play
မြ၀တီသို့ပြန်လည်ရောက်ရှိလာကြသည့် မြန်မာအလုပ်သမားများ။

 

ရခိုင်ပြည်နယ်မှာ ဖြစ်ပွားနေတဲ့ ပြဿနာတွေကြောင့် လုံခြုံရေးစိုးရိမ်ရလို့ အသက်အန္တရာယ်ရှိနိုင်တာကြောင့် မလေးရှားနိုင်ငံရောက် မြန်မာအလုပ်သမား(၂၆၀) ကျော်က မလေးရှားနယ်စပ်ကတဆင့် ထိုင်းနိုင်ငံကိုဖြတ်ကျော်ကာ ကရင်ပြည်နယ် မြ၀တီမြို့ ကို ပြန်လည်ဝင်ရောက်ခဲ့ကြတယ်လို့ သိရပါတယ်။

အဆိုပါမြန်မာအလုပ်သမားတွေထဲမှာ အမျိုးသား (၂၃၆) ဦး အမျိုးသမီး (၂၈) ဦး၊ စုစုပေါင်း (၂၆၄) ဦးဖြစ်ပြီး စက်တင်ဘာလ ၁၁ ရက် ညနေပိုင်းက မြ၀တီမြို့ ကျောက်လုံးကြီးစခန်းကို ပြန်လည်ဝင်ရောက်လာကြတာဖြစ်ပါတယ်။

 

မလေးရှားမှတဆင့် မြ၀တီမြို့ကို ပြန်လည်ဝင်ရောက်လာတဲ့ မြန်မာအလုပ်သမားတွေက လေးသုတ်မြောက်ဖြစ်ပြီး နောက်ထပ် ပြန်လာကြမယ့်သူအရေအတွက် များစွာရှိနေသေးတယ်လို့ မလေးရှားနိုင်ငံကနေ ပြန်လာတဲ့ မြန်မာအလုပ်သမားတဦးက ပြောပါတယ်။

ထိုင်းနိုင်ငံကိုဖြတ်ပြီး နေရပ်ပြန်လာကြတဲ့ မြန်မာလုပ်သားတွေကို ထိုင်းအာဏာပိုင်တွေက ခေါ်ဆောင်ပြီး မဲဆောက်မြို့ကနေ မြ၀တီမြို့ ကျောက်လုံးကြီး ကယ်ဆယ်ရေးစခန်းကို ပို့ဆောင်ပေးနေတယ်လို့ နေရပ်ပြန် မြန်မာလုပ်သားတွေကို ကြိုဆိုပေးနေတဲ့ ထိုင်းနိုင်ငံလုံးဆိုင်ရာ မြန်မာရွှေ့ပြောင်း အလုပ်သမားကွန်ရက် (MMNT) အထွေထွေအတွင်းရေးမှူး ဦးမိုးကြိုးက ပြောပါတယ်။

Source : 7DayDaily,Man Myo Myint

Postby

 

ဤအကြောင်းအရာကို သင်ဘယ်လိုထင်ပါသလဲ။
Video