AD
AD
AD
play
လူအသွားအလာများသည့် ပြည်လမ်းမပေါ်ရှိ စိုက်ပျိုးရေးမှတ်တိုင် ပတ်ဝန်းကျင် မြင်ကွင်း။

 

ရန်ကုန်မြို့အတွင်း မြေအောက်လူသွားလမ်း (Underpass) သုံးစင်းကို ၂၀၁၇ -၂၀၁၈ ဘဏ္ဍာနှစ်အတွင်း အပြီးတည်ဆောက်သွားမယ်လို့ ရန်ကုန်မြို့တော်စည်ပင်သာယာရေးကော်မတီ၊ အင်ဂျင်နီယာဌာန(လမ်းတံတား) ကနေ သိရပါတယ်။

အဆိုပါမြေအောက်လူသွားလမ်းကို ဗဟန်းမြို့နယ် ဦးဝိစာရလမ်း (ရွှေတိဂုံဘုရား အနောက်ဘက်မုခ်အနီး)၊ ကမာရွတ် မြို့နယ်၊ ပြည်လမ်း (ပညာရေးတက္ကသိုလ်ရှေ့)နဲ့ မရမ်းကုန်းမြို့နယ်၊ ပြည်လမ်း (ရှစ်မိုင်ခုံးကျော်တံတားအနီး) တို့မှာ တည်ဆောက်သွားမယ်လို့ သိရပါတယ်။

play

 

‘‘ရန်ကုန်မှာ တစ်ခါမှမ ဆောက်ရသေးဘူး။  အခုလိုမြေ အောက်လမ်းတွေ ပြီးရင် နိုင်ငံခြားမှာလို မြေအောက်ဈေးတွေလည်း ဆက်ပြီး လုပ်နိုင်အောင်ဖို့ပါ’’လို့ ရန်ကုန်မြို့တော်စည်ပင်သာယာ ရေး ကော်မတီ လမ်းတံတားဌာန လက်ထောက်ဌာနမှူး ဦးကျင်အုန်းက ပြောပါတယ်။

ယာဉ်တိုက်မှုတွေ လျော့ကျစေရေး၊ လူအများလမ်းဖြတ်ကူးရာမှာ ဘေးအန္တရာယ်ကင်းရှင်းစေရေးအတွက် မြေအောက်လူကူးလမ်းတွေ တည်ဆောက်တာဖြစ်လို့ ဦးကျင်အုန်းက ဆိုပါတယ်။

ဦးသိန်းစိန်အစိုးရ သက်တမ်း ကုန်ဆုံးခါနီးမှာ ကမာရွတ်မြို့နယ် ပညာရေးတက္ကသိုလ်ရှေ့က ပြည်လမ်းမအောက်မှာ မြေအောက်လူကူးလမ်း စီမံ ကိန်းတစ်ခု အကောင်အထည်ဖော်ဖို့ စီစဉ်ခဲ့ပါသေးတယ်။

Source : 7DayDaily

Photos : Win Lwin( Duwun )

ဤအကြောင်းအရာကို သင်ဘယ်လိုထင်ပါသလဲ။
AD
More From

Local News


AD