AD
AD
AD

ထိုင်းအာဏာပိုင်တွေက လူငယ်အုပ်စု ပိတ်မိနေခဲ့တဲ့ မယ်ဆိုင်ဂူဝင်ပေါက် အနီးတဝိုက်မှာ ရှင်းလင်းရေး လုပ်ဆောင်နေပြီး လူငယ်အုပ်စုကို ဂူအပြင်သို့ခေါ်ထုတ်ရန် အသင့်ပြင်ဆင်နေပြီလို့ ဆိုပါတယ်။

play
ဂူပေါက်ဝမှာ တွေ့ရသည့် ထိုင်းစစ်သားများ (Photo: Reuters)


နိုင်ငံခြားရေငုပ်သမား ၁၃ ဦးနဲ့ ထိုင်းရေတပ် အထူးတပ်ဖွဲ့ဝင် ငါးဦးတို့ကို ကယ်ဆယ်ရေးလုပ်ဆောင်ရန် ဂူအတွင်းသို့ စေလွှတ်လိုက်ကြောင်း ထိုင်းအာဏာပိုင်တွေက ယနေ့ (ဇူလိုင် ၈ ရက်) ပြောပါတယ်။

မူလက လူငယ်အုပ်စုဟာ ဂူအတွင်း လနဲ့ချီ ဆက်နေရနိုင်ဖွယ်ရှိကြောင်း ခန့်မှန်းထားခဲ့ကြပေမဲ့ ယခုအခါမှာတော့ ၎င်းတို့ကို ဂူအပြင်သို့ ပြန်လည်ခေါ်ထုတ်လာနေပြီ သို့မဟုတ် ပြန်လည်ခေါ်ထုတ်မှု စတင်ခဲ့ပြီလို့ သိရပါတယ်။

လက်ရှိမှာ Tham Luang ဂူရဲ့ အဝင်ပေါက်အနီး ရေငုပ်သမားများ၊ ဆေးဘက်ဆိုင်ရာဝန်ထမ်းများနဲ့ လုံခြံရေးတပ်ဖွဲ့ဝင်များသာ ကျန်ရှိနေပြီး မီဒီယာများအပါအဝင် အခြားလူများကို ဖယ်ရှားရှင်းလင်းထားတယ်လို့ ဆိုပါတယ်။

play
ဂူထဲမှာ ပိတ်မိနေခဲ့သည့် ထိုင်းလူငယ်အုပ်စု (Photo: Thai Navy Seal)


အသက် ၁၁ မှ ၁၆ နှစ်အရွယ် ယောက်ျားလေး ၁၂ ဦးနဲ့ ၎င်းတို့ရဲ့ အသက် ၂၅ နှစ်အရွယ် ဘောလုံးနည်းပြတို့ဟာ အဆိုပါ ဂူအတွင်းကို ဇွန်လ ၂၃ ရက်မှာ ဝင်ရောက်သွားခဲ့ပြီးနောက် ဂူအတွင်း ရေများဝင်ရောက်လာမှုကြောင့် ပြန်ထွက်မလာနိုင်ဘဲ ပိတ်မိပျောက်ဆုံးနေခဲ့ပါတယ်။

လူငယ်အုပ်စုဟာ Tham Luang ဂူအတွင်း ၉ ရက်ကြာ ပျောက်ဆုံးနေခဲ့ပြီးနောက် ၁၀ ရက်မြောက်နေ့ဖြစ်တဲ့ ဇူလိုင် ၂ ရက် ညပိုင်းမှာ ကယ်ဆယ်ရေးအဖွဲ့မှ ဗြိတိန်ရေငုပ်သမားနှစ်ဦးက ပြန်ရှာတွေ့ခဲ့ကြပါတယ်။

play
ဂူပေါက်ဝမှ မီဒီယာများ ရွှေ့ပြောင်းစဉ် (Photo: Reuters)


ထို့နောက် ၎င်းတို့ရှိရာသို့ အစားအစာ၊ ဆေးဝါးနဲ့ ဆေးဘက်ဆိုင်ရာဝန်ထမ်းများ စေလွှတ်ခဲ့ပြီး ပြုစုစောင့်ရှောက်ခဲ့ကြပါတယ်။ လူငယ်အုပ်စုကို ဂူအပြင်သို့ ပြန်ခေါ်ထုတ်ရန်မှာ ဂူအတွင်း ရေကြီးနေမှုကြောင့် မလွယ်ကူခဲ့ဘဲ နည်းလမ်းမျိုးစုံ ရှာဖွေစီစဉ်နေခဲ့ကြပါတယ်။

ကယ်ဆယ်ရေးလုပ်ငန်းမှာ ပါဝင်ကူညီနေတဲ့ ထိုင်းရေတပ်မှ အထူးတပ်ဖွဲဝင်ဟောင်း ရေငုပ်သမားတစ်ဦးဟာလည်း ဂူအတွင်းသို့ အောက်စီဂျင်ဘူးများ ပို့ဆောင်ခဲ့စဉ်အတွင်း အောက်စီဂျင်ပြတ်လပ်ပြီး သေဆုံးခဲ့ပါတယ်။

play
ဂူပေါက်ဝအနီးတွေ့ရသည့် ကယ်ဆယ်ရေးသမားများ (Photo: CGTN)


ဂူအတွင်း ပိတ်မိနေတဲ့ ထိုင်းလူငယ်အုပ်စုကို ကယ်ဆယ်ရေးမှာ မြန်မာအပါအဝင် နိုင်ငံတကာမှ ပူးပေါင်းကူညီခဲ့ကြပါတယ်။

ဒါ့အပြင် ကမ္ဘာကျော် Tesla ကားကုမ္ပဏီ တည်ထောင်သူ အမေရိကန်ဘီလျံနာ အီလွန်မတ်စ်ကလည်း လူငယ်အုပ်စုကို ဂူအပြင်သို့ ပြန်လည်ခေါ်ထုတ် ကယ်ဆယ်ရေးမှာ ကူညီပေးရန်အတွက် ၎င်းရဲ့ ကျွမ်းကျင်အဖွဲ့တစ်ဖွဲ့ကို ထိုင်းသို့စေလွှတ်လိုက်ကြောင်း သိရပါတယ်။

play
အီလွန်မတ်စ် (Photo: The Vocket)


အီလွန်မတ်စ်ရဲ့ Boring ကုမ္ပဏီ ကမ္ဘာပေါ်မှာ အမြန်ဆုံး ဥမင်တူးစက်များ ပိုင်ဆိုင်ထားပြီး ဂူထဲကို ဝင်ပေါက်တူးရာမှာ အကြီးအကျယ် အကူအညီဖြစ်စေမယ်လို့ အကြံပြုထားပါတယ်။

ဒါ့အပြင် Tesla Inc ထုတ် အကြီးစား ဘက်ထရီများနဲ့ ရေစုပ်စက်များကိုလည်း လူငယ်အုပ်စုကယ်ဆယ်ရေးမှာ အသုံးပြုကူညီပေးရန် စီစဉ်ထားတယ်လို့ ဆိုပါတယ်။

Tham Luang ဂူ ဝင်ပေါက်အနီးမှာ အာဏာပိုင်တွေက ရှင်းလင်းပြင်ဆင်မှုတွေ ပြုလုပ်လာတာကြောင့် လူငယ်အုပ်စုကို မကြာမီမှာ ဂူအပြင်သို့ ပြန်လည် ခေါ်ထုတ်လာတော့မယ်လို့ မျှော်လင့်နေကြကြောင်း သိရပါတယ်။

ဂူထဲမှာ ပျောက်ဆုံးနေခဲ့တဲ့ ထိုင်းလူငယ်အုပ်စု

- အသက် ၁၁ နှစ်မှ ၁၆ နှစ်အရွယ် ယောက်ျားလေး ၁၂ ဦးဟာ Moo Pa သို့မဟုတ် Wild Boar ဘောလုံးအသင်းရဲ့ အသင်းသားများဖြစ်ပါတယ်။

- အသက် ၂၅ နှစ်အရွယ် ဘောလုံးနည်းပြမှာ Ekkapol Janthawong ဖြစ်ပြီး ယောက်ျားလေးအုပ်စုကို တစ်ခါတရံ တစ်နေ့တာ ခရီးတိုများ ခေါ်ဆောင်သွားလေ့ရှိပါတယ်။ လွန်ခဲ့တဲ့ ၂ နှစ်မှာလည်း ယခု ဂူထဲသို့ပင် သွားလာခဲ့ကြဖူးပါတယ်။

- ဂူထဲမှာ ပျောက်နေခဲ့တဲ့ လူငယ်အုပ်စုမှာ အသက်အငယ်ဆုံးအဖြစ် အသက် ၁၁ နှစ်အရွယ် Chanin "Titan" Wibrunrungrueang ခေါ် ဘောလုံးအသင်းသားလည်း ပါဝင်ခဲ့ပြီး အသက် ၇ နှစ်အရွယ်ကတည်းက ဘောလုံးကစားခဲ့သူ ဖြစ်ပါတယ်။

play


- Wild Boar ဘောလုံးအသင်းရဲ့ အသင်းခေါင်းဆောင်မှာ အသက် ၁၃ နှစ်အရွယ် Duangpet "Dom" Promtep ဖြစ်ပြီး ၎င်းက ဘောလုံးအသင်းကို စိတ်ဓာတ်တက်ကြွအောင် ဦးဆောင်လှုံ့ဆော်နိုင်ပါတယ်။

- ဘောလုံးအသင်းရဲ့ နည်းပြချုပ်ဖြစ်သူ Nopparat Kantawong ကတော့ ဂူထဲကိုသွားရောက်တဲ့ ခရီးစဉ်မှာ လိုက်ပါခဲ့ခြင်းမရှိပါဘူး။ Wild Boar ဘောလုံးအသင်းရဲ့ အသင်းသားတွေဟာ တစ်ချိန်မှာ ပရော်ဖက်ရှင်နယ် ဘောလုံးကစားသမားတွေ ဖြစ်လာရန် အိပ်မက်ကိုယ်စီရှိကြကြောင်း နည်းပြချုပ်က ပြောပါတယ်။

ဂူထဲမှာ ၎င်းတို့ အတူတူရှိနေကြမယ်လို့ ယုံကြည်ကြောင်း နည်းပြချုပ် Nopparat Kantawong က ပြောထားခဲ့ပါတယ်။ "သူတို့ တစ်ယောက်ကိုတစ်ယောက် ပစ်ထားကြမှာမဟုတ်ဘူးလို့ ကျွန်တော်ယုံတယ်၊ သူတို့ တစ်ယောက်တစ်ယောက် အပြန်အလှန် စောင့်ရှောက်ကြမှာပါ" လို့ နည်းပြချုပ်က မီဒီယာတွေကို ပြောခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD