ဂျပန်နိုင်ငံရှိ တိရစ္ဆာန်ဥယျာဉ်တစ်ခုမှာ ရှားပါးတဲ့ ကျားဖြူတစ်ကောင်က ၎င်းရဲ့လှောင်အိမ်အတွင်း တိရစ္ဆာန်ရုံဝန်ထမ်းကို ကိုက်သတ်ခဲ့ကြောင်း အာဏာပိုင်တွေက ယနေ့ (အောက်တိုဘာ ၉ ရက်) ပြောပါတယ်။

၎င်းကို ဆေးရုံသို့ အလျင်အမြန် ပို့ဆောင်ခဲ့ပေမဲ့ သေဆုံးသွားခဲ့ပါတယ်။ အဆိုပါ အမျိုးသားကို တိရစ္ဆာန်ဥယျာဉ်ရှိ ကျားဖြူလေးကောင်အနက် တစ်ကောင်က ကိုက်သတ်ခဲ့တယ်လို့ ယုံကြည်ရကြောင်း အာဏာပိုင်တွေက ပြောပါတယ်။

Photo: AFP

ထိုဖြစ်ရပ်နဲ့ပတ်သက်ပြီး တိရစ္ဆာန်ဥယျာဉ်မှာ ကျားဖြူတွေကို ထိန်းသိမ်းထားရှိမှုနဲ့ ပတ်သက်ပြီး ရဲတပ်ဖွဲ့က စုံစမ်းစစ်ဆေးနေတယ်လို့ ဂျပန်သတင်းဌာန ကျိုဒိုကပြောပါတယ်။

၂၀၁၇ ခုနှစ်မှာလည်း ဗြိတိန်နိုင်ငံ ကမ်းဘရစ်ချ်ရှိုင်းယား တိရစ္ဆာန်ရုံရှိ ကျားလှောင်အိမ်အတွင်း ကျားကိုက်ခံရပြီး တိရစ္ဆာန်ရုံဝန်ထမ်းတစ်ဦး သေဆုံးခဲ့ပါတယ်။ ရုရှားနိုင်ငံ ကလင်နင်ဂရတ်ဒ်မြို့မှာလည်း တိရစ္ဆာန်ရုံဝန်ထမ်းတစ်ဦး ကျားကိုက်ခံခဲ့ရပေမဲ့ အသက်မသေခဲ့ကြောင်း သိရပါတယ်။

ကျားဖြူများ

- ကျားဖြူတွေဟာ လိမ္မော်ရောင် ဘင်ဂေါကျားမျိုးစိတ်ရဲ့ ရှားပါးတဲ့ မျိုးစိတ်ကွဲတစ်ခုဖြစ်ပါတယ်။ ကျားဖြူ အကောင်ရေဟာ ယခုအခါ အလွန်နည်းပါးနေပြီး ရှားပါးစာရင်းဝင်ပါတယ်။

Photo: AFP

- တိရစ္ဆာန်ရုံတွေမှာတွေ့ရတဲ့ ကျားဖြူတွေမှာ အမြင်အာရုံနဲ့ ကိုယ်လက်အင်္ဂါချို့ယွင်းမှုကဲ့သို့ ကျန်းမာရေးပြဿနာတွေ ရှိနေပါတယ်။

- တောထဲမှာ လှည့်လည်သွားလာနေတဲ့ ကျားဖြူကို ၁၉၅၈ ခုနှစ်မှာ ဖြစ်ပါတယ်။ ထိုနောက်ပိုင်းမှာတော့ အိန္ဒိယတောထဲမှာ ကျားဖြူကို ရံဖန်ရံခါ တွေ့ရလေ့ရှိပါတယ်။