Local News: တစ်နေ့ အနည်းဆုံးလုပ်အားခ ၅၆၀၀ ရရှိရေး အလုပ်သမား တစ်ထောင်ကျော် ဆန္ဒပြ

လုပ်ရတာနဲ့ ရတဲ့လစာက မတန်ဘူးဖြစ်နေတယ်။

play

 

တစ်နေ့အနည်းဆုံးလုပ်အားခ ကျပ် ၅,၆၀၀ ရရှိရေးအတွက် လှိုင်သာယာမြို့နယ်က စက်ရုံတွေမှာ အလုပ်လုပ်ကိုင်နေတဲ့ အလုပ်သမားတစ်ထောင်ကျော်ဟာ နိုဝင်ဘာ ၂၀ရက်နေ့က ဆန္ဒပြတောင်းဆိုခဲ့ကြတယ်လို့ သိရပါတယ်။

စက်ရုံ ၁၀ရုံမှ အလုပ်သမားတစ်ထောင်ကျော်ဟာ လှိုင်သာယာမြို့နယ် ရိုးကြီးမှတ်တိုင် ပန်းပဲဦးရွှေဘင်လမ်းမှစတင်ကာ မြို့နယ်အားကစားကွင်းအထိ လေးနာရီကြာ ချီတက် ဆန္ဒပြတောင်းဆိုခဲ့ကြတာ ဖြစ်ပါတယ်။

လုပ်ရတာနဲ့ ရတဲ့လစာက မတန်ဘူးဖြစ်နေပြီး အခုလို စားဝတ်နေရေး ဈေးကြီးလာတဲ့အတွက် စားလို့မလောက်တော့ဘဲ အမြန်ဆုံးသတ်မှတ်ပေးဖို့ တောင်းဆိုတာ ဖြစ်တယ်လို့ Jin Brother ဖိနပ်စက်ရုံမှာ အလုပ်လုပ်ကိုင်သူ မခင်ဥမ္မာစောက ပြောထားပါတယ်။

အနည်းဆုံးအခကြေးငွေတစ်ရက်လျှင် ၅,၆၀၀ကျပ် အမြန်ဆုံးသတ် မှတ်ပေးရေး၊ ခုံသမာဓိကောင်စီ ဆုံးဖြတ်ချက်မလိုက်နာလျှင် ထောင်ဒဏ်ချမှတ်ရန်ဥပဒေ ပြင်ဆင်ရေး၊ စည်းကမ်းဖောက်ဖျက်သည့် ပြည်ပအလုပ် အကိုင်အကျိုးဆောင်လိုင်စင်ရ အေဂျင်စီများကို အရေးယူရေး  စတဲ့စာသားတွေကို ရေးသားကာ ဗီနိုင်းတွေကို ကိုင်ဆောင်ဆန္ဒပြခဲ့ကြတာ ဖြစ်ပါတယ်။

Photos & Source: 7Day Daily, စိုင်းဇော်

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ