play

 

မြန်မာနိုင်ငံကို အလည်အပတ်လာရောက်မယ့် ပုပ်ရဟန်းမင်းကြီး ဖရန်စစ်ရဲ့ ခရီးစဉ်အတွင်း မြန်မာနိုင်ငံမှာ တပ်မတော်ခေါင်းဆောင်နဲ့ တွေ့ဆုံမယ်လို့ ဗာတီကန်နန်းတော်ရဲ့ထုတ်ပြန်ချက်ကို ရိုက်တာသတင်းဌာနက နိုဝင်ဘာ ၂၂ ရက်မှာ ဖော်ပြခဲ့ပါတယ်။

ရန်ကုန်မြို့မှာရှိတဲ့ ကက်သလစ် ဂိုဏ်းချုပ်နေအိမ်မှာ တပ်မတော်ခေါင်းဆောင်နဲ့ သီးသန့် တွေ့ဆုံမယ်လို့ ပုပ်ရဟန်းမင်းကြီးခရီးစဉ်အတွက် ဗာတီကန်နန်းတော်မှာ ပြုလုပ်ခဲ့တဲ့ သတင်းစာရှင်းလင်းပွဲမှာ ဗာတီကန်ပြောရေးဆိုခွင့်ရှိသူ ဂရက်ဘာ့ခ်က ပြောခဲ့တာ ဖြစ်ပါတယ်။

play

 

ပုပ်ရဟန်းမင်းကြီးရဲ့ မြန်မာနိုင်ငံခရီးစဉ်အတွင်း ရိုဟင်ဂျာအသုံးအနှုန်းကို ရှောင်ရှားဖို့ ပုပ်ရဟန်းမင်းကြီးကို ကုလ သမဂ္ဂ အတွင်းရေးမှူးချုပ်ဟောင်း ကိုဖီအာနန်က တိုက်တွန်းထားပြီး ရိုဟင်ဂျာဆိုတဲံ အသုံးအနှုန်းက ထိရှလွယ်ကြောင်း ကိုဖီအာနန်က ပြောထားပါတယ်။

မြန်မာနိုင်ငံခရီးစဉ်အတွင်း ရခိုင်ပြည်နယ်အရေးနဲ့ ပတ်သက်ပြီး ပြောဆိုရာမှာ ရိုဟင်ဂျာဟူဆိုတဲ့ အသုံးအနှုန်းသုံးစွဲမှာကို မြန်မာနိုင်ငံမှာရှိတဲ့ ကက်သလစ်ဘာသာရေး ခေါင်းဆောင်တွေက စိုးရိမ်နေပြီး အဆိုပါအသုံးအနှုန်းကို ရှောင်ရှားဖို့ ရန်ကုန် ကက်သလစ်ဂိုဏ်းချုပ် ကာဒီနယ်ချားလ်ဘိုက ပုပ်ရဟန်းမင်းကြီးကို အကြံပေးထားပါတယ်။

Source : 7DayDaily

Photos : 7Day,ustoday

 

ဤအကြောင်းအရာကို သင်ဘယ်လိုထင်ပါသလဲ။
Video