AD
AD
AD
play

 

ဇွန်လ ၁၃ ရက်နေ့ ည ၈ နာရီခွဲလောက်က ရန်ကုန်မော်တင် စဥ့်အိုးတန်းသမ္ဗန်ဆိပ်ကနေ ဒလဘက်ကမ်း ကမာကသွယ်သမ္ဗန်ဆိပ်သို့ ထွက်ခွာလာတဲ့ ခရီးသည်တင်သမ္ဗန်နစ်မြုပ်ပြီး လေးဦးပျောက်ဆုံးနေတယ်လို့ မြန်မာနိုင်ငံရဲတပ်ဖွဲ့ရဲ့ထုတ်ပြန်ချက်အရ သိရပါတယ်။

အဆိုပါ သမ္ဗန်ရဲ့ပန်ကာကိုဒိုက်ပတ်ပြီး အင်ဂျင်ရပ်တန့်မျောပါကာ ဆူးလေဆိပ်ခံတံတားအမှတ်(၂)နဲ့  အမှတ်(၃)အကြားမှာ နစ်မြုပ်ခဲ့တာဖြစ်ပြီး မောင်းနှင်သူအပါအဝင် ၁၂ ဦးလိုက်ပါလာကာ ဇွန်လ ၁၃ ရက် ည ၉ နာရီခွဲအထိ ရှစ်ဦးရှာဖွေတွေ့ရှိပြီး လေးဦးပျောက်ဆုံးနေတယ်လို့ သိရပါတယ်။

ပျောက်ဆုံးနေသူတွေကို ဆိပ်ကမ်းမြို့နယ်ရဲတပ်ဖွဲ့မှ တပ်ဖွဲ့ဝင်များ၊ ရေကြောင်းရဲတပ်ဖွဲ့မှ တပ်ဖွဲ့ဝင်တွေနဲ့ မီးသတ်တပ်ဖွဲ့ဝင်တွေက ခရီးသည်(၁၁)ဦးနဲ့ စက်လှေမောင်းတို့ကို လိုက်လံရှာဖွေရာ စက်လှေမောင်းအပါဝင် ခရီးသည်(၇)ဦး စုစုပေါင်း(၈) ဦးကို ရှာဖွေတွေ့ရှိခဲ့ပြီး ခရီးသည် 
(၄)ဦး ပျောက်ဆုံးနေတယ်လို့ ဆိုပါတယ်။

play

 

ပျောက်ဆုံးနေသူတွေကို ရေကြောင်းရဲတပ်ဖွဲ့နဲ့ မြန်မာနိုင်ငံမီးသတ်တပ်ဖွဲ့ တာဝန်ရှိသူတွေက ဇွန်လ ၁၃ ရက်နေ့ ည ၁၁ နာရီကျော်အထိ ရှာဖွေရေးတွေ လုပ်ဆောင်နေပေမယ့် မတွေ့ရှိသေးဘူးလို့ ဆိုပါတယ်။

ဒီဖြစ်စဉ်နဲ့ ပတ်သတ်ပြီး စက်လှေကိုပေါ့လျော့စွာ မောင်းနှင်သူ ဒလမြို့နယ်၊ ဗိုလ်ရန်ပြေရပ်ကွက်နေ ကျော်မင်း(၄၄)နှစ်ကို မြို့မရဲစခန်း(ပ) ၁၃၀/၂၀၁၈ ၊ ရာဇသတ်ကြီးပုဒ်မ ၂၈၀/၃၃၇ နဲ့ အမှုဖွင့် အရေးယူဆောင်ရွက်နေတယ်လို့ သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD