Local News: ဆယ်နှစ်အရွယ် မိန်းကလေးငယ်ကိုသတ်ပြီး ရထားသံလမ်းပေါ်တင်ခဲ့သူကို ဖမ်းမိ

ပုဒ်မ ၃၀၂ နဲ့ အမှုဖွင့် စစ်ဆေးနေပါတယ်။

play

 

နိုဝင်ဘာလ ၂၄ ရက် ည ၇ နာရီလောက်က ကမာရွတ်မြို့နယ် ဟံသာဝတီဘူတာနဲ့ လှည်တန်းဘူတာကြားက သံလမ်းပေါ်မှာ အသက် ၁၀ နှစ်အရွယ်မိန်းကလေးရဲ့လည်ပင်းကို ဓားနဲ့လှီးပြီး သတ်ဖြတ်ခဲ့တဲ့ အိမ်ရာမဲ့တစ်ဦးဖြစ်သူ ကျော်ကြီး(ခ) ပြာဂလောင်ကို ဖမ်းဆီးရမိခဲ့ပြီး ပုဒ်မ ၃၀၂ နဲ့ အမှုဖွင့် စစ်ဆေးနေတယ်လို့ မြန်မာနိုင်ငံရဲတပ်ဖွဲ့က သတင်းထုတ်ပြန်ခဲ့ပါတယ်။

"ဒီအမှုကို၂၄ နာရီအတွင်း ဖော်ထုတ်ဖမ်းဆီးနိုင်ခဲ့ပါတယ်။ လူသတ်မှုကျူးလွန်တယ်ဆိုတဲ့ အကြောင်းကိုလည်းဝန်ခံထားပါတယ်။ အမှုကိုလည်းဆက်ပြီးစစ်ဆေးနေပါတယ်။ ဆေးစစ်စာထွက်လာရင်တော့ ဘာကြောင့်သေရလဲဆိုတာ သိရမှာပါ"လို့ ကမာရွတ်ရဲစခန်းမှ ရဲအရာရှိတစ်ဦးက ပြောပါတယ်။

အသတ်ခံရတဲ့ မိန်းကလေးငယ်က လှည်းတန်းခုံတံတားအောက်မှာ မိခင်ဖြစ်သူနဲ့ အတူ ပန်းရောင်းချသူဖြစ်ပြီး လူသတ်မှု ကျူးလွန်ခဲ့သူက လည်ပင်းပြတ်ရှဒဏ်ရာတွေ၊ ဦးခေါင်းပေါက်ပြဲဒဏ်ရာတွေနဲ့ ရထားသံလမ်းလမ်းပေါ် ခေါင်းတင်ထားခဲ့တာဖြစ်ကာ သေဆုံးနေတဲ့ နေရာနားမှာ လွယ်အိတ်နှစ်လုံးနဲ့ ခဲတံချွန်ခေါက်ဓား တစ်ချောင်းရှာဖွေတွေ့ရှိခဲ့တာဖြစ်ပါတယ်။

Source : 7DayDaily

Photo : Yangon Police

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ