Local News: မုန်တိုင်း အိန္ဒိယဘက်ကို ရွေ့သွားပေမဲ့ လေပြင်းဒဏ်သတိပြုဖို့ လိုအပ်

ည ၈နာရီခန့်မှာတော့ အိန္ဒိယကမ်းရိုးတန်းဘက်သို့ ပြန်လည် ဦးတည်သွားခဲ့တာ ဖြစ်ပါတယ်။

play

 

မုန်တိုင်းရွေ့သွားပြီဖြစ်ပေမဲ့ အဖျားခတ်မှုကြောင့် မိုးနဲ့လေပြင်းဒဏ်ကို သတိထားဖို့ လိုအပ်တယ်လို့ မိုးလေ၀သပညာရှင် ဒေါက်တာထွန်းလွင်က သတင်းထုတ်ပြန်ထားပါတယ်။

ဘင်္ဂလားပင်လယ်အော်မှာ ဖြစ်ပေါ်နေတဲ့ မုန်တိုင်းငယ်ဟာ ဟိုင်းကြီးကျွန်းအနီးကို ရောက်လာခဲ့ပြီး အောက်တိုဘာ ၂၃ ရက် ညနေမှာ အပူပိုင်းမုန်တိုင်းအဆင့်ကို ရောက်ခဲ့ကာ  ည ၈နာရီခန့်မှာတော့ အိန္ဒိယကမ်းရိုးတန်းဘက်သို့ ပြန်လည် ဦးတည်သွားခဲ့တာ ဖြစ်ပါတယ်။

ပင်လယ်ထဲမှာ တဖြည်းဖြည်းပိုအားကောင်းလာနိုင်ပြီး နောက်တစ်ဆင့်ဆိုင်ကလုန်း မုန်တိုင်းဖြစ်ဖို့ အလားအလာပိုများတယ်လို့ ဒေါက်တာ ထွန်းလွင်က ပြောထားပါတယ်။

ပင်လယ်ပြင်ဝါးဖောင်တွေပေါ်မှာ လုပ်ကိုင်နေတဲ့ ရေလုပ်သားသုံးထောင်ကျော်ဟာ အောက်တိုဘာ ၂၃ ရက်ညအထိ ပြန်လည်ရောက်ရှိလာခြင်းမရှိသေးတာကြောင့် ဖျာပုံမြို့ အမာမြို့နယ်ဒေသခံတွေ စိုးရိမ်နေတယ်လို့လည်း သိရပါတယ်။

Photos & Source:7Day Daily

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ