AD
AD
AD

ဂရိနိုင်ငံမှာ တောမီးများ ပျံ့နှံ့လောင်ကျွမ်းမှုကြောင့် လူ ၇၄ ဦးထက်မနည်း သေဆုံးခဲ့ကြောင်းနဲ့ တောမီးငြှိမ်းသတ်နိုင်ရေး နိုင်ငံတကာအကူအညီ တောင်းခံထားကြောင်း အာဏာပိုင်တွေက သတင်းထုတ်ပြန်ပါတယ်။ တောမီးကြောင့် သေဆုံးခဲ့သူတွေအနက် ကလေးငယ် အများအပြား ပါဝင်ကြောင်း မီးသတ်တပ်ဖွဲ့က ပြောပါတယ်။

play
Photo: Reuters


အေသင်မြို့တော်အနီး နေထိုင်ကြသူတွေဟာ ၎င်းတို့ နေအိမ်တွေကို စွန့်ခွာခဲ့ကြရပြီး ရာနဲ့ချီတဲ့ မီးသတ်သမားတွေက မီးငြှိမ်းသတ်နိုင်ရန် ကြိုးပမ်းနေကြပါတယ်။

တောမီးလောင်မှုအတွင်း ဘေးကင်းရာသို့ ထွက်ပြေးခဲ့ပြီး ပျောက်ဆုံးနေတဲ့ ကမ္ဘာလှည့်ခရီးသည် ၁၀ ဦးနဲ့ အခြား ဒေသခံတွေကို ဆက်လက်ရှာဖွေနေနေကြောင်း အာဏာပိုင်တွေက သတင်းထုတ်ပြန်ပါတယ်။

"တောမီးကိုထိန်းချုပ်နိုင်မယ့် လူသားတွေ လုပ်ဆောင်နိုင်တာမှန်သမျှ ဘာမဆို ကျွန်တော်တို့ လုပ်သွားမှာပါ" လို့ ဂရိဝန်ကြီးချုပ် Alexi Tsipras က သတင်းထောက်တွေကို ပြောခဲ့ပါတယ်။ တောမီးလောင်ကျွမ်းမှုကို ငြှိမ်းသတ်နိုင်ရေး စီစဉ်ဆောင်ရွက်ရန်အတွက် ဂရိဝန်ကြီးချုပ်က ဘောစနီးယားနိုင်ငံကို သွားရောက်မယ့်ခရီးစဉ် ဖျက်သိမ်းခဲ့ပါတယ်။

play
Photo: Reuters


တောမီးလောင်မှုကို ငြှိမ်းသတ်နေရတဲ့ အခြေအနေဟာ အလွန်ခက်ခဲနေကြောင်း မီးသတ်သမားတွေက ပြောခဲ့ကြပါတယ်။ ယနေ့ (ဇူလိုင် ၂၄ ရက်) နှောင်းပိုင်းမှာ တောမီးလောင်မှုကြောင့် သေဆုံးသူအရေအတွက် ၇၀ ကျော်အထိ မြင့်တက်လာကြောင်း အစိုးရက အတည်ပြုခဲ့ပါတယ်။

play
Photo: Reuters


သေဆုံးမှုအများစုဟာ အေသင်မြို့တော် အရှေ့မြောက်ဘက် ၂၅ မိုင်အကွာရှိ ပင်လယ်ကမ်းခြေ အပန်းဖြေစခန်း Mati မှ ဖြစ်ပွားခဲ့ကြောင်းနဲ့ ၎င်းတို့ရဲ့ နေအိမ်များ သို့မဟုတ် ကားများအတွင်း ပိတ်မိသေဆုံးခဲ့ကြတယ်လို့ ဆိုပါတယ်။ တောမီးလောင်မှုအတွင်း ၁၀၄ ဦးကျော် ဒဏ်ရာရခဲ့ပြီး ၁၁ ဦးဟာ ဒဏ်ရာပြင်းထန်ပါတယ်။

ဒဏ်ရာရခဲ့သူတွေအနက် ကလေးငယ် ၁၆ ဦးလည်း ပါဝင်ကြောင်း သိရပါတယ်။ တောမီးလောင်မှု အဆိုးရွားဆုံး ဖြစ်ပွားခဲ့တဲ့ နေရာများမှ ဒေသခံတွေက မီးလောင်မှု ကင်းလွတ်စေရန် ပင်လယ်အတွင်း ထွက်ပြေးခဲ့ရတယ်လို့ ဆိုပါတယ်။

play
Photo: AFP


"ပင်လယ်ကြီးရှိနေတာ ကျေးဇူးတင်ရပါတယ်၊ မီးတောက်တွေ ကျွန်တော်တို့ အနောက်ကနေ လိုက်လာခဲ့ပါတယ်၊ နောက်ဆုံး ပင်လယ်ထဲကိုပြေးဆင်းခဲ့ပြီး မီးတောက်တွေကနေ လွတ်ခဲ့ကြတယ်" လို့ Mati အပန်းဖြေကမ်းခြေမှာ နေထိုင်သူ Kostas Laganos က ပြောပါတယ်။

ဂရိမှာဖြစ်ပွားနေတဲ့ တောမီးလောင်မှုကို အီတလီ၊ ဂျာမနီ၊ ပိုလန်နဲ့ ပြင်သစ်နိုင်ငံတွေက မီးသတ်လေယာဉ်များ၊ ကားများနဲ့ မီးသတ်သမားများ စေလွှတ်ကာ ပါဝင်ကူညီပေးနေပါတယ်။ ဂရိမှာ ယခု ဖြစ်ပွားနေတဲ့ တောမီးလောင်မှုတွေဟာ ၂၀၀၇ ခုနှစ်နောက်ပိုင်း အဆိုးရွားဆုံးဖြစ်ပါတယ်။

play
Photo: Reuters


၂၀၀၇ ခုနှစ်က ဂရိမှာဖြစ်ပွားခဲ့တဲ့ တောမီးလောင်မှုကြောင့် တောင်ပိုင်း Peloponnese ကျွန်းဆွယ်မှာ လူပေါင်းဒါဇင်နဲ့ချီ သေဆုံးခဲ့ပါတယ်။ ရာသီဥတု ဆိုးရွားမှုကြောင့် တောမီးလောင်မှု ဒါဇင်နဲ့ချီ ဖြစ်ပွားနေခဲ့ပြီး ဆွီဒင်နိုင်ငံမှာလည်း တောမီးလောင်ကျွမ်းခဲ့ကြောင်း သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD