AD
AD
AD
play

 

အစိုးရအဖွဲ့ဝန်ကြီးတွေ သုံးစွဲဖို့ ကားဝယ်ယူမယ့်ကိစ္စက အဆောင်အယောင်ဥပဒေနဲ့ လိုအပ်ချက်အရ ဆောင်ရွက်တာဖြစ်ပြီး လျာထားငွေ သတ်မှတ်ချက်ကို တင်ပြတာပဲဖြစ်တယ်လို့ ရန်ကုန်တိုင်း ဝန်ကြီးချုပ်ဦးဖြိုးမင်းသိန်းက ပြောကြားလိုက်ပါတယ်။

တိုင်းအစိုးရအဖွဲ့ဝင်ဝန်ကြီးတွေ စီးနင်းဖို့အတွက် ဖိုဒ့်မော်တော်ကား ဆယ်စီးဝယ်ယူဖို့ ကျပ်သိန်းတစ်သောင်းတင်ပြတောင်းခံတဲ့အပေါ် ဝေဖန်မှုတွေ ကျယ်ကျယ်လောင်လောင်ထွက်ပေါ်နေလို့ ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်းက ဇွန်လ ၁၀ ရက်နေ့ မွန်းလွဲပိုင်းမှာ ရန်ကုန်တိုင်းဒေသကြီးအစိုးရအဖွဲ့၊ ဝန်ကြီးချုပ်ရုံးခန်းမမှာ မီဒီယာတွေနဲ့ တွေ့ဆုံတဲ့ အချိန်မှာ အခုလိုပြောကြားခဲ့တာ ဖြစ်ပါတယ်။

“အဆောင်အယောင်အရ ကျွန်တော်တို့တိုင်းဒေသကြီးရဲ့ဘက်ဂျက်ကနေ ဝယ်ရမှာ မဟုတ်ပါဘူး။ ဒါက ပြည်ထောင်စုကနေ စီမံ၊ဘဏ္ဍာ ဝန်ကြီးဌာနဘက်ကနေ ကျွန်တော်တို့ကို ချပေးရမှာဖြစ်ပါတယ်။ ဒီအတွက် ပြည်ထောင်စု စီမံ၊ဘဏ္ဍာဝန်ကြီးဌာနနဲ့ ကျွန်တော်တို့ ဆွေးနွေးနေပါတယ်။ ပြည်ထောင်စု ဝန်ကြီးဌာန ဘက်ကနေ ဆောင်ရွက်ပေးနိုင်မယ်ဆိုရင် ဒီကားတွေကို ဝယ်ယူစရာမလိုအပ်တော့ပါဘူး။ ဒီငွေတွေကို ကျွန်တော်တို့ တိုင်းအတွင်း လိုအပ်တဲ့ အခြားနေရာတွေမှာ သုံးစွဲခွင့်ရသွားမှာဖြစ်သလို ကျေးလက်ဒေသ ဖွံ့ဖြိုးတိုးတက်ရေးကို ပိုမိုသုံးစွဲနိုင်ခွင့် ရသွားမှာဖြစ်ပါတယ်"လို့ ဦးဖြိုးမင်းသိန်းက ပြောပါတယ်။

အဆိုပါမော်တော်ကားတွေဝယ်ယူနိုင်ဖို့ ပြည်ထောင်စုဝန်ကြီးဌာနနဲ့ ဆွေးနွေးနေပြီး ဗဟိုစက်ပစ္စည်း၊ စာရင်းအင်းနဲ့ စစ်ဆေးရေးဦးစီးဌာန(CESID)ကနေ ကားတွေထုတ်ပေးမယ်ဆိုရင် ဖွဲ့စည်းပုံအခြေခံဥပဒေအရ အစိုးရက ကားတင်သွင်းသွားမှာဖြစ်ပြီး တိုင်းဒေသကြီးလွှတ်တော်ရဲ့ ပုဒ်မ (၁၄၁)အရ ဥပဒေကြမ်းကို အတည်ပြုမယ့်အချိန်မှသာ အများသဘောဆန္ဒနဲ့ အတည်ပြုရမှာဖြစ်တယ်လို့ ဆိုပါတယ်။

အရင်အစိုးရအဖွဲ့ထံမှာ လက်ခံရရှိထားသည့် ကား ၁၂ စီးအနက် သုံးစီးသာ လတ်တလောအသုံးပြုပြီး ကျန်ကားတွေမှာ အသုံးပြုလို့ မရတာကြောင့် ဝန်ကြီးတွေစီးဖို့နဲ့ နိုင်ငံတကာခေါင်းဆောင် ဧည့်သည်တွေ လာရောက်ရင် လုံခြုံစွာစီးနင်းနိုင်ဖို့ Ford နဲ့ Toyota အမျိုးအစားတစ်မျိုးမျိုးကို တစ်စီးလျှင် ကျပ်သိန်း ၈၅၀ နဲ့ ၁၀ စီးဝယ်ယူရန် စီစဉ်ရတာဖြစ်တယ်လို့ ရန်ကုန်တိုင်း စီမံဘဏ္ဍာဝန်ကြီး ဦးမြင့်သောင်း က ပြောထားပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
AD