play

 

လျှပ်စစ်ဓာတ်အား ၃၀ ကီလိုဝပ်ထက် ပိုသုံးမယ်ဆိုရင် ရန်ကုန်က ကန်ထရိုက်တိုက်တွေဟာ ကိုယ်ပိုင်ထရန်စဖော်မာ တပ်သုံးရမယ်လို့ သိရပါတယ်။

ကန်ထရိုက်တိုက်ခန်းတွေဟာ သြဂုတ် ၁၂ ရက် နောက်ပိုင်းမှာ နေထိုင်ခွင့်ကျမှာ ဖြစ်ပြီး လျှပ်စစ်မီးသုံးစွဲဖို့ လျှောက်ထားမယ်ဆိုရင် ကိုယ်ပိုင်ထရန်စဖော်မာပါ တပ်ဆင်အသုံးပြုရမှာ ဖြစ်တယ်လို့ 7Day Daily ရဲ့ သတင်းတစ်ရပ်မှာ ရေးသားထားပါတယ်။  ၃၀ ကီလိုဝပ်ဟာ အခန်းလေးခန်း သုံးစွဲတဲ့ ပမာဏရှိပြီး အဲကွန်း၊ ရေခဲသေတ္တာတွေပါ သုံးစွဲမယ်ဆိုရင် ၃၀ ကီလို ၀ပ်ထက် ကျော်သွားနိုင်တာ ဖြစ်ပါတယ်။ ဒီလိုမျိုးသုံးစွဲဖို့ ရန်ကုန်မြို့တော်လျှပ်စစ်ဓာတ် အားပေးရေးကော်ပိုရေးရှင်းက သတင်းထုတ်ပြန်ခဲ့တာဖြစ်ပြီး  သုံးထပ်နဲ့ လေးထပ်အဆောက်အအုံတွေပါ  ကိုယ်ပိုင်ထရန်စဖော်မာ တပ်ဆင်ရမယ့် အခြေအနေဖြစ်ပါတယ်။

 ခွင့်ပြုမိန့်တွေ လျှောက်တာနဲ့တင် အချိန်တွေအများကြီးကြာပြီး ကုန်ကျစရိတ်လည်း ပိုလာမှာဖြစ်တာကြောင့်  အခုအစီအစဉ်က ဆောက်လုပ်သူတွေအပေါ် တော်တော်လေး အကျပ်ရိုက်စေတယ်လို့  MKT ဆောက်လုပ် ရေးကုမ္ပဏီ မန်နေဂျင်း ဒါရိုက်တာဦးမျိုးမြင့်က ပြောထားပါတယ်။

Source: 7Day Daily
Photos: Mizzima

ဤအကြောင်းအရာကို သင်ဘယ်လိုထင်ပါသလဲ။
Video