play

 

ပုဂံရှေးဟောင်း ယဉ်ကျေးမှုနယ်မြေက ပြသာဒ်ကြီးဘုရားမှာရှိတဲ့ ဆင်းတုတော်တွေကို ဆေးသုတ်နေတာကို ပြန်လည်စစ်ဆေးမယ်လို့ ရှေးဟောင်း သုတေသနနှင့် အမျိုးသားပြတိုက်ဦးစီး(ပုဂံဌာနခွဲ) ညွှန်ကြားရေးမှူး ဦးအောင်အောင်ကျော်က ပြောပါတယ်။

ရုပ်ရှင်သရုပ်ဆောင် ဖူးစုံရဲ့ အလှူနဲ့ ပြုပြင်နေတဲ့ ပြသာဒ်ကြီးဘုရားက ဆင်းတုတော်တွေ ဆေးသုတ်နေတာတွေကို လူမှုကွန်ရက် စာမျက်နှာမှာ ဝေဖန်မှုတွေ ရှိနေတဲ့အပေါ် မေးမြန်းရာမှာ ဦးအောင်အောင်ကျော်က အခုလိုပြန်လည် ဖြေကြားခဲ့တာ ဖြစ်ပါတယ်။

play
ဆေးအသစ် ပြန်လည်သုတ်နေသည့် ပြသာဒ်ကြီးဘုရားရှိ ရုပ်ပွားတော်များ။

 

“အော်ရယ်ဂျင်နယ်(မူလ)ဆေးကို အရောင်မှိန်နေလို့ အရောင်ပြန်တင်တဲ့ သဘောပါ။ မူလအတိုင်း မပျောက်အောင် ပြန်ပြင်တာဖြစ်လို့ ခွင့်ပြုခဲ့တာပါ။ အခုလို ဝေဖန်တာတွေ ရှိနေတော့ ထိန်းသိမ်းရေးအဖွဲ့က ပြန်စစ်ပြီးတော့ လိုအပ်တာတွေ ပြန်လည် ကြီးကြပ်ဆောင်ရွက်မှာပါ”လို့ ဦးအောင်အောင်ကျော်က ပြောပါတယ်။

 

ပြသာဒ်ကြီးဘုရားက ဆင်းတုတော်တွေကို အရောင်ပြန်တင်ဖို့ သာသနာရေးနှင့်ယဉ်ကျေးမှုဝန်ကြီးဌာန တာဝန်ရှိသူတွေကို အဆင့်ဆင့်တင်ပြပြီး ခွင်ပြုချက်တောင်းခံကာ ပြုလုပ်ခဲ့တာဖြစ်သလို ပြုပြင်တဲ့ ပန်းရံပညာရှင်တွေကိုလည်း ရှေးဟောင်းသုတေသနရုံးက ခွင့်ပြုထားသူတွေကို ဆောင်ရွက်ခဲ့ခြင်းဖြစ်တယ်လို့ ရုပ်ရှင်သရုပ်ဆောင် ဖူးစုံက သူ့ရဲ့လူမှုကွန်ရက် စာမျက်နှာမှာ ပြန်လည်ဖြေရှင်းထားပါတယ်။

Source : The Voice

Photos : Kyaw Naing Win Facebook

Postby

 

ဤအကြောင်းအရာကို သင်ဘယ်လိုထင်ပါသလဲ။
Video