Local News: မန္တလေးမှာ ရဲတပ်ကြပ်ကို အုပ်စုလိုက် ရိုက်နှက်

အဆိုပါရိုက်နှက်ခံရမှုကြောင့်  ရဲဒုတပ်ကြပ်အပါအဝင် အမျိုးသားလေးဦးဟာ ဒဏ်ရာတွေရရှိကာ မန္တလေးပြည်သူ့ဆေးရုံကြီးမှာ တက်ရောက်ကုသနေတယ်။

play

 

လူလေးဦးနဲ့ အရပ်ဝတ်ရဲတပ်ကြပ်တစ်ဦးကို တုတ်၊ဓားတွေနဲ့ အုပ်စုလိုက်ရိုက်နှက်တဲ့ ဖြစ်ရပ်တစ်ခု  ဖြစ်ပွားခဲ့ပါတယ်။ ဒီဇင်ဘာ ၁၃ ရက်မနက်က မန္တလေးမြို့ မဟာအောင်မြေမြို့နယ်မှာ ဖြစ်ပွားခဲ့တာဖြစ်ပြီး လူလေးဦးနဲ့ အရပ်ဝတ်ရဲတပ်ကြပ်တစ်ဦးကို ကားတစ်စီးပေါ်မှ လူငါးဦးက ရိုက်နှက်ခဲ့တာ ဖြစ်ပါတယ်။

တုတ်၊ဓားတွေ ကိုင်ဆောင်ထားတဲ့ အဆိုပါ လူငါးဦးဟာ ရိုက်နှက်ပြီးတဲ့အခါမှာ  မောင်းနှင်ထွက်ပြေးသွားခဲ့ပြီး အဆိုပါရိုက်နှက်ခံရမှုကြောင့်  ရဲဒုတပ်ကြပ်အပါအဝင် အမျိုးသားလေးဦးဟာ ဒဏ်ရာတွေရရှိကာ မန္တလေးပြည်သူ့ဆေးရုံကြီးမှာ တက်ရောက်ကုသနေတယ်လို့ သိရပါတယ်။

ဒဏ်ရာတွေက စိုးရိမ်ဖွယ်ရာမရှိဘဲ အမှတ် (၇) နယ်မြေ ရဲတပ်ဖွဲ့စခန်းမှ ဒုရဲအုပ် ရဲမောင်က တရားလိုပြုလုပ်ပြီး ရာဇသတ်ကြီးပုဒ်မ ၃၂၆/၃၂၅/ ၃၃၃/၁၁၄ တို့အရ အမှုဖွင့်ထားတယ်လို့ သိရပါတယ်။

Source: 7Day Daily

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ