AD
AD
AD

သတင်းတုဖန်တီး ဖြန့်ချိသူတွေကို ထောင်ဒဏ်ခြောက်နှစ်အထိ ချမှတ်နိုင်တဲ့ ဥပဒေမူကြမ်းကို မလေးရှားအစိုးရက ဧပြီ ၂ ရက်မှာ အတည်ပြုလိုက်ပါတယ်။ သတင်းတုတိုက်ဖျက်ရေးဥပဒေ (Anti-Fake News Law) ကို သဘောထားးကွဲလွဲမှုတွေကို နှိပ်ကွပ်ရာမှာ အသုံးချလာနိုင်ကြောင်း စိုးရိမ်ဝေဖန်မှုတွေလည်း ရှိကြပါတယ်။

play
မလေးရှားဝန်ကြီးချုပ် ဝန်ကြီးချုပ် နဂျစ်ဘ် ရာဇက်ခ်


သတင်းတုတိုက်ဖျက်ရေးဥပဒေက ပြည်တွင်းနေသူတွေအပြင် ပြည်ပမှာနေထိုင်သူတွေကိုလည်း အရေးယူပြီး မျက်ကွယ်မှာ ပြစ်ဒဏ်ချမှတ်နိုင်ကြောင်း သိရပါတယ်။

မလေးရှားအစိုးရက တင်သွင်းခဲ့တဲ့ သတင်းတုတိုက်ဖျက်ရေးဥပဒေမူကြမ်းမှာ မူလက အမြင့်ဆုံးပြစ်ဒဏ်ကို ထောင်ဒဏ် ၁၀ နှစ်အထိနဲ့ ဒဏ်ကြေးငွေ ရင်းဂစ် ၅၀၀,၀၀၀ ချမှတ်နိုင်ကြောင်း ထည့်သွင်းရေးဆွဲထားခဲ့တာ ဖြစ်ပါတယ်။ သို့သော် ဝေဖန်မှုတွေ ထွက်ပေါ်လာခဲ့ပြီးနောက် ထောင်ဒဏ်ကို ၆ နှစ်အဖြစ်သို့ လျှော့ချပြောင်းလဲခဲ့ပါတယ်။

play


လက်ရှိ  မလေးရှားလွှတ်တော်မှာ အာဏာရ Barisan Nasional (BN) ညွန့်ပေါင်းအုပ်စုက လွှမ်းမိုးထားပြီး အစိုးရကတင်သွင်းတဲ့ ဥပေဒမူကြမ်းကို အတည်ပြုနိုင်ခဲ့ပါတယ်။ "ဒီဥပဒေက လွတ်လပ်စွာ ထုတ်ဖော်ပြောဆိုခွင့်ကို ကန့်သတ်ဖို့ မရည်ရွယ်ပါဘူး၊ ဒါပေမဲ့ သတင်းတုဖြန့်ချိမှုကိုတော့ ကန့်သတ်သွားဖို့ ရည်ရွယ်ထားတာ ဖြစ်ပါတယ်" လို့ ဝန်ကြီး အဇာလီနာအော့သ်မန်က ပြောပါတယ်။

ဆက်စပ်သတင်း - သတင်းတုဖြန့်သူတွေကို ထောင် ၁၀ နှစ်အထိ ချမှတ်နိုင်တဲ့ ဥပဒေသစ် မလေးရှားအစိုးရ စီစဉ်နေ

အတိုက်အခံ လွှတ်တော်အမတ်တွေကတော့ သတင်းတုတိုက်ဖျက်ရေးဥပဒေရဲ့ ပြစ်ဒဏ်ဟာ ကြီးလေးနေကြောင်းနဲ့ လွတ်လပ်စွာ ထုတ်ဖော်ပြောဆိုခွင့်ကို ကန့်သတ်သွားနိုင်ကြောင်း ထောက်ပြခဲ့ကြပါတယ်။ သတင်းတုတိုက်ဖျက်ရေး ဥပဒေသစ်အရ ပြစ်မှုကျူးလွန်ကြောင်း ထင်းရှားပါက ထောင်ဒဏ် သို့မဟုတ် မလေးရှားရင်းဂစ် ၅၀၀,၀၀၀ အထိ ငွေဒဏ် သို့မဟုတ် ပြစ်ဒဏ်နှစ်ရပ်လုံး ကျခံရနိုင်ပါတယ်။

"ဒီဥပဒေက အမှန်တရားဖော်ထုတ်ခွင့်ကို ပိတ်ပင်ဖို့ လက်နက်တစ်ခုပါပဲ၊ ဒီလိုပိတ်ပင်လိုက်တာကြောင့် အမှားက အမှန်ဖြစ်လာနိုင်ပြီး အမှန်က အမှားဖြစ်သွားနိုင်တယ်" လို့ Democratic Action ပါတီမှ Lim Guan Eng က ပြောပါတယ်။

play
Democratic Action ပါတီမှ Lim Guan Eng


Institute of Journalists Malaysia မှ ဘုတ်အဖွဲ့ဝင် Ram Anand က "မီဒီယာကို သက်ရောက်မှုရှိတဲ့ ရာဇဝတ်မှုဆိုင်ရာ ဥပဒေတွေကို ဖျက်သိမ်းပစ်သင့်ပါတယ်၊ အသစ်ထပ်တိုးရမှာ မဟုတ်ပါဘူး" လို့ ပြောခဲ့ပါတယ်။ ၂၀၁၇ ခုနှစ် World Press Freedom အဆင့်သတ်မှတ်ချက်အရ မလေးရှားနိုင်ငံက နိုင်ငံ ၁၈၀ အနက် အဆင့် ၁၄၄ မှာ ရပ်တည်ခဲ့တာလည်း ဖြစ်ပါတယ်။

မလေးရှားက ယခုအတည်ပြုလိုက်တဲ့ သတင်းတုတိုက်ဖျက်ရေးဥပဒေအရ 'သတင်း၊ အချက်အလက်၊ ကိန်းဂဏန်းနဲ့ သတင်းအကြောင်းအရာ ဖော်ပြမှုဟာ အားလုံးသော်လည်းကောင်း၊ တစ်စိတ်တစ်ပိုင်းသော် လည်းကောင်း မှားယွင်းနေပါက သတင်းတုအဖြစ် သတ်မှတ်မှာဖြစ်တယ်' လို့ သိရပါတယ်။

play
မလေးရှားလွှတ်တော် အစည်းအဝေးမှာ ဝန်ကြီးချုပ်နဂျစ် ရှင်းလင်းပြောကြားစဉ်


သတင်းတုတစ်ခုခုကို ဖန်တီးခြင်း၊ ပုံနှိပ်ထုတ်ဝေခြင်း၊ ဖြန့်ချိခြင်း၊ ပျံ့နှံ့စေခြင်း စတဲ့လုပ်ရပ်များ လုပ်ဆောင်သူကို ပြစ်မှုကျူးလွန်သူအဖြစ် ဥပဒေမူကြမ်းမှာ သတ်မှတ်ထားပါတယ်။ သတင်းတုတိုက်ဖျက်ရေး ဥပဒေမူကြမ်းအရ အင်တာနက်မှ ဘလော့ဂ်များ၊ ဝက်ဘ်ဆိုက်များ၊ အများပြည်သူ ဆွေးနွေးကြတဲ့ ဖိုရမ်များနဲ့ ဆိုရှယ်မီဒီယာ အကောင့်များလည်း အကျုံးဝင်သက်ရောက်ပါတယ်။

သတင်းတုတိုက်ဖျက်ရေးဥပဒေကို မလေးရှား အထွေထွေရွေးကောက်ပွဲမတိုင်မီ အတည်ပြုခဲ့တာဖြစ်ပြီး ရွေးကောက်ပွဲမတိုင်မီ အတိုက်အခံတွေကို ဝေဖန်ပြောဆိုမှု မရှိဘဲ နှုတ်ဆိတ်နေစေရန် ကြိုးပမ်းမှုအဖြစ် ဝေဖန်မှုတွေလည်း ရှိနေပါတယ်။

မလေးရှားရွေးကောက်ပွဲကို လာမယ့် သီတင်းပတ်များအတွင်း ပြုလုပ်သွားဖွယ်ရှိပြီး လက်ရှိဝန်ကြီးချုပ် နဂျစ်ဘ် ရာဇက်ခ်ဟာ ညွန့်ပေါင်းအဖွဲ့ခေါင်းဆောင်အဖြစ် တတိယသက်တမ်း အနိုင်ရရေး ကြိုးပမ်းနေပါတယ်။ Barisan Nasional (BN) ညွန့်ပေါင်းအဖွဲ့ဟာ မလေးရှားနိုင်ငံမှာ ဆယ်စုနှစ်ခြောက်ခုကျော်ကြာ အာဏာရလာခဲ့ကြောင်းလည်း သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD