AD
AD
AD

ဂျပန်နိုင်ငံမှာ စံချိန်တင်ပမာဏ မိုးရွာသန်းပြီး ရေကြီးမြေပြိုမှုတွေကြောင့် သေဆုံးသူအရေအတွက် ၁၀၀ ဦးအထိ မြင့်တက်လာကြောင်း အာဏာပိုင်တွေက ယနေ့ (ဇူလိုင် ၉ ရက်) အတည်ပြု ပြောပါတယ်။

play
Photo: AFP


ရေကြီးမြေပြိုမှုတွေ ဖြစ်ပွားတဲ့နေရာဒေသတွေမှာ ရွှံ့နွံ့ထူထပ်ပြီး ရေများဖုံးလွှမ်းနေတာကြောင့် ကယ်ဆယ်ရေးလုပ်ငန်းများ အခက်အခဲများ ကြုံနေရပါတယ်။

မိုးသည်းထန်စွာ ဆက်တိုက်ရွာသွန်းခဲ့ပြီး ရေကြီးမြေပြိုမှုများအတွင်း လူဦးရေ ဒါဇင်နဲ့ချီ ပျောက်ဆုံးနေကြောင်းလည်း သိရပါတယ်။ ဒေသခံ မီဒီယာတွေကတော့ ရေကြီးမြေပြိုမှုတွေကြောင့် သေဆုံးသူ ၉၀ ဝန်းကျင်ရှိပြီး နေအိမ်တွေမှာ သောင်တင်နေသူ ၂,၀၀၀ ကျော်ရှိကြောင်း အစောပိုင်းကတည်းက ဖော်ပြထားကြပါတယ်။

play
Photo: Reuters


ဂျပန်ဝန်ကြီးချုပ် ရှင်ဇိုအဘေးက ရေဘေးသင့်သူတွေကို ကယ်တင်နိုင်ရန် အချိန်လုပြီး ဆောင်ရွက်ရမယ်လို့ သတိပေးခဲ့ပါတယ်။ လက်ရှိအချိန်ထိ ဂျပန်အလယ်ပိုင်းနဲ့ အနောက်ပိုင်း ဒေသများရှိ ရေကြီးနေတဲ့ ကျေးရွာများမှာ ဒေသခံတွေဟာ ၎င်းတို့ရဲ့ နေအိမ်ခေါင်းမိုးများပေါ်မှာ သောင်တင်နေကြဆဲ ဖြစ်ပါတယ်။

ရေကြီးမှုကြောင့် လူဦးရေ ၂ သန်းကျော်ကို ရွှေ့ပြောင်းကြရန် အာဏာပိုင်တွေက ညွန်ကြားထားပေမဲ့ ဥပဒေထုတ်ပြန်ပြီး မဖြစ်မနေလုပ်ဆောင်ရန် မဟုတ်တာကြောင့် လူအများအပြားက နေအိမ်မှာသာ ဆက်လက် နေထိုင်ခဲ့ကြပါတယ်။

play
Photo: Reuters


ထိုသို့ ဆက်လက်နေထိုင်ကြသူတွေဟာ ရေများ အလျင်အမြန် မြင့်တက်လာမှု သို့မဟုတ် မြေပြိုမှုတွေကြောင့် နေအိမ်တွေမှာ သောင်တင်နေခဲ့ကြတယ်လို့ ဆိုပါတယ်။ ဂျပန်မိုးလေဝသဌာနက တနင်္ဂနွေနေ့ (ဇူလိုင် ၈ ရက်) မှာ အလယ်ပိုင်းနဲ့ အနောက်ပိုင်းဒေသများအတွက် မိုးလေဝသ သတိပေးချက်များ အသစ်ထုတ်ပြန်ခဲ့ပါတယ်။

မိုးရွာသွန်းမှု လျော့နည်းသွားတဲ့ နေရာဒေသတွေမှာတော့ သတိပေးချက်ကို ရုပ်သိမ်းခဲ့ကြောင်းလည်း သိရပါတယ်။ သို့သော် မိုးရွာသွန်းမှု လျော့နည်းသွားတဲ့ နေရာတွေမှာလည်း မိုးရေကြောင့် မြေသားများ ပျော့နေနိုင်ပြီး မြေပြိုမှုတွေ ဖြစ်နိုင်ကြောင်း သတိပေးထားပါတယ်။

play
Photo: Kyodo


ဂျပန်မှာ လက်ရှိ ဖြစ်ပွားနေတဲ့ မိုးသည်းထန်ပြီး ရေကြီးမြေပြိုမှုများအတွင်း ကယ်ဆယ်ရေးလုပ်ဆောင်ရန် ကယ်ဆယ်ရေးလုပ်သားများ၊ ရဲတပ်ဖွဲ့ဝင်များနဲ့ စစ်သားများပါဝင်တဲ့ အင်အား ၅၀,၀၀၀ ကျော်က ပါဝင်ကူညီနေကြကြောင်း သိရပါတယ်။

ဂျပန်နိုင်ငံမှာ မိုးသည်းထန်စွာ ရွာသွန်းမှုနဲ့ဆက်စပ်ပြီး အဆိုးရွားဆုံး သဘာဝဘေးအန္တရာယ်ကို ၂၀၁၄ ခုနှစ်မှာ နောက်ဆုံးအကြိမ် ကြုံတွေ့ခဲ့ရဖူးပါတယ်။ ထိုစဉ်က ဟီရိုရှီးမားဒေသမှ မိုးသည်းထန်စွာ ရွာသွန်းခဲ့ပြီးနောက် မြေပြိုမှုတွေ ဖြစ်ပွားခဲ့ရာ လူ ၇၄ ဦး သေဆုံးခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD