AD
AD
AD

ထိုင်းနိုင်ငံမြောက်ပိုင်း မယ်ဆိုင်ဂူအတွင်းမှာ ပိတ်မိနေတဲ့ လူငယ်အုပ်စုမှ နောက်ထပ်လေးဦးကို ယနေ့ (ဇူလိုင် ၉ ရက်) ဂူအပြင်သို့ ကယ်ထုတ်နိုင်ခဲ့ကြောင်း သိရပါတယ်။ ယခုအခါ ချင်းရိုင်းခရိုင် မယ်ဆိုင်မြို့ရှိ Tham Laung ဂူအတွင်း ပိတ်မိနေတဲ့ လူငယ် ၁၃ ဦးအနက်မှ ၈ ဦးကို ကယ်ထုတ်နိုင်ခဲ့ပြီ ဖြစ်ပါတယ်။

play
ဂူထဲမှာ ပိတ်မိခဲ့ကြသည့် ထိုင်းလူငယ်အုပ်စု (Photo: Ekkaphol Chantawong)


ဂူထဲမှ နောက်ထပ် လူငယ်ငါးဦးကို ဆက်လက် ကယ်ထုတ်ရန် ကျန်ရှိနေပါသေးတယ်။ ယနေ့ ကယ်ထုတ်ရေးလုပ်ငန်းဟာ အချိန် ၉ နာရီ ကြာမြင့်ခဲ့ပြီး ယမန်နေ့ (ဇူလိုင် ၈ ရက်) ကထက် ၂ နာရီ ပိုမိုမြန်ဆန်ခဲ့ကြောင်း ကယ်ဆယ်ရေးအဖွဲ့ကို ဦးဆောင်နေတဲ့ ချင်းရိုင်းခရိုင်အုပ်ချုပ်ရေးမှူး နာရွန်ဆက်ခ် အော့စ်တန်နာခွန်းက ပြောပါတယ်။

play
ကယ်ဆယ်ရေးလုပ်ဆောင်သည့် ရေငုပ်သမားများ (Photo: AFP)


လူငယ်လေးဦးကို ဂူထဲမှ ကယ်ထုတ်ရာမှာ နိုင်ငံတကာမှ ရေငုပ်သမား ၁၈ ဦး ပါဝင်ခဲ့တယ်လို့လည်း ၎င်းက ဆိုပါတယ်။ ထိုင်းဝန်ကြီးချုပ် ပရာယွတ်ချန်အိုချာကလည်း Tham Laung ဂူသို့ ယနေ့ လာရောက်ခဲ့ပြီး ကယ်ဆယ်ရေးလုပ်ဆောင်နေသူတွေနဲ့ မိသားစုဝင်တွေကို အားပေးခဲ့ကြောင်း သိရပါတယ်။

play
ထိုင်းဝန်ကြီးချုပ် ပရာယွတ်နှင့် လုံခြုံရေးတပ်ဖွဲ့အရာရှိများ (Photo: Reuters)


ထိုင်းဝန်ကြီးချုပ်ပရာယွတ်က လူငယ်အုပ်စုကို ကယ်ဆယ်ရေးမှာ ပါဝင်ကူညီနေကြတဲ့ နိုင်ငံတကာမှ ရေငုပ်သမားများ၊ ကယ်ဆယ်ရေးသမားတွေနဲ့ စေတနာ့ဝန်ထမ်းတွေကို အားပေးစကားပြောခဲ့ပါတယ်။ ထိုင်းဝန်ကြီးချုပ်က ယခုဖြစ်ရပ်နဲ့ပတ်သက်ပြီး အားလုံးကို သင်ခန်းစာယူစေလိုကြောင်း ပြောခဲ့တယ်လို့ ဆိုပါတယ်။

Tham Laung ဂူထဲမှ လူငယ်တွေကို ကယ်ထုတ်မှုလုပ်ငန်းကို ဇူလိုင် ၈ ရက်မှာ စတင်လုပ်ဆောင်ခဲ့ပြီး လူငယ်လေးဦးကို ကယ်ထုတ်နိုင်ခဲ့ပါတယ်။ ယနေ့ ဒေသစံတော်ချိန် မနက် ၁၁ နာရီမှာ လူငယ်များကို ဂူထဲမှကယ်ထုတ်မှု ပြန်လည်စတင်ခဲ့ပြီး ည ၉ နာရီမှာ ရပ်ဆိုင်းခဲ့ကြောင်း သိရပါတယ်။

play
Graphic: CNA


ယနေ့ညပိုင်းအထိ ဂူထဲကနေ ကယ်ထုတ်ခဲ့တဲ့ လူငယ် ၈ ဦးရဲ့ အမည်တွေကိုတော့ ဂူထဲမှာကျန်ရှိနေသေးတဲ့ လူငယ်တွေရဲ့ မိသားစုဝင်တွေကို လေးစားမှုအနေနဲ့ ထုတ်ပြန်ခြင်းမပြုသေးကြောင်း ချင်းရိုင်းခရိုင်အုပ်ချုပ်ရေးမှူးက ပြောပါတယ်။

အသက် ၁၁ နှစ်မှ ၁၇ နှစ်အရွယ် ယောက်ျားလေး ၁၂ ဦးနဲ့ အသက် ၂၅ နှစ်အရွယ် လက်ထောက် ဘောလုံးနည်းပြတို့ဟာ ဇွန်လ ၂၃ ရက်မှာ Tham Luang ဂူထဲကို ဝင်ရောက်ခဲ့ပြီးနောက် ဂူအတွင်း ရေများဝင်ရောက်လာမှုကြောင့် ပိတ်မိနေခဲ့ကြပါတယ်။

play
မယ်ဆိုင်ဂူအနီး တွေ့ရသည့် အရေးပေါ် လူနာတင်ယာဉ်တစ်စီး (Photo: AFP)


ဂူထဲမှာ ၉ ရက်ကြာ ပျောက်ဆုံးနေခဲ့တဲ့ ၎င်းတို့ကို ၁၀ ရက်မြောက်နေ့ဖြစ်တဲ့ ဇူလိုင် ၂ ရက် ညပိုင်းမှာ ကယ်ဆယ်ရေးအဖွဲ့မှ ဗြိတိန်ရေငုပ်သမားနှစ်ဦးက ပထမဆုံး ပြန်ရှာတွေ့ခဲ့ကြပါတယ်။ ထို့နောက် ၎င်းတို့ကို ဂူထဲမှာ ကျန်းမာရေးစောင့်ရှောက်မှုများ ပြုလုပ်ခဲ့ပြီးနောက် ဂူအပြင်ကို ပြန်ကယ်ထုတ်ခဲ့တာ ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD