AD
AD
AD
play

 

မြန်မာ-ဘင်္ဂလား ဒေ့ရ်ှနယ်စပ် ခြံစည်းရိုးအဆင့်မြှင့်တင်ဖို့ နိုင်ငံတော်၏အတိုင်ပင်ခံပုဂ္ဂိုလ်က ညွှန်ကြားထားပြီး  နယ်စပ်ရေးရာဝန်ကြီးနဲ့ တာဝန်ရှိသူတွေက ခြံစည်းရိုးကို သွားရောက်စစ်ဆေးနေတယ်လို့ စက်တင်ဘာ ၁၃ ရက်က သမ္မတအိမ်တော်မှာ ပြုလုပ်တဲ့ သတင်းစာရှင်းလင်းပွဲမှာ အတိုင်ပင်ခံရုံးညွန်ချုပ် ဦးဇော်ဌေးက ပြောပါတယ်။

‘‘အတိုင်ပင်ခံရဲ့လမ်းညွှန်ချက်က ဘာလဲဆိုတော့ လက်ရှိ ခြံစည်းရိုးကို ပိုပြီးတော့ အဆင့်အတန်းမြင့်မားအောင်လုပ်ဖို့။ အဲဒီ အတွက် လိုအပ်တဲ့ ကုန်ကျစရိတ်ကိုလည်း ချက်ချင်းဖြည့်ဆည်းပေးဖို့ ဆိုပြီးတော့လည်း လမ်းညွှန် ထားတာရှိတယ်။ အခု ကျွန်တော် တို့က သံဆူးကြိုးလေးနဲ့တင် လုပ် နေတယ်။ ပြီးရင် နည်းနည်းလည်း နိမ့်နေတယ်။ အဲဒီအမြင့်ရော၊ နောက်ထပ် ခိုင်မာမှုရောပေါ့။ အဲဒါလည်း ကျွန်တော်တို့ထပ်လုပ် ဖို့ရှိပါတယ်’’လို့ ဦးဇော်ဌေးက ပြောပါတယ်။

play

 

နယ်စပ်ခြံစည်းရိုးကာဖို့ ကျန်ရှိနေသေးတဲ့ လက်ကျန် မိုင် ၄၀ ၊ ၂၅ ရာခိုင်နှုန်းအတွက် ကျပ်ငါးဘီလီယံကို နိုင်ငံတော်က ဘတ်ဂျက် ချထားပေးပြီး ကာရံပြီးတဲ့ နေရာတွေက အပေါက်အပြဲတွေကိုလည်း ပြန်လည်ပြုပြင်သွားမယ်လို့ သိရပါတယ်။

 

မြန်မာ-ဘင်္ဂလားဒေ့ရှ် နယ်စပ်ခြံစည်းရိုးကို လွန်ခဲ့တဲ့ ၂၀၀၉ က စတင်ပြီး တပ်မတော် အင်ဂျင်နီယာတပ်ရင်းက တာဝန်ယူ တည်ဆောက်ခဲ့တာဖြစ်ကာ ၂၀၁၅ မှာ မောင်တောမြို့နယ် မကျည်းချောင်း ချောင်းဝကနေ မြောက်ပိုင်း မြန်မာ-ဘင်္ဂလားဒေ့ရှ်-အိန္ဒိယ သုံးနိုင်ငံနယ်စပ်ထိ ကာရံပြီးစီးခဲ့ပါတယ်။

ဒါပေမယ့် မကျည်းချောင်း ချောင်းဝကနေ တောင်ဘက် ရသေ့တောင်မြို့နယ် အငူမော်အထိ မိုင် ၄၀ ကျော်ကို  နယ်စပ်ခြံစည်းရိုး ကာရံရန်ကျန်ရှိနေသေးတာ ဖြစ်ပါတယ်။

Source : 7DayDaily

Photos : The Indian Express,Thailand Chatter

Postby

 

ဤအကြောင်းအရာကို သင်ဘယ်လိုထင်ပါသလဲ။
AD
More From

Local News


AD