အိန္ဒိယသတို့သားများ လိုက်ပါစီးနင်းလေ့ရှိသည့် ရထားလုံး

အသက် ၂၅ နှစ်အရွယ် သတို့သားဟာ သေနပစ်ခံရပြီးနောက် နာရီအနည်းငယ်ကြာတဲ့ ခွဲစိတ်ကုသမှုခံကာ ၎င်းရဲ့ သတို့သမီးဆီကို အရောက်သွားပြီး မင်္ဂလာပွဲဆင်နွှဲခဲ့တယ်လို့ ဆိုပါတယ်။ မင်္ဂလာပွဲကျင်းပနေစဉ်မှာ သတို့သားရဲ့လက်မောင်းအတွင်း သေနတ်ကျည်ဆန်ရှိနေဆဲ ဖြစ်ပါတယ်။

မျက်မြင်တွေရဲ့ ပြောကြားမှုအရ သေနတ်သမားနှစ်ဦးက အခင်းဖြစ်နေရာကို ဒေသစံတော်ချိန် ည နာရီခန့်မှာ မော်တော်ဆိုင်ကယ်ဖြင့် ရောက်ရှိလာခဲ့ပြီး ပစ်ခတ်တိုက်ခိုက်ကာ ဝရုန်းသုန်းကားဖြစ်နေစဉ်အတွင်း ထွက်ပြေးသွားခဲ့ကြတယ်လို့ သိရပါတယ်။

 သတို့သားဟာ သူငယ်ချင်းများနဲ့ မိသားစုတွေခြံရံကာ ကျယ်လောင်တဲ့ ဂီတသံတွေနဲ့အတူ ကခုန်နေစဉ် ပစ်ခတ်ခံခဲ့ရပါတယ်။ သေနတ်သမားတွေက သတို့သားကို သေစေရန် တမင်ရည်ရွယ်ခဲ့ပုံရတယ်လို့ ဆိုပါတယ်။

 ထို့နောက် သေနတ်ဒဏ်ရာရသွားတဲ့ သတို့သားကို ညီအစ်ကိုတော်စပ်သူက Batra ဆေးရုံသို့ပို့ဆောင်ပြီး ကုသမှုခံယူခဲ့ရတယ်လို့ လက်ထောက်ရဲမှူး ဗီဂျေကူးမားက BBC သတင်းဌာနကို ပြောခဲ့ပါတယ်။

ဆရာဝန်တွေက သတို့သားရဲ့ သေနတ်ဒဏ်ရာကို သွေးတိတ်စေရန် ကုသပေးခဲ့ပေမဲ့ ကျည်ဆန်ထုတ်ယူရန် အကြီးစား ခွဲစိတ်ကုသမှု ပြုလုပ်ရအုံးမှာဖြစ်ပါတယ်။ မင်္ဂလာပွဲအပြီးမှာတော့ သတို့သားဟာ ဆေးရုံကိုပြန်သွားခဲ့ရတယ်လို့ BBC သတင်းမှာ ဖော်ပြထားပါတယ်။