AD
AD
AD
play

 

ပဲခူးတိုင်းဒေသကြီး တောင်ငူမြို့အရှေ့ဘက် ၉ မိုင်အကွာရှိ သမိုင်းဝင် မြတ်စောညီနောင်ဘုရား နောင်တော်ကြီးစေတီတော်ရဲ့ စိန်ဖူးတော် ပျောက်ဆုံးမှုကို အမှုဖွင့်သွားမယ်လို့ အဆိုပါ ဘုရားဂေါပက ဥက္ကဋ္ဌ ဦးမောင်မောင်က ပြောပါတယ်။

“စိန်ဖူးတော် ချတုန်းကလည်း ရဲတပ်ဖွဲ့လည်းပါတယ်၊ ကျေးရွာတာဝန်ရှိသူတွေလည်းပါတယ်။ ခုဖြစ်နေတာ ဘယ်အချိန်ပျောက်မှန်းလည်း မသိဖြစ်နေတာ၊ အုပ်ချုပ်ရေးအဖွဲ့တွေနဲ့ အမှုဖွင့်ဖို့ တိုင်ပင်နေတယ်”လို့ ဦးမောင်မောင်က ပြောပါတယ်။

နောင်တော်ကြီးစေတီ စိန်ဖူးတော်နဲ့ ထီးတော်ကိုပြင်ဆင်ဖို့ အောက်တိုဘာလ နောက်ဆုံးပတ်က ထီးတော်ချခဲ့တာဖြစ်ပြီး စေတီဂေါပက အဖွဲ့ဝင်တွေ ကိုယ်တိုင်စိန်ဖူးတော် မပါလာတာကို မသိခဲ့ရဘူးလို့ ရွှေဆံတော်စေတီ ဂေါပကအဖွဲ့ ရုံးတာဝန်ရှိသူတစ်ဦးက ပြောပါတယ်။

 

အဆိုပါ စေတီရဲ့စိန်ဖူးတော်ကို တပ်မတော်အစိုးရလက်ထက်မှာ ဗိုလ်ချုပ်ကြီးခင်ညွန့်က ဦးဆောင်ပြီး တောင်ငူမြို့ခံ ရွှေနှင်းဆီ ဆေးပေါ့လိပ် ခုံပိုင်ရှင် ဒေါ်အုန်းခင်နဲ့ အများပြည်သူ လှူဒါန်းငွေတွေနဲ့ အသစ်ပြန်တင်ခဲ့တာဖြစ်ကာ စိန်ဖူးတော်က မိုးကုတ်သလင်းကျောက်အစစ်ဖြစ်ပြီး လုံးပတ် ၅ လက်မ၊ အလျား ၉ လက်မခန့် ရှိကာ ငှက်မြတ်နားမှာ အများလှူဒါန်းထားတဲ့ လက်ဝတ်ရတနာများပါဝင်ပြီး တန်ဖိုးငွေ မှန်းဆဖို့ ခက်ခဲကြောင်း စိန်ဖူးတော်ရောင်တော်ဖွင့် အဖွဲ့မှာ ပါဝင်ခဲ့တဲ့ ကျောက်မျက်ရတနာ ကျွမ်းကျင်ပညာရှင် ဦးဖိုးတိုးက ပြောပါတယ်။

ရှေးဟောင်း သမိုင်းဝင် မြတ်စောညီနောင် စေတီတော်ကို လွန်ခဲ့တဲ့ သာသနာနှစ်ပေါင်း ၂၅၀ဝ ခန့်က ဗုဒ္ဓမြတ်စွာဘုရားထံ ရောက်ရှိခဲ့တဲ့ မြတ်စောမြတ်လှကုန်သည် ညီနောင်က တည်ထားခဲ့ကာ ဘုရားရှင် ကြက်မင်းညီနောင်ဘဝက ဗျာဒိတ်ပေးခဲ့တဲ့ ဘုရားတစ်ဆူဖြစ်ပြီး ညီတော်နဲ့ နောင်တော်စေတီနှစ်ဆူကို သီးခြား တည်ထားကိုးကွယ်ခဲ့တာဖြစ်တယ်လို့ သမိုင်းမှတ်တမ်းတွေအရ သိရပါတယ်။

Source : The Voice

Postby

 

ဤအကြောင်းအရာကို သင်ဘယ်လိုထင်ပါသလဲ။
AD
AD