play

 

ရန်ကုန်မြို့ မရမ်းကုန်းမြို့နယ် မှာ တန်ဖိုးငွေကျပ် သိန်း ၄၆၂၀ ရှိ စိတ်ကြွရူးသွပ်ဆေးပြား တစ်သိန်းကျော်ကို အမျိုးသားနှစ်ဦးဆီကနေ ဖမ်းဆီးရမိခဲ့တယ်လို့ မြန်မာနိုင်ငံရဲ့တပ်ဖွဲ့ရဲ့ သတင်းထုတ်ပြန်ချက်တွေအရ သိရပါတယ်။

စက်တင်ဘာ ၂၇ ရက် မနက် ၁၁ နာရီ ၃၅ မိနစ်လောက်က မူးယစ်တပ်ဖွဲ့စု (၄၁) ရန်ကုန် (အရှေ့)မှ တပ်ဖွဲ့ဝင်တွေပါဝင်တဲ့ ပူးပေါင်းအဖွဲ့က အဆိုပါမြို့နယ် အမှတ်(၁)ရပ်ကွက် သီရိမွန်ပလာဇာဝင်း သီရိမွန် ၁၀ လမ်း Galaxy Star Motel ရှေ့လမ်းပေါ်မှာ စိုင်းပြည့်ကျော် မောင်းနှင်ပြီး သန်းအောင်လိုက်ပါလာသည့် မော်တော်ယာဉ်ကို ရှာဖွေတာကနေ အဆိုပါစိတ်ကြွဆေးပြားတွေကို ဖမ်းဆီးရမိခဲ့တာ ဖြစ်ပါတယ်။

 

အဆိုပါယာဉ် အလယ်ခန်းထဲက လက်ဆွဲအိတ်ထဲကနေ စိတ်ကြွရူးသွပ်ဆေးပြား ၁၃၂၀၀၀ ပြားနဲ့ လက်ကိုင်ဖုန်းနှစ်လုံးတို့ကို သိမ်းဆည်းရမိခဲ့ပြီး သန်းအောင် (၅၆)နှစ်နဲ့ စိုင်းပြည့်ကျော်အသက် (၃၀) တို့ကို ဘုရင့်နောင်နယ်မြေရဲစခန်းမှာ မယ(ပ)၁၃/၂၀၁၇၊ မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၉ (က) /၂၁ နဲ့ အမှုဖွင့်ထားတယ်လို့ သိရပါတယ်။

Source & Photo : Yangon Police

Postby

 

ဤအကြောင်းအရာကို သင်ဘယ်လိုထင်ပါသလဲ။
Video