AD
AD
AD
play

 

လာမယ့် ၂၀၁၇-၂၀၁၈ ဘဏ္ဍာနှစ်အတွက် ဘဏ္ဍာရေး နှစ်ချုပ်စာရင်းပိတ်လုပ်ငန်းစဉ်တွေ ပြုလုပ်မှာဖြစ်လို့ ဘဏ်တွေရဲ့ အွန်လိုင်း ဝန်ဆောင်မှုတွေကို ယာယီပိတ်ထားမယ်လို့ ပြည်တွင်းပုဂ္ဂလိက ဘဏ်တချို့က ကြေညာချက်ထုတ်ပြန်ထားပါတယ်။

ထိပ်တန်းဘဏ်တစ်ခုဖြစ်တဲ့ ကမ္ဘောဇဘဏ်က နှစ်ချုပ်စာရင်းပိတ်တာ၊ ၀န်ဆောင်မှုတချို့ကို အဆင့်မြှင့်တင်တာတွေပြုလုပ်မှာဖြစ်လို့ မတ်လ (၃၀)ရက်နေ့မှာ Quick Pay ၀န်ဆောင်မှုတွေအသုံးပြုနိုင်မှာ မဟုတ်ဘဲ မတ်လ (၃၀)ရက် သောကြာနေ့ ည (၈)နာရီကနေ ဧပြီလ (၁)ရက် တနင်္ဂနွေနေ့ မနက် (၆) နာရီ အထိ iBanking / mBanking ၀န်ဆောင်မှုများကို ရပ်ဆိုင်းထားမယ်လို့ ကြေညာထားပါတယ်။

CB ဘဏ်ကတော့ နှစ်ချုပ်စာရင်းပိတ်တဲ့လုပ်ငန်းတွေကို မတ်လ ၃၀ ရက် ည ၁၀ နာရီကနေ ၃၁ ရက် နေ့လယ် ၁၂ နာရီအထိ ပြုလုပ်မှာ ဖြစ်ပြီး Mobile Banking၊ Internet Banking၊ ATM၊ CRM၊  PUM၊ Cheque Deposit Machine တွေက မိမိအကောင့်နဲ့ ချိတ်ဆက်ထားတဲ့ ကတ်တွေ၊ မိုဘိုင်းလ်အေးဂျင့် ဝန်ဆောင်မှုတွေကို ရပ်နားထားမယ်လို့ ဆိုပါတယ်။

ATM စက်တွေကိုလည်း မတ်လ ၃၀ ရက် သောကြာနေ့ ည ၁၀ နာရီကနေ ၁၂ နာရီအထိ၊  ဧပြီလ ၁ ရက် တနင်္ဂနွေနေ့ ည ၁ နာရီခွဲကနေ မနက် ၈ နာရီခွဲအထိ အဆင့်မြှင့်တင်မှာဖြစ်လို့ သုံးစွဲရာမှာ အဆင်မပြေဖြစ်နိုင်တယ်လို့ အသိပေးထားပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
AD