Local News: နှစ်သစ်ကူးကာလမှာ ဒေသအချို့ အချိန်အခါမဟုတ် မိုးရွာနိုင်

သီးနှံတွေကို အမိုးအကာအောက် အချိန်မီပို့ထားဖို့လည်း ဒေါက်တာထွန်းလွင်က သတိပေးပါတယ်။

play

 

နှစ်သစ်ကူးကာလနဲ့  ၂၀၁၇ နှစ်ဆန်းအတွင်း မြန်မာနိုင်ငံဒေသအချို့မှာ အချိန်အခါမဟုတ် မိုးရွာနိုင်တယ်လို့ မိုးလေ၀သပညာရှင် ဒေါက်တာထွန်းလွင်က သတိပေးထားပါတယ်။

ဘင်္ဂလားပင်လယ်အော်မှာ လေထုမတည်မငြိမ်ဖြစ်နေပြီး အချိန်အခါမဟုတ် မိုးရွာနိုင်ကာ နှစ်သစ်ကူးကာလ (ဒီဇင်ဘာ နှောင်းပိုင်းနဲ့ ဇန်န၀ါရီလဆန်း) အတွင်း ရန်ကုန်တိုင်းဒေသကြီး အပါအ၀င် မြန်မာနိုင်ငံ အောက်ပိုင်းနဲ့ တောင်ပိုင်းဒေသတွေမှာ မိုးအနည်းငယ်ရွာသွန်းနိုင်ကြောင်း ဒေါက်တာထွန်းလွင်က သတိပေးထားတာလည်း ဖြစ်ပါတယ်။

ဇန်န၀ါရီ ၂ ရက်ကနေ ၄ ရက်အတွင်း  ရှမ်း၊ ကရင်၊ မွန်ပြည်နယ်၊ ရန်ကုန်တိုင်းနဲ့ ဧရာဝတီတိုင်းဒေသကြီးတို့မှာ နေရာကွက်ပြီး မိုးကြီးနိုင်တာ ဖြစ်ပါတယ်။  တောင်သူတွေအနေနဲ့ သီးနှံတွေကို အမိုးအကာအောက် အချိန်မီပို့ထားဖို့လည်း ဒေါက်တာထွန်းလွင်က သတိပေးပါတယ်။

မိုးလေ၀သနှင့် ဇလဗေဒ ညွှန်ကြားမှုဦးစီးဌာနကလည်း ရန်ကုန်တိုင်း၊ ဧရာဝတီတိုင်းနဲ့ တနင်္သာရီတိုင်းဒေသကြီးတို့မှာ အချိန်အခါမဟုတ် နေရာကွက် မိုးရွာသွန်းနိုင်ကြောင်း ဒီဇင်ဘာ ၂၉ ရက်က သတင်းထုတ်ပြန်ထားပါတယ်။

Photos & Source: 7Day Daily, Tun Lwin (Facebook)

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ