AD
AD
AD
play

 

တက္ကသိုလ်ဝင်တန်းအောင်လက်မှတ်ထုတ်ယူပြီးရင် ကျောင်းသား၊ ကျောင်းသူတွေရဲ့ အချက်အလက်မှားယွင်း မှုတွေကို ပြန်လည်ပြင်ဆင်ပေးမှာ မဟုတ်ဘူးလို့ သိရပါတယ်။

မြန်မာနိုင်ငံမှာ ကျောင်းနေရွယ်ကလေးတိုင်း ကျောင်းအပ်နှံပြီဆိုပါက ကျန်းမာရေးဝန်ကြီးဌာနမှ ထုတ်ပေးတဲ့ မွေးစာရင်း၊ မွေးစာရင်းမရှိပါက ကျေးရွာရပ်ကွက်အုပ်ချုပ်ရေးမှူးထောက်ခံစာတို့နဲ့ ပုံစံ ၁၀ ကို ဖြည့်သွင်းပြီး ကျောင်းအပ်နှံရကြောင်း၊ အခြေခံပညာမူလတန်းမှ ဒသမတန်းအထိ တက်ရောက်နေစဉ်အတွင်း ကျောင်းသား၊ ကျောင်းသူအမည်လွဲမှားမှု၊ အဘအမည်၊ အမိအမည်လွဲမှားမှု၊ မွေးသက္ကရာဇ်လွဲမှားမှုတွေကို ပြင်ဆင်ဆောင်ရွက်ခွင့်ပေးထားကြောင်း သိရပါတယ်။

အချက်အလက်ပြင်ဆင်ဆောင်ရွက်လိုတာတွေကို သက်ဆိုင်ရာ ကျောင်းအုပ်ကြီးတွေထံ တင်ပြလျှောက်ထားပြီး ကျောင်းအုပ်မှတစ်ဆင့် အဆင့်ဆင့်တင်ပြခွင့်ပြုချက်ယူကာ ပြင်ဆင်ဆောင်ရွက်ပေးလျက်ရှိတာ ဖြစ်ပါတယ်။

တက္ကသိုလ်ဝင်တန်းရောက်လို့ လျှောက်လွှာတင်သွင်းချိန်မှာလည်း ကျောင်းသား၊ ကျောင်းသူ၊ မိဘတွေ ကိုယ်တိုင်ရေးသွင်းထားတာတွေကို အထပ်ထပ်စစ်ဆေးပြီး မြန်မာနိုင်ငံစာစစ်ဦးစီးဌာနကို ပေးပို့ရပါတယ်။

မြန်မာနိုင်ငံစာစစ်ဦးစီးဌာနကလည်း ကွဲလွဲချက်ရှိရင် ပေးပို့လို့ရတယ်ဆိုတာ တစ်ပါတည်း ညွှန်ကြားထားပြီး ကွဲလွဲချက်ရှိတာတွေကို ပေးပို့လာရင်လည်း စာရင်းအမှန်နဲ့ ထပ်မံဖြည့်သွင်းဆောင်ရွက်ပေးနေတာ ဖြစ်ပါတယ်။ အောင်စာရင်းမထွက်သေးတဲ့အချိန်ထိ ဆောင်ရွက်ပေးလျက်ရှိပါတယ်။ အောင်စာရင်းထွက်ပြီးချိန်မှာ ကွဲလွဲချက်များကို ပြင်ဆင်ဆောင်ရွက်ပေးနိုင်ခြင်းမရှိဘူးလို့ သိရပါတယ်။

Photos & Source: Democracy Today

ဤအကြောင်းအရာကို သင်ဘယ်လိုထင်ပါသလဲ။
AD
AD