AD
AD
AD

တရုတ်နိုင်ငံအရှေ့ပိုင်းမှာ မိန်းကလေးငယ်နှစ်ဦး ကားအတွင်းပိတ်မိပြီးနောက် အပူချိန်မြင့်တက်မှုကြောင့် သေဆုံးခဲ့ပါတယ်။ Jiaojiao နဲ့ Wenwen အမည်ရှိ ညီအစ်မနှစ်ဦးဟာ သူမတို့ရဲ့ အဘိုးဖြစ်သူနဲ့အတူ နေထိုင်ကြတာဖြစ်ပါတယ်။

play
Graphic: China Daily


အင်္ဂါနေ့ (ဇူလိုင် ၁၇ ရက်) မှာ သူမတို့နဲ့ ဦးလေးတော်စပ်သူက အန်ဟွေး (Anhui) ပြည်နယ် ဘန်းဘူ (Bengbu) မြို့ရှိ နေအိမ်ကို ကားဖြင့်ရောက်ရှိလာခဲ့ပြီး ၎င်းရဲ့ကားကို နေအိမ်ခြံဝင်းအတွင်း ရပ်ထားခဲ့ပါတယ်။ နေ့လယ်စာ စားပြီးနောက်မှာတော့ ညီအစ်မနှစ်ဦးက ကားတံခါးကို သော့ခတ်မထားကြောင်း တွေ့ခဲ့ကြပြီးနောက် ကားအတွင်း ဝင်ဆော့ခဲ့ကြပါတယ်။

ညနေ ၆ နာရီဝန်းကျင်မှာ အဘိုးဖြစ်သူက မိန်းကလေးငယ်နှစ်ဦး ပျောက်ဆုံးနေတာကို သတိထားမိခဲ့ပြီး လိုက်လံရှာဖွေကြရာက ည ၉ နာရီဝန်းကျင်မှာ ၎င်းတို့နှစ်ဦး ကားအတွင်း သေဆုံးလျက်သား တွေ့ရှိခဲ့ရကြောင်း China Daily သတင်းမှာ ဖော်ပြထားပါတယ်။

လက်တွေ့စမ်းသပ်ချက်အရ ကားတစ်စီးကို နေရောင်အောက်မှာ မိနစ် ၃၀ ကြာ ရပ်နားထားခဲ့ပါက ကားအတွင်း အပူချိန်ဟာ ၄၅.၅ ဒီဂရီဆဲလ်စီးယပ်အထိ မြင့်တက်လာကြောင်း သိရပါတယ်။

play
Map: Google Maps


ထိုအပူချိန်ဖြင့် ကားအတွင်းရှိနေသူတွေဟာ ခေါင်းမူးလာခြင်း၊ မအီမသာဖြစ်ကာ ပျို့အန်ချင်လာခြင်းနဲ့ အသက်ရှူရခက်ခဲခြင်းတို့ ခံစားရပါတယ်။ နောက်ထပ် တစ်နာရီကြာပါက ကားအတွင်း အပူချိန်ဟာ ၅၈.၃ ဒီဂရီဆဲလ်စီးယပ်အထိ မြင့်တက်လာတယ်လို့ စမ်းသပ်ချက်ကဆိုပါတယ်။

ဆရာဝန်တွေကလည်း ကလေးငယ်တွေရဲ့ ခန္ဓာကိုယ်အပူချိန်ဟာ နေရာအတူတူမှာပင် အရွယ်ရောက်ပြီးသူတွေထက် သုံးဆမှငါးဆအထိ ပိုမိုလျင်မြန်စွာ မြင့်တက်လေ့ရှိတာကြောင့် မိဘတွေအနေနဲ့ ၎င်းတို့ရဲ့ကလေးတွေကို ကားအတွင်း မည်သည့်အခါမျှ မထားခဲ့ကြရန် သတိပေးထားကြောင်း သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD