Local News: ဇီကာဗိုင်းရပ်စ် ကူးစက်ခံရတဲ့လူနာ ရန်ကုန်မှာ မရှိသေး

အောက်တိုဘာ ၃၀ ရက်အထိ လူနာအသစ်မတွေ့သေးဘူးလို့ ဆိုပါတယ်။

play

 

စမ်းချောင်းမြို့နယ်မှာနေတဲ့ ဇီကာဗိုင်းရပ်စ်ရောဂါ ကူးစက်ခံနေရတဲ့ ဥရောပနိုင်ငံသူ ကိုယ်ဝန်ဆောင် အမျိုးသမီးရဲ့ ကလေးအခြေအနေကို သားဖွားမီးယပ်အထူးကု ဆရာဝန်ကြီးတွေက စောင့်ကြည့်နေပြီး အောက်တိုဘာ ၃၀ ရက်အထိ လူနာအသစ်မတွေ့သေးဘူးလို့ ပြည်သူ့ ကျန်းမာရေးဦးစီးဌာနကနေ သတင်းထုတ်ပြန်ခဲ့ပါတယ်။

‘‘ဇီကာရောဂါထောက်လှမ်း မှုတွေ ဆက်လက်လုပ်ဆောင်နေပြီး သံသယလူနာတွေကို ဆက်လက်စစ်ဆေးနေပေမယ့် နောက်ထပ်လူနာအသစ် မတွေ့ရသေး ဘူး။ လက်ရှိရောဂါဖြစ်ပွားနေတဲ့ လူနာကိုတော့ ကလေးရဲ့အခြေအနေကို အာထရာဆောင်းရိုက်ပြီး အိုဂျီက ဆက်ကြည့်နေရမယ်’’လို့ ရန်ကုန်တိုင်း ပြည်သူ့ကျန်းမာရေးဦးစီးဌာန ဒုတိယတိုင်းဦးစီးမှူး ဒေါက်တာခင်နန်းလုံက ပြောပါတယ်။

ပြည်သူ့ကျန်းမာရေးဦးစီးဌာနက ရောဂါကူးစက်ခံနေရတဲ့ လူနာအမျိူးသမီးနေထိုင်တဲ့ နေရာအတိအကျကိုတော့ ထုတ်ဖော်ပြောကြားတာမရှိဘဲ သူရဲ့နေအိမ်မှာပဲ ရောဂါ စောင့်ကြပ်ကုသပေးတာတွေလုပ်နေပြီး သူနေထိုင်တဲ့ပတ်ဝန်းကျင်မှာ ရောဂါထောက်လှမ်းတာတွေနဲ့ ပိုးလောက်လမ်းနှိမ်နင်းတာတွေ၊ ခြင်ဆေးဖျန်းတာတွေလုပ်နေပြီး  စမ်းချောင်းမြို့နယ်မှာ ခြင်နှိမ်နင်း ရေးလုပ်ငန်းတွေနဲ့ ပညာပေးခြင်းလုပ်ငန်းတွေပါ လုပ်နေတယ်လို့ သိရပါတယ်။

Source & Photo : 7DayDaily

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ