Local News: ရန်ကုန်က လူဆိုးလူမိုက်တွေကိုဖမ်းပြီး ပိုင်ဆိုင်မှုတွေပါသိမ်းမယ်

ငွေကြေးခဝါချတိုက်ဖျက်ရေးအဖွဲ့နဲ့ စစ်ဆေးသွားမယ်လို့ ဆိုပါတယ်။

play

 

ရန်ကုန်တိုင်းထဲမှာရှိတဲ့ လူဆိုးလူမိုက်တွေကို ဥပဒေအရ ဖမ်းဆီးအရေးယူသွားမယ့်အပြင် သူတို့ပိုင်ဆိုင်မှုတွေကိုလည်း ငွေကြေးခဝါချတိုက်ဖျက်ရေးအဖွဲ့နဲ့ စစ်ဆေးပြီး ဥပဒေနဲ့အညီ နိုင်ငံတော်ပိုင်အဖြစ် သိမ်းဆည်းသွားမယ်လို့ ရန်ကုန်တိုင်းဒေသကြီးလုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးတင်အောင်ထွန်းက ပြောပါတယ်။

အောက်တိုဘာလ ၂၅ ရက်နေ့က ကျင်းပခဲ့တဲ့ တိုင်းဒေသကြီးလွှတ်တော်မှာ လသာမြို့နယ်၊ လွှတ်တော်ကိုယ်စားလှယ် ဦးဇော်ဝင်းနိုင်က လတ်တလောဖြစ်ပွားနေတဲ့ ဓားလက်နက်ကိုင်ဆောင်ပြီး အုပ်စုလိုက် လူသတ်မှုကျူးလွန်တာတွေ၊ သက်ငယ်မုဒိမ်းမှုတွေနဲ့ အကြမ်းဖက်နှိပ်စက်မှု ကျူးလွန်သူတွေကို ထိထိရောက်ရောက် အပြစ်ပေးနိုင်ဖို့ မေးမြန်းတာကို နယ်လုံဝန်ကြီးက အခုလိုဖြေကြားခဲ့တာပါ။

“ဖမ်းမိတဲ့ လူဆိုးလူမိုက်တွေကို ထိရောက်တဲ့ ပြစ်ဒဏ်ရရှိရေး ၎င်းတို့ကျူးလွန်တဲ့ ပြစ်မှုတွေကို အရေးယူတဲ့အပြင် သူတို့ပိုင်ဆိုင်တဲ့ ပစ္စည်းတွေကိုလဲ ငွေကြေးခဝါချတိုက်ဖျက်ရေးအဖွဲ့ကနေ စစ်ဆေးပြီး ဥပဒေနဲ့အညီ နိုင်ငံတော်အပိုင်အဖြစ် သိမ်းဆည်းသွားမယ်”လို့ ဗိုလ်မှူးကြီးတင်အောင်ထွန်းက ပြောပါတယ်။

Source : Kumudra

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ