ်ပွားခဲ့ပြီးနောက် အဆိုပါဈေးကို ပိတ်သိမ်းရန် တိုက်တွန်းမှုတွေ ရှိခဲ့ပေမဲ့ မက္ကစီကိုသမ္မတက ဈေးကိုပြန်လည်တည်ဆောက်ပြီး ရာနဲ့ချီတဲ့ ဒေသခံ မီးရှူးမီးပန်းပညာရှင်တွေရဲ့ အသက်မွေးဝမ်းကျောင်းမှုအတွက် ကူညီမယ်လို့ ကတိပြုခဲ့ပါတယ်။

play
Photo: AFP

 
ပြီးခဲ့တဲ့ ဇွန်လအစောပိုင်းမှာလည်း  Tultepec မြို့မှာ အလားတူ မီးရှူးမီးပန်း ပေါက်ကွဲမှုတစ်ခု ဖြစ်ခဲ့ပြီး လူခုနစ်ဦး သေဆုံးခဲ့ပါတယ်။ Tultepec မြို့မှာ မက္ကစီကိုရဲ့ မီးရှူးမီးပန်းပွဲတော်ကိုလည်း နှစ်စဉ် ကျင်းပပြုလုပ်လေ့ရှိပါတယ်။

ယမန်နေ့ (ဇူလိုင် ၅ ရက်) ဒေသစံတော်ချိန် မနက် ၉ နာရီခွဲခန့်မှာ Tultepec မြို့ရှိ မီးရှူးမီးပန်းဂိုဒေါင် ပေါက်ကွဲမီးလောင်မှု စတင်ဖြစ်ပွားခဲ့ကြောင်း ဒေသခံတွေက ပြောပါတယ်။

play
Photo: Reuters


"ကျွန်တော် မနက်စာ စားနေတုန်းမှာ ကျယ်လောင်တဲ့ ပေါက်ကွဲသံကြီး ကြားလိုက်ရပါတယ်၊ အိမ်အပြင်ကိုပြေးထွက်ပြီး ကြည့်လိုက်တော့ ကောင်းကင်မှာ တော်တော်ကြီးတဲ့ အဖြူရောင်မီးခိုးလုံးကြီး တွေ့လိုက်ရတယ်" လို့ ဒေသခံတစ်ဦးက AFP သတင်းဌာနကို ပြောခဲ့ပါတယ်။

မီးရှူးမီးပန်းဂိုဒေါင်မှာ ပထမအကြိမ် ပေါက်ကွဲမှုဖြစ်ပြီးနောက် အရေးပေါ် ကယ်ဆယ်ရေးသမားတွေ ရောက်ရှိလာချိန်မှာ ဒုတိယအကြိမ် ထပ်မံပေါက်ကွဲခဲ့ရာ ကယ်ဆယ်ရေးသမားများ သေဆုံးဒဏ်ရာရခဲ့တယ်လို့ ဆိုပါတယ်။ မီးရှူးမီးပန်း မတော်တဆမှုတွေဟာ မက္ကစီကိုမှာ မကြာခဏ ဖြစ်ပွားလေ့ရှိကြောင်း သိရပါတယ်။

play
Photo: Reuters

မက္ကစီကိုမှာ ဖြစ်ပွားခဲ့သည့် မီးရှူးမီးပန်း မတော်တဆမှုများ

- Tultepec မြို့ရှိ San Pablito ဈေးမှာ ၂၀၀၅ ခုနှစ် စက်တင်ဘာလအတွင်း လွတ်လပ်ရေးနေ့မတိုင်မီ မီးရှူးမီးပန်း ပေါက်ကွဲမှုများ ဖြစ်ပွားခဲ့ပြီး ဈေးတစ်ခုလုံး ဆိုးရွားစွာ ပျက်စီးခဲ့ပါတယ်။ ထိုဖြစ်ရပ်အတွင်း လူအများအပြားလည်း ဒဏ်ရာရခဲ့ပါတယ်။

- ၂၀၀၆ ခုနှစ်မှာလည်း San Pablito ဈေးမှာပင် မီးရှုးမီးပန်း ပေါက်ကွဲမှုတစ်ခုကြောင့် ပျက်စီးမှုတွေ ဖြစ်ခဲ့ပါတယ်။

- ၂၀၁၆ ခုနှစ် ဒီဇင်ဘာလမှာ San Pablito ဈေးအတွင်း နောက်ထပ် မီးရှူးမီးပန်းပေါက်ကွဲမှု ဖြစ်ပွားခဲ့မှုကြောင့် လူ ၄၂ ဦး သေဆုံးပြီး အခြား လူ ၇၀ ဒဏ်ရာရခဲ့ပါတယ်။

- ယခုနှစ် ဇွန်လ ၆ ရက်မှာလည်း Tultepec မြို့မှာ မီးရှူးမီးပန်း ပေါက်ကွဲမှုတစ်ခု ဖြစ်ပွားခဲ့ပြီး လူခုနစ်ဦး သေဆုံးခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD