Local News: ရည်းစားကိုဓားနဲ့ထိုးပြီး ကိုယ့်ကိုယ်ကိုယ် သတ်သေမှု ကျောက်ဖြူမှာဖြစ်

နှစ်ဦးစလုံး ဆေးရုံအရောက်မှာ သေဆုံးသွားတယ်လို့ သိရပါတယ်။

play

 

ရခိုင်ပြည်နယ်၊ ကျောက်ဖြူမြို့ ကရင်တောရပ်ကွက်မှာ အောက်တိုဘာလ ၃၁ ရက်(ယနေ့) မနက်ပိုင်းက သမီးရည်းစားနှစ်ဦး ဓားထိုးမှုဖြစ်ပွားခဲ့ပြီး နှစ်ဦးစလုံးသေဆုံးမှုဖြစ်ခဲ့တယ်လို့ သိရပါတယ်။

ကျောက်ဖြူမြို့ ကရင်တောရပ်ကွက်မှာနေတဲ့ မမေဆုထွန်း(၂၈) နှစ်က ဒီနေ့မနက်ပိုင်းမှာ ရုံးသွားဖို့ ဆိုင်ကယ်နဲ့ ထွက်လာတုန်းမှာ ပိုက်ဆိပ်ရပ်ကွက်မှာနေတဲ့ ရည်းစားဖြစ်သူ ထွန်းမြတ်ဇံက လမ်းကနေစောင့်ပြီး ဓားနဲ့အချက်ပေါင်းများစွာ ထိုးသတ်ခဲ့ကာ ကိုယ့်ကိုယ်ကိုလည်း ဓားနဲ့ပြန်ထိုးသတ်ခဲ့တာလို့ ကျောက်ဖြူရဲစခန်းမှ ရဲအုပ်ဝင်းလွင်က ဒီဗွီဘီသတင်းဌာနကို ပြောခဲ့ပါတယ်။

"ကောင်မလေးကို ဓားနဲ့ ကိုးချက်တောင် ထိုးလိုက်တာ။ ကောင်မလေးကိုထိုးလို့ ပြီးတာနဲ့ သူ့ကိုယ်သူ ဓားနဲ့ပြန်ထိုးတယ်။ ကောင်လေးကတော့ ရင်ဘတ်နဲ့ဗိုက်မှာ ဒဏ်ရာသုံးချက်ရသွားတာပေ့ါ။ သူတို့နှစ်ယောက်ကတော့ သမီးရည်းစားလို့တော့ ပြောတယ်ဗျ။ ဘယ်လို အကြောင်းကြောင်းနဲ့ ထိုးတယ်ဆိုတာကတော့ မသိဘူး”လို့  ရဲအုပ်ဝင်းလွင်က ပြောပါတယ်။

ဓားနဲ့အထိုးခံရတဲ့ မမေဆုထွန်းက ရင်ဘတ်၊ နောက်ကျော၊ လက်မောင်းတွေမှာ ဓားထိုးဒဏ်ရာကိုးချက်နဲ့ ဆေးရုံရောက်ပြီး မိနစ် ၂၀ အကြာမှာဆုံးသွားခဲ့ပြီး ထွန်းမြတ်ဇံ ကတော့ ရင်ဘတ်နဲ့ ဗိုက်မှာ ဓားထိုးဒဏ်ရာ သုံးချက်နဲ့ ဆေးရုံရောက်ပြီး ၄၅ မိနစ်လောက်အကြာမှာ ဆုံးသွားတယ်လို့ သိရပါတယ်။

Source & Photo : DVB

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ