AD
AD
AD
play

 

ပန်းတောင်းမြို့နယ်မှာ ကွမ်းယာရောင်းတဲ့ အမျိုးသမီးတစ်ဦးကို လုယက်၊ သားမယားပြုကျင့်ပြီး သတ်ခဲ့တဲ့ တပ်မတော်သားတစ်ဦးကို ပြည်ခရိုင်တရားရုံးက ထောင်ဒဏ် ၃၄ နှစ် ကျခံစေဖို့ အမိန့်ချမှတ်ခဲ့တယ်လို့ ပန်းတောင်းမြို့နယ် ရဲတပ်ဖွဲ့နေ သိရပါတယ်။

‘‘လူသတ်မှုအတွက် ထောင် ဒဏ် တစ်သက်တစ်ကျွန်းချမှတ် တယ်။ ကျွန်းမရှိတော့တဲ့အတွက် ထောင်ဒဏ် အနှစ် ၂၀ နဲ့ လုယက် မှု ထောင်ဒဏ် ခုနစ်နှစ်၊ သား မယားပြုကျင့်မှု ထောင်ဒဏ်ခုနစ် နှစ် စုစုပေါင်း ၃၄ နှစ်ကျသွား တယ်။ အမိန့်ချပြီးတာနဲ့ သာယာ ဝတီထောင်ပို့လိုက်ပါပြီ’’လို့ ပန်တောင်းရဲစခန်း စခန်းမှူး ရဲမှူးကျော်ဆန်းက ပြောပါတယ်။

 

ပြစ်ဒဏ်ချမှတ်ခံရတဲ့ တပ်မတော်သားက အသက် (၂၆)နှစ်အရွယ်ရှိပြီး ပန်းတောင်းမြို့နယ် ဥသျှစ်ပင်မြို့ လေကြောင်းရန် ကာကွယ်ရေးတပ် မှာ တပ်သားအဆင့် တာဝန်ထမ်းဆောင်ခဲ့သူဖြစ်ပါတယ်။

၂၀၁၆ အောက်တိုဘာမှာ ဥသျှစ်ပင်မြို့မှနေတဲ့ အသက် (၂၅)နှစ်အရွယ် ကွမ်းယာရောင်းသူ အမျိုးသမီးတစ်ဦးကို လက်ဝတ်ရတနာတွေ ဖြုတ်ယူကာ သားမယားပြုကျင့်ပြီး လူသတ်မှုကျူးလွန်ခဲ့လို့ စက်တင်ဘာ ၁၂ ရက်မှာ ပြည်ခရိုင်တရားရုံးက အမိန့်ချမှတ်ခဲ့တာပါ။

အဆိုပါ တပ်မတော်သားကို ပြစ်မှုကျူးလွန်ပြီးနောက်ပိုင်းတွင် တပ်မတော်က စစ်ဆေးပြီး နှစ်လအကြာမှာ ရဲတပ်ဖွဲ့ကို ပြန်လည်လွှဲပြောင်းခဲ့ကာ ပြည်ခရိုင်တရားရုံးမှာ ၁၀ လကြာ တရားရင်ဆိုင်ပြီး အမိန့်ချမှတ်ခဲ့တာ ဖြစ်ပါတယ်။

Source : 7DayDaily

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD