AD
AD
AD
play

 

ဒီဇင်ဘာ ၂၆ ရက် ကနေ ဒီဇင်ဘာ ၂၈ ရက်အထိ ရန်ကုန်တိုင်းဒေသကြီး အတွင်းရှိ မြို့နယ်တချို့မှာ လျှပ်စစ်ဓာတ်အား ပြတ်တောက်မယ်လို့ ရန်ကုန်မြို့တော် လျှပ်စစ်ဓာတ်အားပေးဝေရေးအဖွဲ့ကနေ သိရပါတယ်။

အဆိုပါရက်ပိုင်းအတွင်း ဓာတ်အားခွဲရုံနဲ့ ဓာတ်အားလိုင်းတွေ ထိန်းသိမ်းပြုပြင်ခြင်း၊ ဓာတ်အားလိုင်းနဲ့ မလွတ်ကင်းတဲ့ သစ်ပင်၊ သစ်ကိုင်းတွေ၊ ခုတ်ထွင်ရှင်းလင်းတာကို ပြုလုပ်မှာဖြစ်လို့ မနက် ၉ နာရီကနေ နေ့လည် ၁၂ နာရီအထိ လျှပ်စစ်ဓာတ်အား ယာယီ ပြတ်တောက်မှာ ဖြစ်ပါတယ်။

ရန်ကုန်တိုင်းဒေသကြီးထဲက အင်းစိန်၊ မင်္ဂလာဒုံ၊ လှိုင်သာယာ၊ ရွှေပြည်သာ၊ လှည်းကူး၊ မှော်ဘီ၊ ထောက်ကြန့်၊ တိုက်ကြီး၊ အဖျောက်၊ ဥက္ကံ၊ ဖောင်ကြီး၊ ဒါးပိန်၊ အင်းတိုင်၊ မြောင်းတကာ၊ ထန်းတပင်၊ လှိုင်၊ အလုံ၊ ကမာရွတ်၊ မရမ်းကုန်း၊ ဗဟန်း၊ လမ်းမတော်၊ စမ်းချောင်း၊ ကြည့်မြင်တိုင် မြို့နယ်တွေမှာရှိတဲ့ ရပ်ကွက်တချို့မှာ ယာယီဓာတ်အားပြတ်တောက်တာတွေ ဖြစ်ပေါ်မယ်လို့ ဆိုပါတယ်။

play

 

ပြီးခဲ့တဲ့ ဒီဇင်ဘာလ ၂၅ ရက် ခရစ္စမတ်ပွဲတော်နေ့ ညနေ ၄ နာရီခွဲ ကျော်ကစပြီး နိုင်ငံတော်ဓာတ်အားစနစ် အပြစ်ဖြစ် (System Breakdown) ပေါ်ခဲ့လို့ တစ်နိုင်ငံလုံး နှစ်နာရီခန့်ကြာ လျှပ်စစ်မီးပြတ်တောက်ခဲ့မှု ဖြစ်ပွားခဲ့ပါသေးတယ်။

မဟာဓာတ်အားလိုင်းစနစ် System Breakdown ဖြစ်ချိန်မှာ ရန်ကုန်မြို့တော်လျှပ် စစ်ဓာတ်အားပေးရေးကော်ပိုရေးရှင်းက ရန်ကုန်တိုင်းရှိ ဓာတ်အားပေးစက်ရုံတွေကနေ လျှပ်စစ်ဖြန့်ဖြူးပေးဖို့ စီစဉ်ခဲ့ပြီး ညနေ ၆ နာရီလောက်မှ ရန်ကုန်တိုင်းအတွင်း လျှပ်စစ်ဓာတ်အားပြန်လည်ဖြန့် ဖြူးပေးနိုင်ခဲ့ပါတယ်။

Source : YESC,7DayDaily

Photos : 7DayDaily

ဤအကြောင်းအရာကို သင်ဘယ်လိုထင်ပါသလဲ။
AD
AD