AD
AD
AD
play
မြန်မာနိုင်ငံမှာ နိုင်ငံသားစိစစ်ရေး ကတ်ပြား ကိုင်ဆောင်သူဦးရေ ၂၈သန်း ကျော်ပါတယ်။

 

လက်ရှိအသုံးပြုနေတဲ့ နိုင်ငံသားစိစစ်ရေးကတ်တွေကို စမတ်ကတ်နဲ့ပြောင်းလဲ အသုံးပြုနိုင်ဖို့ ဒီနှစ်အတွင်းမှာ ဆောင်ရွက်သွားမယ်လို့ အ လုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနကနေ သိရပါတယ်။

ဒီလို ပြောင်းလဲအသုံးပြုနိုင်ဖို့အတွက် ရန်ကုန်တိုင်းဒေသကြီး၊ နေပြည်တော်ကောင်စီ၊ မန္တလေးတိုင်းဒေသကြီးနဲ့ ရခိုင်ပြည်နယ်တို့မှာ ၂၀၁၇ နှစ်လယ်ပိုင်းက ရှေ့ပြေး စီမံချက်ပြုလုပ်ခဲ့ပြီး အောင်မြင်ခဲ့တာကြောင့် တစ်နိုင်ငံလုံးအတိုင်းအတာနဲ့ ဆက်လက်ဆောင်ရွက်သွားမယ်လုိ့ ဆိုပါတယ်။

"စမတ်ကတ်တွေစထုတ်ဖို့ တင်ပြထားတယ်။ နိုင်ငံတော်ကနေ ကော်မတီဖွဲ့ဖို့လုပ်နေတာတွေရှိတယ်။ ခုလက်ရှိက ကော်မတီဖွဲ့ပြီးဖို့ပဲ၊ ပြီးရင်တောက်လျှောက်လုပ်ငန်းစတော့မှာ၊ ကျန်တဲ့ စမ်းသပ်တာတွေ သုတေသနလုပ်တာတွေ အားလုံးပြီးသွားပြီ။ တစ်နိုင်ငံလုံးအတိုင်းအတာနဲ့ လုပ်ပေးသွားမှာပါ"လို့ ပြည်ထဲရေးဝန်ကြီးဌာန အမြဲတမ်းအတွင်းဝန် ဦးမြင့်ကြိုင်က ဓူဝံကို ပြောပါတယ်။

မှတ်ပုံတင်တွေကို စမတ်ကတ်တွေအဖြစ် ပြောင်းလဲနိုင်မယ်ဆိုရင် နိုင်ငံထဲမှာ နေထိုင်သူတွေရဲ့ Biographic Data နဲ့ Biometric Data တွေ ကောက်ယူပြီး National Natabase တည်ဆောက်ထိန်းသိမ်းနိုင်အောင်ဆောင်ရွက်သွားမှာ ဖြစ်ပြီး e-government ကိုလည်း အကောင်အ ထည်ဖော်ဆောင်ရွက်နိုင်မှာ ဖြစ်တယ်လို့ ဆိုပါတယ်။

၂၀၁၄ လူဦးရေနှင့် အိမ်အကြောင်းအရာ သန်းခေါင်စာရင်း အစီရင်ခံစာအရမြန်မာနိုင်ငံမှာ လူဦးရေ ၅၂ သန်းကျော်ရှိပြီး နိုင်ငံသားစိစစ်ရေး ကတ်ပြား ကိုင်ဆောင်သူဦးရေ ၂၈သန်း ကျော်ရှိတယ်လို့ သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD