AD
AD
AD
play

 

ဧရာဝတီတိုင်းဒေသကြီး မြောင်းမြမြို့နယ် တောင်ကလေးကျေးရွာမှာ ဒီဇင်ဘာ ၁၀ ရက် ညနေ ၄ နာရီလောက်က သုံးလောင်းပြိုင် လူသတ်မှုဖြစ်ပွားခဲ့ပြီး တစ်ဦးက မြောင်းမြဆေးရုံမှာ ဆေးကုသမှုခံယူနေရတယ်လို့ သိရပါတယ်။

ဖြစ်စဉ်မှာ လင်မယားစကားများတာကနေ ခင်ပွန်းဖြစ်သူ ဦးသန့်ဇော် (၄၀ နှစ်)က ဇနီးဖြစ်သူ ဒေါ်တင်တင်သန်း (၃၃ နှစ်)ကို ဓားနဲ့ စတင်ခုတ်သတ်ခဲ့တာလို့ ဆိုပါတယ်။ နောက်ပိုင်းမှာ အခင်းဖြစ်တဲ့ နေရာကို ရောက်ရှိလာတဲ့ အိမ်ဘေးမှာနေထိုင်တဲ့ ဒေါ်တင်တင်သန်း၏မိခင် ဒေါ်ခင်ရီ (အသက် ၆၀ နှစ်)၊ တူဖြစ်သူ မောင်လင်းလင်း (အသက် ၁၀ နှစ်)နဲ့ ယောင်းမဖြစ်သူ မစန္ဒာဦး (၂၆ နှစ် )တို့ကိုလည်း ဓားနဲ့ဆက်လက်ခုတ်သတ်ခဲ့တာလို့ တရားလိုလုပ်ပြီး အမှုဖွင့်သူ ဒေါ်ခင်ရီရဲ့ သမီးကြီးဖြစ်သူက ပြောပါတယ်။

အဆိုပါဖြစ်စဉ်ကြောင့် ဒေါ်တင်တင်သန်း ၊ ဒေါ်ခင်ရီနဲ့ မောင်လင်းလင်းတို့က အခင်းဖြစ်တဲ့ နေရာမှာပဲ သေဆုံးခဲ့ပြီး သေဆုံးသူ ဒေါ်တင်တင်သန်းရဲ့ ယောင်းမဖြစ်သူ မစန္ဒာဦးက မြောင်းမြဆေးရုံမှာ အတွင်းလူနာအဖြစ် ဆေးကုသမှုခံယူနေတယ်လို့ သိရပါတယ်။

ဒီဖြစ်စဉ်နဲ့ပတ်သက်ပြီး ပြစ်မှုကျူးလွန်သူ ဦးသန့်ဇော် (၄၀ နှစ်)က ထွက်ပြေး တိမ်းရှောင်နေပြီး အမြန်ဖမ်းဆီးရမိရေးအတွက် နယ်မြေခံ ရဲတပ် ဖွဲ့ဝင်တွေက ဆောင်ရွက်နေဆဲဖြစ်တယ်လို့ မြောင်းမြမြို့မ ရဲစခန်းထံမှ သိရပါတယ်။

Source : The Voice

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD