AD
AD
AD

မြောက်ကိုရီးယားခေါင်းဆောင် ကင်မ်ဂျုံအန်က ယခုသီတင်းပတ်အစောပိုင်းမှာ တရုတ်နိုင်ငံ ဘေဂျင်းမြို့ကို လာရောက်ခဲ့ပြီး တရုတ်သမ္မတရှီကျင်းပင်နဲ့ တွေ့ဆုံဆွေးနွေးခဲ့ပါတယ်။

play
ကင်မ်ဂျုံအန်က တရုတ်အစိုးရ တာဝန်ရှိသူတွေကို ရထားပေါ်မှာ တွေ့ဆုံစဉ်


ကင်မ်ဂျုံအန်က တရုတ်နိုင်ငံခရီးစဉ်ကို အစိမ်းရောင်မှာ အဝါရောင်လိုင်းတွေ ရေးဆွဲထားတဲ့ ရထားစီးပြီး လာရောက်ခဲ့ပါတယ်။ ကင်မ်ဂျုံအန်အတွက် တရုတ်ခရီးစဉ်က ၂၀၁၁ ခုနှစ်မှာ အာဏာရလာခဲ့ပြီးနောက် ပထမဆုံး နိုင်ငံရပ်ခြားခရီးစဉ်လို့ ဆိုပါတယ်။ ကင်မ်ဂျုံအန် စီးနင်းခဲ့တဲ့ ရထားက သူ့ရဲ့ ဖခင်နဲ့ အဘိုးတို့ အသုံးပြုခဲ့တဲ့ ရထားပုံစံတူ အနှေးရထားတစ်စင်းပဲ ဖြစ်ပါတယ်။

play
မြောက်ကိုရီးယားခေါင်းဆောင် စီးနင်းတဲ့ အစီးရောင်းရထား


ကင်မ်ဂျုံအန်က ဘေဂျင်းကိုလာရောက်ရာမှာ ရထားလမ်းကို အသုံးပြုခဲ့ခြင်းဟာ ဖခင် ကင်မ်ဂျုံအီလ်နဲ့ အဘိုးဖြစ်သူ ကင်မ်အီလ်ဆွန်းတို့ လမ်းစဉ်အတိုင်း လုပ်ဆောင်ခဲ့မှု ဖြစ်တယ်လို့ သတင်းတွေက ပြောပါတယ်။

နိုင်ငံတကာအသိုင်းအဝိုင်းနဲ့ ဆက်ဆံမှုနည်းပါးပြီး သီးခြားရပ်တည်နေသကဲ့သို့ဖြစ်တဲ့ မြောက်ကိုရီးယားနဲ့ ပတ်သက်တဲ့ အကြောင်းအရာတွေက လျှို့ဝှက်ဆန်နေတတ်ကြောင်းလည်း သိရပါတယ်။

လေယာဉ်စီးရမှာကြောက်တဲ့ ကင်မ်ဂျုံအန်ရဲ့ဖခင်

play
ကင်မ်ဂျုံအန်ရဲ့ဖခင် ကင်မ်ဂျုံအီလ်


ကင်မ်ဂျုံအန်ရဲ့ ဖခင်နဲ့ အဘိုးတို့က ရုရှားနဲ့တရုတ် ခရီးစဉ်တွေကို ကုန်းလမ်းမှသာ သွားရောက်ခဲ့ကြတယ်လို့ ဆိုပါတယ်။

လေယာဉ်စီးရမှာကြောက်တဲ့ ကင်မ်ဂျုံအန်ရဲ့ဖခင် ကင်မ်ဂျုံအီလ်က ၂၀၁၁ ခုနှစ်မှာ တရုတ်နိုင်ငံခရီးစဉ်အတွင်း မိုင်ပေါင်း ၃၇,၀၀၀ ကျော် မာရသွန်ခရီးရှည်အဖြစ် ဘေဂျင်း၊ နန်ဂျင်း၊ ရှန်ဟိုင်းနဲ့ အခြားနေရာတွေကို ရထားဖြင့် သွားရောက်ခဲ့ကြောင်း သိရပါတယ်။

လက်နက်တပ်ဆင်ထားတဲ့ ကျည်ကာရထား

၂၀၀၉ ခုနှစ်မှာ တောင်ကိုရီးယားသတင်းစာ The Chosun Ilbo က ဖော်ပြခဲ့မှုအရ လက်နက်အပြည့်အစုံ တပ်ဆင်ထားပြီး ကင်မ်ဂျုံအီလ် စီးနင်းခဲ့တဲ့ ရထားဟာ အမြန်နှုန်း တစ်နာရီလျှင် ၃၇ မိုင်သာ ခုတ်မောင်းနိုင်တယ်လို့ ဆိုပါတယ်။ ရထားတွဲများမှာလည်း ကျည်ကာတွေ တပ်ဆင်ထားတယ်လို့ ဆိုပါတယ်။

ရထားပေါ်ကနေ ညွှန်ကြားချက်တွေ လုပ်ဆောင်နိုင်

မြောက်ကိုရီးယားခေါင်းဆောင် စီးနင်းလိုက်ပါတဲ့ ရထားပေါ်မှာ အစည်းအဝေးခန်းမများ၊ လူစုဝေးရာအခန်းနဲ့ အိပ်ခန်းများ ပါဝင်တယ်လို့ တောင်ကိုရီးယားသတင်းစာက ဖော်ပြခဲ့ပါတယ်။

play


ရထားပေါ်မှာ ဂြိုဟ်တုဆက်သွယ်ရေးဖုန်းနဲ့ တီဗီများလည်း တပ်ဆင်ထားပြီး မြောက်ကိုရီးယားခေါင်းဆောင်က ရထားပေါ်ကနေ လမ်းညွှန်မှာကြားမှုတွေနဲ့ အမိန့်ညွှန်ကြားချက်တွေ ပြုလုပ်နိုင်ပါတယ်။

စားကောင်းသောက်ဖွယ် စားသောက်နိုင်တဲ့ ရထား

၂၀၀၁ ခုနှစ်မှာ ကင်မ်ဂျုံအီလ်နဲ့အတူ ရထားစီးပြီး မော်စကိုမြို့ကို လိုက်ပါသွားရောက်ခဲ့တဲ့ ရုရှားအစိုးရ တာဝန်ရှိသူတွေကို ကိုးကားပြီး Washington Post က ဖော်ပြခဲ့ရာမှာ မြောက်ကိုရီးယားခေါင်းဆောင် စီးနင်းတဲံရထားပေါ်မှာ ကျောက်ပုစွန်တုပ်တွေနဲ့ အခြား စားကောင်းသောက်ဖွယ်တွေ ပုံမှန်စားသောက်လို့ရကြောင်းလည်း သိရပါတယ်။

ရထားသုံးစင်းအသုံးပြု

မြောက်ကိုရီးယားခေါင်းဆောင် ခရီးစဉ်တစ်ခုသွားရောက်ပါက ရထားသုံးစင်း အသုံးပြုလေ့ရှိတယ်လို့ တောင်ကိုရီးယားထောက်လှမ်းရေးက ပြောခဲ့ဖူးပါတယ်။ လုံခြုံရေးဆောင်ရွက်တဲ့ ရှေ့ပြေးရထား၊ ခေါင်းဆောင်လိုက်ပါတဲ့ရထား၊ ကိုယ်ရံတော်များနဲ့ အစားသောက်၊ အသုံးအဆောင် တင်ဆောင်တဲ့ရထားတို့ ဖြစ်ပါတယ်။

ကင်မ်ဂျုံအန်ရဲ့ တရုတ်ခရီးစဉ်မှ ရထား

လက်ရှိ မြောက်ကိုရီးယားခေါင်းဆောင် ကင်မ်ဂျုံအန်ရဲ့ မတ်လ ၂၅ ရက်မှ ၂၈ ရက်အထိ လေးရက်ကြာ တရုတ်ခရီးစဉ်အတွင်း မတ်လ ၂၆ ရက်မှာ ဘေဂျင်းမြို့ကိုရောက်ရှိလာခဲ့ပြီး မတ်လ ၂၇ ရက် မွန်းလွဲပိုင်းမှာ ပြန်လည်ထွက်ခွာခဲ့ပါတယ်။ ဘေဂျင်းမှ ပြန်လည်မထွက်ခွာမီ မြောက်ကိုရီးယားအစိုးရ သတင်းဌာနက KCNA ကင်မ်ဂျုံအန် စီးနင်းလာတဲ့ ရထားအတွင်းပိုင်းကို ဖော်ပြခဲ့ပါတယ်။

play
ကင်မ်ဂျုံအန်နှင့် တရုတ်အစိုးရ တာဝန်ရှိသူများကို ရထားပေါ်မှာ တွေ့ရစဉ်


KCNA က ဖော်ပြခဲ့တဲ့ သတင်းဓာတ်ပုံမှာ ဆိုဖာဆက်တီများ ခင်းကျင်းပြင်ဆင်ထားတဲ့ ရထားတွဲတစ်ခုအတွင်း ကင်မ်ဂျုံအန်က တရုတ်အစိုးရတာဝန်ရှိသူတွေနဲ့ စကားပြောနေတာ တွေ့ရပါတယ်။ ကင်မ်ဂျုံအန်ဟာ မြောက်ကိုရီးယားနိုင်ငံအတွင်း ခရီးစဉ်သွားရောက်ရာမှာလည်း ရထားကိုအသုံးပြုလေ့ရှိတယ်လို့ ဆိုပါတယ်။

၂၀၁၅ ခုနှစ်အတွင်း ထွက်ပေါ်ခဲ့တဲ့ ဗီဒီယိုမှတ်တမ်းတစ်ခုအရ ကင်မ်ဂျုံအန်က ရထားပေါ်ရှိ အဖြူရောင် အစည်းအဝေးခန်းမတစ်ခုအတွင်း အနောက်ဘက်မှာ လက်ပ်တော့တစ်လုံးနဲ့အတူ ထိုင်နေတဲ့ပုံကို တွေ့ခဲ့ရတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD