AD
AD
AD
play

 

အိမ်အကူမိန်းကလေး နှစ်ဦးကို နှိပ်စက်တယ်လို့ စွပ်စွဲခံထားရတဲ့ အင်းဝအပ်ချုပ်ဆိုင်အမှုကို ဒီဇင်ဘာ ၁၅ ရက်မှ အပြီးသတ် အမိန့်ချမှတ်တော့မယ်လို့ သိရပါတယ်။

အဆိုပါအမှုကို ဒီဇင်ဘာ ၁ ရက်က အနောက်ပိုင်းခရိုင်တရားရုံးမှာ ရုံးထုတ်စစ်ဆေးခဲ့ရာမှာ တရားလို၊ တရားပြိုင်နှစ်ဖက်ရှေ့နေတွေက တရားသူကြီးထံ လျှောက်လဲချက် တင်သွင်းခဲ့တာ ဖြစ်ပါတယ်။

အင်းဝအပ်ချုပ်ဆိုင် မိသားစုဝင် ဒေါ်တင်သူဇာ၊ ဦးကိုလတ်နဲ့ ကိုတင်မင်းလတ်တို့ရဲ့ ရှေ့နေတွေတရားခွင်ကို မလာတော့လို့ သူတို့ သုံးဦးအတွက် လျှောက်လဲချက်ကို ကိုတင်မင်းလတ်ကိုယ်တိုင်ရေးပြီး တင်သွင်းခဲ့တယ်လို့ သိရပါတယ်။

play

 

အင်းဝအပ်ချုပ်ဆိုင်အမှုကို ၂၀၁၆ စက်တင်ဘာကစတင်ပြီး တစ်ပတ်ကို ရုံးချိန်းနှစ်ချိန်းနဲ့ စစ်ဆေးခဲ့ရာ တစ်နှစ်ကျော်ကြာ မြင့်ပြီဖြစ်ပါတယ်။

အင်းဝအပ်ချုပ်ဆိုင်ပိုင်ရှင် ဒေါ်တင်သူဇာ၊ သမီးငယ် မစုမွန်လတ်၊ သား ကိုတင်မင်းလတ်နဲ့ သမက်ဦးရာဇာထွန်းတို့ကို ကလေးသူငယ် ဆိုင်ရာဥပဒေပုဒ်မ၊ လူကုန်ကူးမှုတားဆီးကာကွယ်ရေးဥပဒေပုဒ်မအပါအ၀င် ပုဒ်မလေးခုနဲ့ စွဲချက်တင်ထားပါတယ်။

ဒါ့အပြင် အင်းဝအပ်ချုပ် ဆိုင်မိသားစုရဲ့ သမီးကြီးဒေါ်သီရိလတ်နဲ့ ဒေါ်တင်သူဇာရဲ့ခင်ပွန်းဦးကိုလတ်ကို လူကုန်ကူးမှုမှာ အားပေးအားမြှောက်မှု၊ ပူးပေါင်း ကြံစည်မှု၊ အပြင်းအထန်နာကျင်စေမှုမှာ အားပေးအားမြှောက်ပြုမှု၊ ပူးပေါင်းကြံစည်မှု ပုဒ်မ ၃၂၅/ ၁၁၄ တို့နဲ့ စွဲချက်တင်စစ်ဆေး နေတာ ဖြစ်ပါတယ်။

Source : 7DayDaily

Photos : Mizzima

Postby

 

ဤအကြောင်းအရာကို သင်ဘယ်လိုထင်ပါသလဲ။
AD
AD