Local News: အစိုးရသစ်လက်ထက် ရန်ကုန်မှာ ကာရာအိုကေခန်း ခြောက်ခုသာ ဖွင့်ခွင့်ပြုထားဟုဆို

၂၀၁၆ အတွင်း အနှိပ်ခန်း ၁၂ခုကိုလည်း ဖော်ထုတ်အရေးယူခဲ့တယ်။

play

 

အစိုးရသစ်လက်ထက်မှာ ကာရာအိုကေခန်း ခြောက်ခုသာ ဖွင့်လှစ်ခွင့်ပြုထားတယ်လို့  လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးတင်အောင်ထွန်းက လွှတ်တော်မှာ ပြောကြားထားပါတယ်။

နိုဝင်ဘာ ၂၂ ရက်က ကျင်းပတဲ့ ရန်ကုန်တိုင်းဒေသကြီးလွှတ်တော်မှာ ဒဂုံမြို့သစ် (တောင်ပိုင်း) မြို့နယ်  မဲဆန္ဒနယ် အမှတ် (၁) လွှတ်တော်ကိုယ်စားလှယ် ဦးညီညီက ကပွဲတွေ၊ အနှိပ်ခန်းတွေ၊ ကာရာအိုကေခန်းတွေ ခွင့်ပြုထားမှု၊ စည်းကမ်းနဲ့ မညီညွတ်တဲ့ လုပ်ငန်းတွေ၊ ခွင့်ပြုချက်မရှိ ဖွင့်လှစ်ထားတဲ့ အခန်းတွေမှာ မြန်မာအမျိုးသမီးငယ်တွေအတွက် ကြိုတင်ကာကွယ်စောင့် ရှောက်ပေးနိုင်ဖို့ အစိုးရက အစီအစဉ် ရှိ၊ မရှိ ကြယ်ပွင့်ပြမေးခွန်း မေးမြန်းရာမှာ နယ်လုံဝန်ကြီးက အထက်ပါအတိုင်း ထည့်သွင်းဖြေကြားခဲ့တာ ဖြစ်တယ်လို့ 7Day Daily ရဲ့ သတင်းတစ်ရပ်မှာ ရေးသားထားပါတယ်။

ရန်ကုန်မြို့မှာ အနှိပ်ခန်းအမည်နဲ့ ဖွင့်လှစ်ထားတာမျိုးမရှိဘဲ အကြောပြင်ခန်းအနေနဲ့ စည်ပင်သာယာရေးကော်မတီမှ ခွင့်ပြုချက်ရယူကာ တရားဝင် ၂၄ ခု ခွင့်ပြုထားပြီး လျှောက်ထားဆဲ ၁၇ ခုရှိကာ၂၀၁၆ အတွင်း အနှိပ်ခန်း ၁၂ခုကို ဖော်ထုတ်အရေးယူခဲ့တယ်လို့လည်း ပြောကြားခဲ့ပါတယ်။

Photos & Source : 7Day Daily

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ