AD
AD
AD

မလေးရှားအစိုးရသစ်က အစိုးရအဖွဲ့ဝင်ဝန်ကြီးတွေရဲ့ လစာကို ၁၀ ရာခိုင်နှုန်း လျှော့ချသွားမယ်လို့ ဝန်ကြီးချုပ် မဟာသီယာမိုဟာမက်က ယနေ့ (မေလ ၂၃ ရက်) ကြေညာလိုက်ပါတယ်။

play
မလေးရှားအစိုးရအဖွဲ့ သတင်းစာရှင်းလင်းပွဲ


"ဒါက ကျွန်တော်တို့ဟာ နိုင်ငံရဲ့ ဘဏ္ဍာရေးပြဿနာတွေကို ဂရုပြုဆောင်ရွက်နေတယ်ဆိုတာ အထင်အရှား ပြသလိုက်တာပါ" လို့ မဟာသီယာက ပြောခဲ့ပါတယ်။ မဟာသီယာက ပူထရာဂျာယာမှာ ၎င်းရဲ့အစိုးရအဖွဲ့ ပထမဆုံးအကြိမ် အစည်းအဝေးပြုလုပ်ပြီးနောက် သတင်းစာရှင်းလင်းပွဲမှာ ထိုသို့ ကြေညာလိုက်တာ ဖြစ်ပါတယ်။

အမေရိကန်ဒေါ်လာ ၂၅၀ ဘီလီယံ (မလေးရှားရင်းဂစ် ၁ ထရီလီယံ) ကျော်လွန်နေတဲ့ နိုင်ငံရဲ့ကြွေးမြီကို လျော့နည်းစေရန် အစိုးရသစ်က ဆောင်ရွက်နေမှုအရ ဝန်ကြီးတွေရဲ့လစာကို လျှော့ချလိုက်တာလည်း ဖြစ်တယ်လို့ မဟာသီယာကဆိုပါတယ်။

play
မလေးရှားအစိုးရသစ် ပထမဆုံး အစည်းအဝေး


မလေးရှားရဲ့ ကြွေးမြီပမာဏဟာ နိုင် GDP (Gross Domestic Product) ရဲ့ ၆၅ ရာခိုင်နှုန်းလည်း ဖြစ်နေပါတယ်။ ရွေးကောက်ပွဲရှုံးနိမ့်ပြီး ဝန်ကြီးချုပ်ရာထူးမှ နုတ်ထွက်သွားရတဲ့ နဂျစ်ရာဇက်ခ်ကတော့ နိုင်ငံရဲ့ကြွေးမြီပမာဏာ ၎င်းတို့အစိုးရက သတ်မှတ်ထားတဲ့ GDP ရဲ့ ၅၅ ရာခိုင်နှုန်းအောက်ပမာဏထက် လျော့နည်းခဲ့ကြောင်း ယခင်က ပြောထားခဲ့ဖူးပါတယ်။

မလေးရှားလွှတ်တော်ဝက်ဘ်ဆိုက်မှာ ဖော်ပြထားမှုအရ လက်ရှိမှာ ဝန်ကြီးချုပ်က မလေးရှားရင်းဂစ် ၂၂,၈၂၇ (မြန်မာငွေ ၇၇ သိန်းကျော်)၊ လက်ထောက်ဝန်ကြီးချုပ်က ရင်းဂစ် ၁၈,၁၆၈ (မြန်မာငွေ သိန်း ၆၀ ကျော်)၊ ဝန်ကြီးတွေက ရင်းဂစ် ၁၄,၉၀၇ (မြန်မာငွေ သိန်း ၅၀ ဝန်းကျင်) နဲ့ ဒုဝန်ကြီးတွေက ရင်းဂစ် ၁၀,၈၄၈ (မြန်မာငွေ ၃၇ သိန်းနီးပါး) လစာရရှိနေကြောင်း သိရပါတယ်။

play
ဝန်ကြီးချုပ်မဟာသီယာ ဦးဆောင်တဲ့ မလေးရှားအစိုးရအဖွဲ့


သတင်းစာရှင်းလင်းပွဲမှာ ရာထူးကြီးတဲ့ အစိုးရအရာရှိတွေကိုလည်း လစာလျှော့ချခြင်းပြု မပြု မေးမြန်းခဲ့ရာမှာတော့ မဟာသီယာက "ကျွန်တော် ၁၉၈၁ ခုနှစ်မှာ ပထမဆုံးအကြိမ် ဝန်ကြီးချုပ်အဖြစ် ခန့်အပ်ခံရတုန်းက ပထမဆုံးလုပ်ဆောင်ခဲ့တာက ဝန်ကြီးတွေနဲ့ အစိုးရထိပ်တန်းအရာရှိတွေရဲ့ လစာတွေကိုလျှော့ချခဲ့တာပါ" လို့ ဖြေကြားသွားခဲ့ပါတယ်။

ဆက်လက်ပြီး "ခင်ဗျားတို့ သိတဲ့အတိုင်းပဲ၊ အစိုးရဝန်ထမ်း အရာရှိကြီးတွေက ဝန်ကြီးတွေထက် လစာပိုကောင်းပါတယ်၊ နိုင်ငံရဲ့အသုံးစရိတ်တွေ လျော့နည်းစေဖို့ လုပ်ဆောင်ရာမှာ သူတို့လည်း ပါဝင်ချင်စိတ်ရှိ မရှိက သူတို့အပေါ်ပဲ မူတည်ပါတယ်၊ သူတို့လည်း လစာတွေလျှော့ယူနိုင်တာပဲ၊ ဒါပေမဲ့ ကျွန်တော်တို့ကတော့ သူတို့ကို ဖိအားမပေးပါဘူး" လို့ မဟာသီယာက ပြောပါတယ်။

play
ဝန်ကြီးချုပ်ဟောင်း နဂျစ်ရာဇက်ခ်


Barisan Nasional (BN) ညွန့်ပေါင်းအုပ်စု ဦးဆောင်တဲ့ ယခင်အစိုးရလက်ထက်မှာ ဝန်ကြီးချုပ်နဂျစ်က ဝန်ထမ်းလစာတွေကို ဇူလိုင် ၁ ရက်မှစပြီး တိုးမြှင့်ပေးသွားမယ်လို့ ကတိပြုထားခဲ့ကြောင်းလည်း သိရပါတယ်။ ယခု ဝန်ကြီးချုပ်မဟာသီယာက အဆိုပါ ဝန်ထမ်းလစာတိုးမယ့်ကိစ္စကိုလည်း ၎င်းရဲ့အစိုးရအနေနဲ့ ပြန်သုံးသပ်မယ်လို့ ပြောခဲ့ပါတယ်။

"အဲဒါက အခုအချိန်မျာ အတိုက်အခံတွေက ပေးခဲ့တဲ့ ကတိတစ်ခု ဖြစ်သွားပါပြီ၊ သူတို့ ရွေးကောက်ပွဲမှာ ရှုံးနိမ့်ခဲ့ပါတယ်၊ သူတို့ရဲ့ကတိတွေကို ကျွန်တော်တို့ အကောင်အထည်ဖော်မှာ မဟုတ်ပါဘူး" လို့လည်း မဟာသီယာက ဆိုပါတယ်။

သို့သော် ဝန်ထမ်းတွေအတွက် အဆင်ပြေစေရန် သုံးသပ်သွားမှာဖြစ်ပြီး အပိုထပ်ဆောင်းစရိတ် ခံစားခွင့်အချို့ ပေးသွားမယ်လို့ ၎င်းက ပြောခဲ့ပါတယ်။ မလေးရှားအစိုးရသစ်က အသုံးစရိတ်လျော့နည်းစေရန် ဝန်ထမ်းအရေအတွက်ကိုလည်း လျှော့ချသွားမှာဖြစ်ပါတယ်။

play
မလေးရှားဝန်ကြီးချုပ် မဟာသီယာနှင့် ဇနီး


အစိုးရက နိုင်ငံရေးဆိုင်ရာ ဝန်ထမ်းခန့်အပ်မှုတွေကိုလည်း ရပ်ဆိုင်းသွားမှာဖြစ်ပြီး အရေးပါတဲ့ နေရာတွေအတွက်သာ နည်းပါးတဲ့လစာဖြင့် ခန့်အပ်သွားနိုင်ရန် ပြန်လည် ညှိနှိုင်းသွားမယ်လို့ ဝန်ကြီးချုပ်မဟာသီယာက ပြောပါတယ်။

ဒါ့အပြင် နိုင်ငံရေးဆိုင်ရာ ဝန်ထမ်းတွေခန့်အပ်ရန် မလိုအပ်ကြောင်းနဲ့ ၎င်းတို့ကို ခန့်အပ်ခဲ့ခြင်းဟာ ယခင်ကအစိုးရ ထောက်ခံသူတွေနဲ့က ဆက်ဆံရေးအတွက်သာ ဖြစ်တယ်လို့လည်း မဟာသီယာက ထောက်ပြခဲ့ပါတယ်။

ယခင်အစိုးရလက်ထက်က နိုင်ငံရေးဆိုင်ရာ ရာထူးခန့်အပ်မှု ၁၇,၀၀၀ ခန့်ရှိခဲ့ပြီး ၎င်းတို့အနက် အချို့ဟာ အမြဲတမ်း ဝန်ထမ်းဖြစ်လာခဲ့ကြတယ်လို့ ဆိုပါတယ်။ ယနေ့ ပြုလုပ်ခဲ့တဲ့ သတင်းစာရှင်းလင်းပွဲမှာ မဟာသီယာက အစိုးရနဲ့ဆက်စပ်နေတဲ့ ဌာနနဲ့ အဖွဲ့အစည်းများ ဖျက်သိမ်းမှုကိုလည်း ပြောကြားသွားခဲ့ပါတယ်။

play
နဂျစ်အစိုးရလက်ထက်က ပြဌာန်းခဲ့တဲ့ သတင်းတုဥပဒေ ကြော်ငြာတစ်ခု


ဖျက်သိမ်းလိုက်တဲ့ ဌာနနဲ့အဖွဲ့အစည်းတွေအနက် Special Affairs Department (Jasa), Malaysian Global Innovation and Creativity Centre (MaGIC), National Council of Professors (MPN) and Federal Village Development နဲ့ Security Committee (JKKKP) တို့ ပါဝင်ကြောင်း သိရပါတယ်။

"ဒီအဖွဲ့အစည်းအများစုက အမှန်တစ်ကယ်တော့ အစိုးရအဖွဲ့ မဟုတ်ပါဘူး၊ သူတို့က အစိုးရကို အကြံဉာဏ်ပေးတယ်လို့ ဆိုနိုင်ပါတယ်၊ ဒါတွေအားလုံးကို ဖျက်သိမ်းသွားပါမယ်၊ ကျွန်တော်တို့ သူတို့ရဲ့ အကြံဉာဏ် မလိုပါဘူး၊ ကျွန်တော်တို့မှာ ကိုယ်ပိုင် အကြံဉာဏ်တွေရှိတယ်လို့ ကျွန်တော် ထင်ပါတယ်" လို့ မလေးရှားဝန်ကြီးချုပ် မဟာသီယာက ရှင်းလင်းပြောကြားသွားခဲ့ပါတယ်။

မဟာသီယာ ဦးဆောင်တဲ့ မလေးရှားအစိုးရသစ်က သတင်းတုတိုက်ဖျက်ရေးဥပဒေ အပါအဝင် ယခင် နဂျစ် အစိုးရလက်လက်မှာ ပြဌာန်းခဲ့တဲ့ ဥပေဒနဲ့ စီမံကိန်းတွေကို ပြန်လည် သုံးသပ်မှုတွေလည်း လုပ်ဆောင်နေကြောင်း သိရပါတယ်။

play
1MDB စီမံကိန်းနေရာတစ်ခုကို တွေ့ရစဉ်


ဒါ့အပြင် ဝန်ကြီးချုပ်ဟောင်းနဂျစ် တည်ထောင်ခဲ့ပြီး အမေရိကန်ဒေါ်လာ ဘီလျံနဲ့ချီတဲ့ ငွေကြေးအရှုပ်အထွေး ဖြစ်ခဲ့တဲ့ မလေးရှားအစိုးရပိုင် 1MDB (1Malaysia Development Berhad) ကုမ္ပဏီနဲ့ပတ်သက်ပြီး စုံစမ်းစစ်ဆေးမှုတွေကိုလည်း အဓိကထား လုပ်ဆောင်နေပါတယ်။

1MDB ကိစ္စနဲ့ပတ်သက်ပြီး ဝန်ကြီးချုပ်ဟောင်းနဂျစ်ရဲ့ နေအိမ်အပါအဝင် ၎င်းနဲ့ဆက်နွယ်နေတဲ့ နေရာတွေကို စီးနင်းရှာဖွေပြီး ငွေနဲ့အဖိုးတန်ပစ္စည်းတွေကို သိမ်းဆည်းခဲ့ပါတယ်။ နဂျစ်ကိုလည်း 1MDB ရဲ့ လက်အောက်ခံကုမ္ပဏီခွဲ SRC International နဲ့ ပတ်သက်တဲ့ စုံစမ်းစစ်ဆေးမှုအတွက် ယမန်နေ့ (မေလ ၂၂ ရက်) မှာ အဂတိလိုက်စားမှုတိုက်ဖျက်ရေး ကော်မရှင်ရုံးချုပ်မှာ လာရောက်ထွက်ဆိုစေခဲ့ကြောင်း သိရပါတယ်။

မေလ ၉ ရက် မလေးရှားအထွေထွေရွေးကောက်ပွဲမှာ မဟာသီယာရဲ့ Pakatan Harapan (PH) အတိုက်အခံ ညွန့်ပေါင်းအုပ်စုက အနိုင်ရပြီး မဟာသီယာက တစ်ကျော့ပြန် ဝန်ကြီးချုပ်ဖြစ်လာခဲ့ပါတယ်။ နဂျစ်ရဲ့ BN ညွန့်ပေါင်းအုပ်စုက ရွေးကောက်ပွဲရှုံးနိမ့်ခဲ့ပြီး မလေးရှားမှာ နှစ်ပေါင်း ၆၀ ကျော်ကြာ အာဏာရရှိလာမှု အဆုံးသတ်သွားခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
AD