AD
AD
AD
play

 

အဆောင်ကနေ စာကျက်ပြီးပြန်လာတဲ့ စီးပွားရေးတက္ကသိုလ် နောက်ဆုံးနှစ်ကျောင်းသူတဦးဆီကနေ အမျိုးသားနှစ်ဦးက နောက်ကနေလိုက်ပါ လုယက်ပြီး ထွက်ပြေးခဲ့တဲ့ဖြစ်ရပ် ရန်ကုန်တိုင်း၊ လှိုင်မြို့နယ်မှာ ဖြစ်ပွားခဲ့တယ်လို့ သိရပါတယ်။

စက်တင်ဘာလ ၁၇ ရက်၊ ညနေ ၅း၁၅ လောက်က စီးပွားရေးတက္ကသိုလ် နောက်ဆုံးနှစ်ကျောင်းသူတစ်ဦးက လှိုင်မြို့နယ်၊ ၁၂ ရပ်ကွက်၊ ရွှေဟင်္သာလမ်းအတိုင်း စာကျက်ပြီးပြန်လာတုန်းမှာ လှိုင်တက္ကသိုလ်နယ်မြေ ဂန္ဓမာဆောင်အရှေ့နားကို ရောက်တဲ့အချိန်မှာ လူငယ်နှစ်ဦးက ဆွဲကြိုးကို လုယက်ခဲ့တာလို့ ဆိုပါတယ်။

ဒါပေမယ့် မ ….. ကနေ ပြန်ဆွဲခဲ့လို့ ဆွဲကြိုးမပါသွားပေမယ့် တန်ဖိုးကျပ် ၁၅၀၀၀၀ ပတ်ဝန်းကျင်ရှိတဲ့ ရွှေဆွဲသီး ပါသွားပြီး လုယက်သူနှစ်ဦးက အသင့်စောင့်နေတဲ့ မော်တော်ယာဉ် 2F -- Probox အဖြူရောင်တက္ကစီ ယာဉ်ပေါ်တက်က မောင်းနှင်ထွက်ပြေးသွားခဲ့တယ်လို့ ရန်ုကုန်တိုင်း ရဲတပ်ဖွဲ့ကနေ သိရပါတယ်။

 

ုပြစ်မှုကျူးလွန်သူတွေကို ဖော်ထုတ်နိုင်ရေးအတွက် ရန်ုကုန်တိုင်းရဲတပ်ဖွဲ့က ဒဂုံမြို့နယ်၊ ပြည်သူ့ရင်ပြင်ဝန်းထဲက Traffic Control Centre မှာ တပ်ဆင်ထားတဲ့ CCTV မှတ်တမ်းကို ကြည့်ရှု့ပြီး ဖမ်းဆီးခဲ့ရာမှာ ည ၁၀း၄၅ အချိန်မှာ တက္ကသိုလ်ရိပ်သာလမ်းနဲ့ အင်းယားလမ်းထောင့် မီးပွိုင့်နားမှာ ပြစ်မှုကျူးလွန်သူ သုံးဦးကို အသုံးပြုခဲ့တဲ့ ကားနဲ့အတူ ဖမ်းဆီးရမိခဲ့ပြီး ကျော်ဇင်လတ် (ခ) ပြားကြီးကိုတော့ လှိုင်မြို့နယ်၊ အမှတ် (၈) ရပ်ကွက်တွင် ဖမ်းဆီးရမိခဲ့ပါတယ်။

ဒီဖြစ်စဉ်နဲ့ပတ်သက်ပြီး ပြစ်မှုကျူးလွန်သူလေးဦးဖြစ်တဲ့ လှိုင်မြို့နယ်၊ အမှတ် ၈ ရပ်ကွက်နေ သံလုံး (ခ) သက်ထွန်းအောင် (၂၉)နှစ်၊ ယာဉ်မောင်း၊ အမှတ် (၇)ရပ်ကွက်နေ ဇင်မျိုး (ခ) ဒဂုံနဲ့ မျိုးမင်းဦး (ခ) နှာပိနဲ့ ကျော်ဇင်လတ်တို့ကို လှိုင်မြို့မရဲစခန်းက (ပ) ၈၉၁ /၂၀၁၇၊ ရာဇသတ်ကြီးဥပဒေ ပုဒ်မ ၃၈၂ နဲ့ အမှုဖွင့်စုံစမ်း ဆောင်ရွက်နေတယ်လို့ သိရပါတယ်။

Source & Photo : Yangon Police

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD