AD
AD
AD

ဂျော်ဂျီယာပြည်နယ် လွှတ်တော်အမတ်ဟောင်းနဲ့ စာရေးဆရာမဖြစ်သူ စတေစီအေဘရမ်စ်က အမေရိကန်ပြည်နယ်တစ်ခုရဲ့ ပထမဆုံး အာဖရိကန်-အမေရိကန်ကပြား လူမည်းအမျိုးသမီး ပြည်နယ်အုပ်ချုပ်ရေးမှူး ဖြစ်လာရန် နီးစပ်လာခဲ့ပြီလို့ ဆိုပါတယ်။

play
စတေစီအေဘရမ်စ်


စတေစီအေဘရမ်စ် (Stacey Abrams) က အင်္ဂနေ့ (မေလ ၂၂ ရက်) မှာ ပြုလုပ်ခဲ့တဲ့ ဒီမိုကရက်တစ်ပါတီ ကိုယ်စားလှယ်ရွေးကောက်ပွဲမှာ အနိုင်ရခဲ့ပါတယ်။ ဂျော်ဂျီယာပြည်နယ်မှာ ၂၀၀၃ ခုနှစ်နောက်ပိုင်း ဒီမိုကရက်တစ်ပါတီမှ အုပ်ချုပ်ရေးမှူးအဖြစ် ရွေးကောက်တင်မြှောက်ခံရမှု မရှိခဲ့ကြောင်းလည်း သိရပါတယ်။

ယခုအခါ ဒီမိုကရက်တစ်ပါတီမှ အေဘရမ်စ်က ရီပတ်ဘလစ်ကင်ပါတီ ကိုယ်စားလှယ်လောင်းနဲ့ လာမယ့် နိုဝင်ဘာလ ကြားဖြတ်ရွေးကောက်ပွဲမှာ ယှဉ်ပြိုင်ရမှာဖြစ်ပါတယ်။ မေလ ၂၂ ရက်မှာ ပြုလုပ်ခဲ့တဲ့ ရီပတ်ဘလစ်ကင်ပါတီရဲ့ ရွေးကောက်ပွဲမှာတော့ လက်ရှိ ဂျော်ဂျီယာပြည်နယ် လက်ထောက်အုပ်ချုပ်ရေးမှူး ကေစီကက်ဂလီက ရီပတ်ဘလစ်ကင်ကိုယ်စားလှယ်အဖြစ် အနိုင်ရခဲ့ပါတယ်။

play
ကေစီကက်ဂလီနှင့် ဘရိုင်ယန်ကမ့်


ကေစီကက်ဂလီဟာ လာမယ့် ဇူလိုင် ၂၂ ရက် ရီပတ်ဘလစ်ကင်ပါတီ ကိုယ်စားလှယ်ရွေးကောက်ပွဲမှာ ဘရိုင်ယန်ကမ့်နဲ့ ထပ်မံ ယှဉ်ပြိုင်ရမှာဖြစ်ပါတယ်။ အကယ်၍ ဂျော်ဂျီယာပြည်နယ် အုပ်ချုပ်ရေးမှူးရွေးကောက်ပွဲမှာ ဒီမိုကရက်တစ်ပါတီမှ အေဘရမ်စ် ရွေးကောက်ခံခဲ့ရပါက သူမဟာ ပထမဆုံးအမျိုးသမီးနဲ့ ပထမဆုံး လူနည်းစုမျိုးနွယ်မှ ဂျော်ဂျီယာပြည်နယ်အုပ်ချုပ်ရေးမှူးအဖြစ်လည်း မှတ်တမ်းဝင်မယ်လို့ သိရပါတယ်။

အမေရိကန်မှာ အမျိုးသမီးများအခွင့်အရေးနဲ့ ပတ်သက်ပြီး #MeToo နဲ့ #TimesUp လှုပ်ရှားဆောင်ရွက်မှုများ ရှိလာခဲ့ပြီးနောက် ဒီမိုကရက်တစ်ပါတီရဲ့ ကင်တက်ကီ၊ အာကင်ဆက်နဲ့ တက္ကဆက်ပြည်နယ် ရွေးကောက်ပွဲတွေမှာ အမျိုးသမီးတွေ အနိုင်ရရှိလာခဲ့တယ်လို့ ဆိုပါတယ်။

play
အေမီမာ့ခ်ဂရတ်သ်


အမျိုးသမီးများ ပါတီကိုယ်စားလှယ်ရွေးကောက်ပွဲမှာ အနိုင်ရရှိမှုတွေအနက် အမျိုးသမီး တိုက်လေယာဉ်မှူးဟောင်းနဲ့ မျက်နှာသစ် နိုင်ငံရေးနယ်ပယ်ကို အသစ်ဝင်ရောက်လာသူ အေမီမာ့ခ်ဂရတ်သ်လည်း ပါဝင်ခဲ့ပါတယ်။ သူမက အမေရိကန်လွှတ်တော်အမတ်နေရာအတွက် ကင်တက်ကီပြည်နယ် ဒီမိုကရက်တစ်ပါတီ ကိုယ်စားလှယ်လောင်းအဖြစ် ရွေးကောက်ခံခဲ့ရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD