AD
AD
AD

ဗြိတိန်နိုင်ငံမှ အမျိုးသားတစ်ဦးဟာ ပဋိဇီဝဆေးတွေကို ခုခံနိုင်စွမ်းရှိတဲ့ ကမ္ဘာ့အဆိုးရွားဆုံး ကာလသားရောဂါ (gonorrhoea) ဖြစ်ပွားနေကြောင်း တွေ့ရှိရတယ်လို့ Public Health of England (PEH) က ယနေ့ (မတ်လ ၂၉ ရက်) ပြောပါတယ်။

play


အဆိုပါ အမျိုးသားဟာ အရှေ့တောင်အာရှမှ အမျိုးသမီးတစ်ဦးနဲ့ လိင်ဆက်ဆံခဲ့ပြီးနောက် ပဋိဇီဝဆေးကို ခံနိုင်စွမ်းရှိတဲ့ ကာလသားရောဂါ ဖြစ်ပွားနေတာ တွေ့ခဲ့ရတယ်လို့ ဆိုပါတယ်။

PEH ရဲ့ အဆိုအရ ဗြိတိသျှအမျိုးသားဟာ လိင်ဆက်ဆံမှုမှတစ်ဆင့် ကူးစက်ရောဂါတွေကို ကုသရာမှာသုံးတဲ့ ceftriaxone နဲ့ azithromycin နှစ်မျိုးလုံးကို ခံနိုင်ရည်ရှိနေတဲ့ ပထမဆုံး ကာလသားရောဂါရသူ ဖြစ်လာကြောင်း သိရပါတယ်။

"ဒီလူနာက ဗြိတိန်မှာ ပုံမှန်လိင်ဆက်ဆံနေကျ သူ့ရဲ့အမျိုးသမီးအဖော် ရှိပါတယ်၊ အရှေ့တောင်အာရှက အမျိုးသမီးနဲ့ လိင်ဆက်ဆံပြီးနောက် တစ်လအကြာမှာ ကာလသားရောဂါလက္ခဏာ ပြလာခဲ့တာပါ" လို့ PEH ရဲ့ မှတ်တမ်းက ဆိုပါတယ်။

play


အဆိုပါ အမျိုးသားရဲ့ဆီးကို စစ်ဆေးကြည့်ရာမှာ ကာလသရောဂါပိုး မတွေ့ရပေမဲ့ သလိပ်နမူနာကို စစ်ဆေးကြည့်ရာမှာတော့ ရောဂါပိုးရှိနေတာ တွေ့ရပါတယ်။ နောက်တစ်ကြိမ် ဆီးစစ်ဆေးမှုရလဒ်ကို ဧပြီလလယ်မှာ သိရမယ်လို့ အဆိုပါတယ်။

၎င်းကို ertapenem IV ခေါ် မတူညီတဲ့ ပဋိဇီဝဆေးဖြင့် ကုသရာမှာလည်း ထူးခြားတိုးတက်မှု မရှိခဲ့ဘူးလို့ ဆိုပါတယ်။ ထိုအတောအတွင်း အဆိုပါအမျိုးသားရဲ့ လိင်ဆက်ဆံဖက် ဗြိတိန်သူကို စစ်ဆေးကြည့်ရာမှာတော့ ကာလသားရောဂါပိုး မတွေ့ခဲ့ရကြောင်း PEH က ပြောပါတယ်။

play


Gonorrhoea ခေါ် ကာလသားရောဂါဟာ အမျိုးသမီး လိင်အင်္ဂါ၊ ပါးစပ်နဲ့ စအိုနေရာတို့မှာ လိင်ဆက်ဆံရမှတစ်ဆင့် ကူးစက်နိုင်တဲ့ ဘက်တီရီးယားပိုးကြောင့်ဖြစ်တဲ့ ရောဂါတစ်မျိုး ဖြစ်ပါတယ်။ ကုသခြင်းမပြုပါက အမျိုးသမီးတွေမှာ တင်ပါးဆုံနေရာ နာကျင်မှုခံစားရပြီး အမျိုးသားနဲ့ အမျိုးသမီးတို့မှာ မျိုးမပွားနိုင်ဘဲ မြုံသွားနိုင်ပါတယ်။

ပြင်းထန်တဲ့ ကာလသားရောဂါ ဖြစ်ပွားပါက ဘက်တီးရီးယားပိုးဟာ သွေးအတွင်း ပျံ့နှံ့သွားပြီးနောက် ခန္ဓာကိုယ်ရဲ့ အခြားအစိတ်အပိုင်းတွေကို ကူးစက်ကာ အသက်အန္တရာယ်စိုးရိမ်ရပါတယ်။ အဆိုပါ ရောဂါပိုးဟာ ကိုယ်ဝန်ဆောင်မိခင်မှတစ်ဆင့် သန္ဓေသားထံ တိုက်ရိုက်ကူးစက်နိုင်ပြီး သန္ဓေသားဟာ မမွေးဖွားမီ မျက်စိကွယ်နိုင်ကြောင်း သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
More From

International News


AD