AD
AD
AD
play

 

ထပ်မံတိုးမြှင့်ကောက်ခံမယ့် လျှပ်စစ်မီတာခနှုန်းအသစ်တွေကြောင့် ပြည်သူတွေ အထိတ်တလန့် မဖြစ်စေရဘူးလို့ လျှပ်စစ်နဲ့စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင်က ပြောလိုက်ပါတယ်။

နိုဝင်ဘာ ၁၄ ရက်က ကျင်းပခဲ့တဲ့ အမျိုးသားလွှတ်တော် အစည်းအဝေးကို တက်ရောက်ပြီး ပြန်လည် ထွက်ခွာချိန်မှာ ဒုဝန်ကြီးက မီဒီယာတွေကို အခုလိုပြောကြားခဲ့တာ ဖြစ်ပါတယ်။

‘‘ထုတ်လုပ်မှုကုန်ကျစရိတ် က မြင့်မားနေတဲ့အတွက်ကြောင့် ဒီပြောင်းလဲသွားမယ်ဆိုတဲ့ အနေအထားက ခုနက ကျွန်တော်ရှင်း ပြသလို ဒါကြီးအပေါ်မှာ အရမ်း ကြီး Shock (အထိတ်တလန့်) ရသွားအောင် မဖြစ်စေရပါဘူး’’လို့ ဒုတိယဝန်ကြီး ဒေါက်တာထွန်းနိုင်က ပြောပါတယ်။

play

 

လက်ရှိ ကောက်ခံနေတဲ့ ဓာတ်အားခနှုန်းက ထုတ်လုပ်မှုကို ကုန်ကျစရိတ်ကာမိစေတဲ့ ဈေးနှုန်းမဖြစ်ဘဲ အိမ်သုံး၊ စီးပွားရေးသုံးနှင့် စက်မှုသုံးတွေမှာ ဈေးနှုန်းအနည်းဆုံးဖြစ်တဲ့ အိမ်သုံးဈေးနှုန်းနဲ့ သုံးစွဲသူအများဆုံး ဖြစ်နေပြီး ဓာတ်အားခဝင်ငွေ နည်းပါးနေတယ်လို့ ဆိုပါတယ်။

လက်ရှိအချိန်မှာ အိမ်သုံးအတွက် တစ်ယူနစ်ကို အနိမ့်ဆုံး ၃၅ ကျပ်ကနေ အမြင့်ဆုံး ကျပ် ၅၀ နှုန်း၊ စီးပွားရေးလုပ်ငန်း၊ စက်မှုလုပ်ငန်းသုံးအတွက် တစ်ယူနစ်ကို အနိမ့်ဆုံး ကျပ် ၅၀ ကနေ အမြင့်ဆုံး ကျပ်၁၅၀ ထိ အလွှာအလိုက် သတ်မှတ်ကောက်ခံနေတာ ဖြစ်ပါတယ်။

 

လျှပ်စစ်ဓာတ် အားထုတ်လုပ်မှုစရိတ် မြင့်တက်နေလို့ နှစ်စဉ်ရှုံးနိမ့်မှု မြင့်တက်နေပြီး ၂၀၁၄-၁၅ ဘဏ္ဍာ နှစ်တုန်းက တစ်ယူနစ်ကို တစ်ကျပ် လောက်ပဲ ရှုံးပေမယ့် ၂၀၁၆-၁၇ ဘဏ္ဍာနှစ်မှာ တစ်ယူနှစ်လျှင် ၂၇ ကျပ်ကျော်အထိ အရှုံးပေါ်နေတယ်လို့ လျှပ်စစ်နှင့် စွမ်းအင်ဝန်ကြီးဌာန ကနေ သိရပါတယ်။

Source : 7DayDaily

Photos : MBT,ibtime

Postby

 

ဤအကြောင်းအရာကို သင်ဘယ်လိုထင်ပါသလဲ။
AD
AD