Local News: ငြိမ်းချမ်းရေးရန်ပုံငွေ သိန်းနှစ်ထောင်ကျော်ကို ဒီချုပ်အမတ်တွေ လှူဒါန်း

လစာငွေထဲကနေ လှူဒါန်းခဲ့တာဖြစ်ပါတယ်။

play

 

ငြိမ်းချမ်းရေးလုပ်ငန်းစဉ် ရန်ပုံငွေဆိုင်ရာပေါင်းစပ် ညှိနှိုင်းရေးအဖွဲ့(JCB)ကို အမျိုးသားဒီမိုကရေစီအဖွဲ့ချုပ် ပါတီကနေ ငြိမ်းချမ်းရေးရန်ပုံငွေ ကျပ်သိန်းနှစ်ထောင် လှူဒါန်းမယ်လို့  ပါတီဗဟိုအတွင်းရေးမှူးအဖွဲ့ဝင် ဦးဝင်းထိန်က ပြောပါတယ်။

ဇန်န၀ါရီလ ၇ ရက်နေ့က နေပြည်တော်စည်ပင်ဧည့်ရိပ်သာမှာ ပြုလုပ်တဲ့ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အစည်းအဝေးအပြီး သတင်းထောက်တွေနဲ့ တွေ့ဆုံတုန်းမှာ အခုလိုပြောကြားခဲ့တာဖြစ်ပါတယ်။

‘‘အမျိုးသားဒီမိုကရေစီအဖွဲ့ချုပ်က လွှတ်တော်ကိုယ်စားလှယ်တွေကို လစဉ် ၂၅ ရာခိုင်နှုန်းဖြတ်တဲ့အထဲက သိန်းနှစ်ထောင်ကို ကျွန်တော်တို့ကလှူမယ်"လို့ ဦးဝင်းထိန်က ပြောပါတယ်။

play

 

ငြိမ်းချမ်းရေးကော်မရှင်ကို ငြိမ်းချမ်းရေးရန်ပုံငွေအဖြစ် အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေရဲ့လစာတွေထဲကနေ လစဉ်ဖြတ်တောက်ငွေတွေကို လှူဒါန်းတာဖြစ်တယ်လို့ သိရပါတယ်။

အမျိုးသားလွှတ်တော်နဲ့ ပြည်သူ့လွှတ်တော်က ဒီချုပ်ကိုယ် စားလှယ်တွေရဲ့ လစာ ၂၅ ရာခိုင်နှုန်းနဲ့ တိုင်းဒေသကြီးနဲ့ ပြည်နယ် ဒီချုပ်အမတ်တွေရဲ့လစာမှ ကျပ်တစ်သိန်းကို ၂၀၁၆ ဖေ ဖော်ဝါရီက စတင်ဖြတ်တောက်ခဲ့တာဖြစ်ပါတယ်။

ပြည်သူ့လွှတ်တော်နဲ့ အမျိုးသားလွှတ်တော်မှာ ဒီချုပ် ကိုယ်စားလှယ် စုစုပေါင်း ၃၉၀ ဦးရှိနေလို့ ကိုယ်စားလှယ်တွေဆီကနေ ဒီချုပ်ပါတီရန်ပုံငွေအဖြစ် တစ်လကို ကျပ် ၉၇၅ သိန်းရရှိမှာဖြစ်ကာ တိုင်းဒေသကြီးနဲ့ ပြည်နယ်လွှတ်တော်တွေမှာ ဒီချုပ်ကိုယ်စားလှယ် ၄၇၅ ဦးအထိရှိလို့ တစ်လကို ကျပ်တစ်သိန်းဖြတ်မယ်ဆိုရင် ၄၇၅ သိန်း ရရှိမှာ ဖြစ်ပါတယ်။

Source : 7DayDaily

Photos : Mizzima

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ