play
လူမှုကွန်ရက်ပေါ်တွင် ပျံနှံ့နေသည့် အချိန်စာရင်း။

 

၂၀၁၈ တက္ကသိုလ်ဝင် စာမေးပွဲကျင်းပမယ့် အချိန်စာရင်းတွေကို နိုဝင်ဘာ ၁၈ ရက်က မြန်မာနိုင်ငံပြန်တမ်းအမည်ရှိ ဖေ့စ်ဘွတ်ခ်စာမျက်နှာ တစ်ခုမှာ ဖော်ပြထားပေမယ့် စာမေးပွဲကျင်းပမည့်ရက်ကို တရားဝင်အတည်ပြု သတ်မှတ်ထားတာမရှိသေးဘူးလို့  မြန်မာနိုင်ငံ စာစစ်ဦးစီးဌာန ညွှန်ကြားရေးမှူးချုပ် ဦးမျိုးညွန့်က ပြောကြား သည်။

အဆိုပါဖေ့စ်ဘွတ်ခ်စာမျက်နှာမှာ ဖော်ပြထားတဲ့ အချိန်စာရင်းတွေကို ပညာရေးဝန်ထမ်းတွေ အပါအဝင် ဖေ့စ်ဘွတ်ခ်သုံးစွဲ သူအများစုက တဆင့်မျှဝေနေပေမယ့် အချိန်စာရင်းပါ ရက်စွဲတွေငက အစီအစဉ်မကျဘဲ လွဲမှားနေတယ်လို့ သိရပါတယ်။

play

 

‘‘စာမေးပွဲရက်က ညှိထားတုန်းပဲ ရှိသေးတယ်။ အခုဖေ့စ် ဘွတ်ခ်မှာတင်တယ်ဆိုတာ ဆရာတောင် မသိသေးဘူး။ ဘယ်ရက် ဆိုတာ အတည်မပြုရသေးပါဘူး’’လို့  ဦးမျိုးညွန့်က ပြောပါတယ်။

 

 တက္ကသိုလ်ဝင်စာမေးပွဲ ကျင်းပမယ့် ရက်ကို မြန်မာနိုင်ငံ စာစစ်ဦးစီးဌာနကရွေးချယ်ပြီး ပညာရေးဝန်ကြီးဌာန ဝန်ကြီးရုံး၊ သက်ဆိုင်ရာဦးစီးဌာနတွေနဲ့ ညှိနှိုင်းကာ သဘောတူညီချက်ရရှိမှပဲ အချိန်စာရင်းကို သတင်းစာတွေကနေ တစ်ဆင့် တရားဝင်ထုတ် ပြန်ပေးတာဖြစ်ပါတယ်။

ပြီးခဲ့တဲ့ တက္ကသိုလ်ဝင် စာမေးပွဲကို ၂၀၁၇ မတ်လ ၈ ရက်ကနေ ၁၇ ရက်အထိ ကျင်းပခဲ့တာ ဖြစ်ပါတယ်။

Source : 7DayDaily

Photos : Kumudra

Postby

 

ဤအကြောင်းအရာကို သင်ဘယ်လိုထင်ပါသလဲ။
Video