AD
AD
AD
play
YBS တစ်စီးရှေ့တွင်တွေ့ရသည့် ကြားကားတစ်စီး။

 

သင်္ကြန်ပွဲတော်ကာလအတွင်း ရန်ကုန်မြို့နေ ပြည်သူလူထု သွားလာမှု အဆင်ပြေစေဖို့ ကြားကား ပြေးဆွဲတာတွေကို ခွင့်ပြုမှာ ဖြစ်တယ်လို့ သိရပါတယ်။

“YBS ယာဉ်လိုင်းတွေမရှိတဲ့အချိန်မှာ တက္ကစီပဲဖြစ်ဖြစ်၊ စုပေါင်းဌားတဲ့ ကားတွေပဲ ဖြစ်ဖြစ် ရှိကောင်းရှိနိုင်မှာပါ။ ည ၁၀ နာရီကျော် ပြေးဆွဲတဲ့ ကြားကားတွေဆိုရင် အများပြည်သူသွားလာဖို့ အဆင်ပြေဖို့ ခွင့်ပြုပေးရတာရှိတယ်” လို့ အမှတ် (၆) ယာဉ်ထိန်းရဲဒုတပ်ဖွဲ့ခွဲမှူး ရဲမှူးသန်းမြင့်က ဓူဝံမီဒီယာကို ပြောပါတယ်။

သင်္ကြန်ကာလအတွင်း ရန်ကုန်မြို့မှာ YBS ယာဉ်လိုင်းပေါင်း (၆၁) လိုင်း၊ ယာဉ်စီးရေ (၇၆၉) စီးပြေးဆွဲမှာ ဖြစ်ပြီး ပုံမှန်အချိန်ထက် ယာဉ်စီးရေနည်းပါးနေတာကြောင့် အတတ်နိုင်ဆုံး လူအများအပြား စီးနိုင်တဲ့ ဆုံရပ်နေရာတွေကနေ ပြေးဆွဲသွားမှာ ဖြစ်တယ်လို့ သိရပါတယ်။

play

 

ရန်ကုန်မြို့တွင်း မြို့ပြင်ပြေးဆွဲနေတဲ့ ကြားကားတွေကို YBS ယာဉ်လိုင်းတွေ ပြေးဆွဲနေတဲ့ အချိန်မှာတွေ့ရှိရင် ဖမ်းဆီးထိန်းသိမ်းတာတွေ ပြုလုပ်နေပြီး ၂၀၁၈ ခုနှစ် ဇန်န၀ါရီလကနေ ဧပြီလ ၁၀ ရက်အထိ ကြားကားဖမ်းဆီးမှု ၃၈ စီးရှိခဲ့တယ်လို့ အမှတ် (၂) ယာဉ်ထိန်းရဲတပ်ဖွဲ့ခွဲမှူးရုံးကနေ သိရပါတယ်။

လက်ရှိမှာ ကြားကားပြေးဆွဲမှု ပပျောက်ဖို့ ရန်ကုန်တိုင်းဒေသကြီး အများပြည်သူ သယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင် အဖွဲ့ (YRTA) အနေနဲ့ YBS ယာဉ်တွေကို အစားထိုးပြေးဆွဲဖို့ စီစဉ်နေပြီး YBS ယာဉ်အားလုံးကို ည ၁၀ နာရီအထိ တပြေးညီ ပြေးဆွဲတော့မယ်လို့ ကြေညာထားပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
AD